[偷得浮生半日閒]用8日獨遊西日本 (京都‧名古屋‧奈良‧廣島)

乜依家要book咁癲好多年前去排一陣就入得

人流控制好D

睇你D行程，一日要磨打腳先得
CLS
我上個月京都+姬路紅葉遊行到腳都麻卑咁滯，生埋水泡要用針挑每日用D炭酸浴粉狂浸熱水浴+鎮熱貼貼腳先叫頂到，京都D閪沙石路真係好惡頂你gear愈重就愈慘

我以前都會孭個背囊裝好多野去
今次剩係1個斜孭袋，單反gopro水乜都唔拎
全輕裝上陣，感覺冇乜野
同埋我係香港行開山又操開，唔算太大問題
去到Day5先開始瀨野

可能因為交通冇咁方便，呢度明顯比嵐山少人好多
同時又有唔少紅葉睇，可以慢慢影




入場費400yen，係一張保平安既御朱印


金閣寺最出名就係眼前呢個舍利殿
外牆貼滿金箔，陽光射射下顯得金碧輝煌
久而久之鹿苑寺呢個真名已經冇乜人記得
舍利殿前面個湖叫鏡湖池
係風平浪靜既時候會好似鏡咁倒映，叫做"逆さ金閣"



勁少人，正

白蛇係弁才天既使者，掌管智慧同褔德
相傳散銀掟得入前面個兜就可以實現願望
啲鬼佬好似冒險樂園掟彩虹咁玩
但好似唔覺佢地掟得入


呢個位望過去超靚


6年前同朋友K黎過呢度，當年係多雲微雨
想知多啲就睇下呢個Post

[紅葉。基友。京阪奈]兩個小生去日本7天團
https://lih.kg/aDFLDcV

今次我自己黎就勁好天，梗係要串下佢
唔知係條友有言靈定點，佢一講完就落雨


但加埋本人旅行必晴既被動屬性對抗
唔知點解落緊雨啲雲又少左，太陽仲猛左
所以拿拿聲行番轉頭影多次相
出現機率極低既陽光雨下璀璨的金閣寺，靚到爆

4月去仲有冇紅葉

你知唔知咩喺紅葉

SOR...櫻花先ARM

行到4點幾都就快天黑，係時候去食飯



要離開呢度除左行路之外就得番巴士
結果就出現同我以前發生既悲劇一樣
就係班次嚴重誤點，過左預定時間15分鐘都未到
架車黎到既時候基本上係迫爆既狀態
我前面上左幾個人就已經接近痴漢巴士既狀態
雖然我都想上車，但礙於體形而作罷
所以我好憎係京都搭巴士就係咁解



不過螳螂捕蟬黃雀在後
後面嗰班車跟番原定時間到，仲要有位坐



坐我隔離係對情侶，個後生女坐我側邊
佢地坐坐下訓著，條女就訓左係我膊頭長達15分鐘
到條仔醒番先撥番個頭去佢膊頭度
我冇望向佢，但都估到佢乜表情
係咪可以叫自己做大將軍？


除左頭先NTR人地之外，我其實仲諗緊夜晚食乜
雖然架巴士總站係京都站，但好似幾塞車
而且怕俾條仔尋仇，所以最後決定係西大路四条站落車
行去對面西院站搭阪急去河原町站

麺屋 猪一 [Tabelog評分：3.70]
係河原町站行5分鐘就會到呢間拉麵店
好多年前我已經想食，但去到而家先搵到時間食
間舖5點半開門，我早3分鐘到
啱啱好到前一個就坐滿，要我等下一輪
不過可以入舖頭等，店員俾個餐牌我慢慢諗食乜
順便觀察下啲人食乜



呢度既湯底有白或者黑醬油
我鍾意重口味少少就揀左黑




等左20分鐘終於可以入座
とろろ昆布就係一啲好多白粉既刨絲昆布
陣間加啲落去試下先


炙り和牛そば(黑) 赤玉味付り玉子入り <1500yen>
醬油湯底冇豚骨湯底咁濃厚
但唔代表佢唔好味，正如可樂同檸茶冇得咁比較
我揀左出名油脂多既和牛做配料
因為用火槍炙過既，所以極香
咬落去好淋，入口即溶，充滿牛油味
啲牛肉汁溶左落個湯度，令個湯飲落好有層次
有醬油既淳厚加埋和牛可能有啲滯
所以俾左啲柚子皮俾你加落去，連埋葱食落好清爽
とろろ昆布加左落去搞到碗野滑潺潺咁，好奇怪
拉麵麵質彈牙，唔會太快就淋哂
味付溏心蛋唔會過熟，火候幾好
但如果同高安比，我都係鍾意嗰種強烈既美味



呢度係唔收現金既
想過黎食既人請用信用卡或者確保IC Card夠錢俾


食完都係6點幾，條隊已經由舖入面排到出黎

去旅行去到食埋人地條女

豬一睇落好正

啟程去今日最後一個景點 - 二条城
第4次行去祇園四条站
搭1個站去三条站轉地鐵東西線去二条城前站



二条城平時夜晚係唔開放既
但係10月28日至12月4日期間
呢度會舉辦"NAKED FLOWERS 2022 秋 世界遺産・二条城"
其實就係夜間光影表演，不過入場費都幾貴
平日要1800yen，假日要2200yen
但係提前係KKDay買就平400yen
扣埋優惠碼轉匯率，只係港紙58蚊，可接受



入場同工作人員出示QR Code憑證
俾佢地掃描完就入得

係唐門就有第一個光影表演
有啲彩帶同花飄下飄下，最後有隻鳳凰飛入門咁樣



之後就會經過二の丸御殿同埋庭園




係本丸城牆又有另一個光影表演
個流程同第一個差唔多，但華麗啲







之後就經城牆邊去清流園轉番去外城牆

慢慢行睇下光影表演都用左45分鐘
行到最尾就係啲文青野同埋NAKED Inc.既企劃展
例如以下呢個自動感應酒精噴霧機
做得幾好，吸引到好多人黎試，包括我
https://streamable.com/gkj71w


呢個攤位就係Twitter大人氣既NAKED花みくじ
同求籤既原理一樣，只係將支籤變左做唔同既花
俾500yen就可以係個架度揀一朵你想要既紙花
花下面插住籤文，可以知自己運程吉凶
吉既可以帶走，唔好運既通常會綁去架上面
呢度就將個架設計到好似樹枝咁
吸引不同女士前來課金打卡，成個畫面好靚



呢個攤位既概念就係想將大家既名字好似蒲公英咁傳開去
掃描QR Code之後會彈個網頁出黎
寫低自己名再確認就會出左另一個QR Code
之後將個碼對準個掃描器
前面個畫面就會將你個名放落個動畫度
不過大部分時間都係情侶用黎放閃DLLM






黎得景點當然唔少得大量手信攤位
行完就會出番頭先個門口

尋晚睇世界盃都見到呢個廣告，完全唔撚知佢做乜

樓主好識揀酒店 爬番舊文發覺次次都幾c伏 有趣 有冇攻略？

其實都係expedia sort好價錢之後逐間禁黎睇
之後google下有冇人住過同睇下啲房間相
一般都唔會揀非連鎖或者太低分既酒店

我去丸龜城都有類似
個投影就相對普通

Day 7
廣島我之前用2-3日

個白飯講到咁誇張

冇呃你，真係好撚好食架