香港拉麵集中交流區(3)

文化，社會風氣，都影響住每一個人每一份職業。

係日本，人哋本身文化係尊敬一d肯努力去做嘅人。拉麵雖然唔係乜嘢高級食物，但每一種食材如何混合做到最好亦需要下相當苦工。搵個舖位開拉麵店亦非容易，早開晚收全身投入因為間鋪就係得你自己或者三數個人。但最少你搵到個舖位都可以穩定地做好幾年甚至數十年，養活自己。(你可以試下google map日本，睇返現在同以往嘅街景，好多鋪頭真係十年同一個位。)


香港呢，唔講舖租啦你知我知，比你做到米芝蓮一星又如何，轉眼double甚至三倍舖租，你一身好