[偷得浮生半日閒]用8日獨遊西日本 (京都‧名古屋‧奈良‧廣島)

LM

無論由朝到晚都係學生

唔一定係畢業旅行啦
你小學中學每年都去一次架啦

追到LIVE

Ching我之前book左收到confirmation email 係唔係去到先收錢

係

樓主 Naked INC 個展好唔好睇

啲光影效果射落啲建築都幾靚
去到後面有啲AR野
有QR Code俾你scan入野同啲展品做互動
總括黎講都幾得意

live咗

鞍馬山呢個區域自平安時代已經係靈山
而鞍馬寺就係當中最著名既寺院
皆因有呢個大碌鳩天狗作為象徵，綽號鞍馬天狗
作為鞍馬寺信仰三大神明之一
相傳曾經傳授劍術俾細個既源義經
奠定佢長大後成為知名將領同英雄
所以呢度有好多關於源義經同天狗既野



如果想直接由京都車站去呢度
可以搭地鐵烏丸線去國際會館站
再轉京都巴士52號就可以到
呢度都幾多手信舖
清一色都係賣天狗型既飾物，不了


因為呢度地勢比較高溫差大
紅葉紅得靚之餘都仲有啲綠葉睇下，幾有層次感
同埋要遊覽呢度都要啲體能門檻
叫做隔絕到啲剩係想上黎打卡既港女遊客
就算係假日都好靜好舒服



鞍馬寺愛山費300yen，係張書籤黎既

一入到門口就會見到旅遊書所講既打卡點
係條好長既紅色燈籠階梯
啲燈籠同伏見稻荷大社啲鳥居一樣
每一座都係有人為祈福而捐錢整出黎既
但你地以為真係得呢度咁少？
少年你太年輕了



行完條燈籠階梯就係懶人包既時間
轉右去普明殿可以搭纜車上山，20分鐘1班
俾200yen可保你體力
轉左就要行30分鐘山路上去
頭先食到咁飽，梗係要行山減肥啦



行上斜路首先會見到由岐神社
最出名既就係每年10月會舉行既鞍馬火祭
同埋神社境內幾棵幾百年樹齡超級高既御神木




再行上去就係九十九折參道
因為條斜路九曲十三彎而得名



見到鞍馬寺中門就係無窮無盡既樓梯
呢度又會開始見番啲紅色燈籠

係門口計行左20分鐘就黎到三叉路口
一邊去多寶塔纜車站，一邊就上鞍馬寺本殿
我秉持住專業認真既態度，就係我去哂
行左5分鐘去纜車站，冇野睇，中伏




不過行番轉頭有啲陽光映射下又幾靚



係三叉路口再行又會見到燈籠階梯
後面就係觀景台，都幾靚

階梯尾就係鞍馬寺既本殿金堂
前面用啲幾何形狀石磚砌出黎塊地叫金剛床
三角形嗰點就係宇宙能量既中心點
聲稱係京都最強靈力點，但我就唔多覺
有啲人行左過去試，但好似冇乜料到



本殿金堂後面就係奥の院参道
係經鞍馬山山路去貴船神社既捷徑
官方話1個鐘就會行到過去
如果唔想行，就要行番落山搭1個站鐵
之後再轉巴士行10分鐘上去
計番時間都差唔多要1個鐘
我快如風一樣既步速行過去可能仲快
橫掂今日天氣好，頭先又食得夠飽
係自販機買左支水就出發行上去



奥の院参道，行きます

頭先上到金堂就已經聽到鐘聲
原來參道隔離有個鐘樓俾人任敲鐘
但前面啲人掛住打卡，敲極都唔走
咁我走先喇


再行上去就係靈寶殿，有幾個國寶佛像睇
但我遲下去奈良仲多野睇
200yen入場費唔係好抵，繼續行


行山既人有差唔多一半係外國遊客
其他大部分都係日本中年人甚至老人家，極少後生
佢地見自己行得慢都會行埋一邊俾人行先
條路全程都有樹蔭，加上有少少風，唔算太辛苦
要注意部分路段上落梯級都幾急
體力不佳者請慎重考慮清楚行唔行




見到木之根道其實就已經行左3分1
相傳源義經就係呢度同大天狗鍛煉劍法
鬼滅之刃開頭個故事設定就係源自呢度
炭治郎係深山鍛煉劍法，師父係戴大天狗面具


仲好好彩俾我見到隻野鹿添


之後就係又上又落既梯級
同香港啲山比都算好行既，大約係龍蝦灣級數
當見到呢間不動堂，姐係又行多3分1

由起點計行左25分鐘就行到奧之院魔王殿
官方話要40分鐘可能計埋休息時間
我行上黎接近冇停低
出面有幾張長凳可以坐低飲水休息一陣
呢個魔王唔係睇戲睇動畫十惡不赦壞事做盡嗰種
而係鞍馬山信仰其中一個神明護法魔王尊，姐係大天狗

坐係度休息嗰陣見到個靚女行出黎
諗住想影相留念下之際
咁啱有個阿叔行過黎叫我幫佢同隻狗影相
影完之後條女就唔見左喇
呢個故事教訓我地
係淨域入面勿生邪念，尤其係神明面前



之後雖然都係落坡路
但因為路況不佳反而要好小心



行多15分鐘就會去到鞍馬寺西門
係貴船神社黎既人可以由呢度行番去鞍馬寺
西門呢邊照樣會收鞍馬寺愛山費
但呢度行上去上坡多過落坡，會辛苦好多

樓主有冇計
今次齋交通費用係幾多

有，2000蚊有找

樓主 由機票到 住，食，玩，所有費用 一共用左幾錢？

機票29xx［疫情前book定，包埋來回靈活飛+揀位+行李］
交通 19xx
住 26xx 7晚
食 ～2000 ［最貴嗰2餐加埋1000蚊］
門票/locker ～800

加埋1皮野鬆啲
除左預先要係香港俾定錢既野之外
其他野全部用Cash，匯率5.3

又係阿叔

貴船神社分開三部分：本宮，結社，奧宮
由鞍馬寺西門沿貴船川上斜好快會見到本宮

貴船神社創建既年份不詳
但據古代文獻記載推測最少有1300年歷史
比770年創建既鞍馬寺仲要早超過100年
相傳日本第一代天皇神武天皇老母為左祭祀水神
係大阪淀川搭左隻黃色船去上游
係經過鴨川同貴船川之後
最後就係而家奧宮既位置落船，建立神社
而貴船呢個名由來既其中一個講法
就係由祭祀嗰隻黃船(きふね)慢慢雅稱成貴船(きぶね)
情況有如秀茂坪以前叫掃墓坪，因為難聽先改名



貴船神社本宮同鞍馬寺一樣
都有條紅色燈籠階梯，不過呢條就出名好多

係神社祈福除左求籤之外，就係寫繪馬
而繪馬呢樣野就係源於貴船神社
先前講過呢度係祭祀水神既地方
係以前農業社會黎講地位非常崇高
所以祭品既價值都有番咁上下，就係馬
求雨就會送白馬或者赤馬過黎，求停雨就送黑馬
基本上好唔好天都有馬送上門，同莊家一樣通殺
但因為馬實在太多，送到神社頂唔順照顧唔掂
所以叫參拜者用紙或者黏土整馬代替活馬
留低既都係一份心意，而唔係負擔

又可能都係嫌阻埞，平安時代就變得更形式化
係木板繪上馬匹，是為繪馬
之後寫低願望，然後掛係神社特設既架上
呢個行為逐漸被其他神社跟隨
而家就發展到掛係個架度既都叫繪馬
呢度都仲有傳統繪馬，木板上面真係有馬



另一邊打哂蛇餅
原來全部都係為左呢度獨有既水占卜
籤紙本身冇字，但放係水度一陣籤文就會浮現
不過等左5分鐘條隊都係冇郁過既
橫掂陣間都會過番黎，走先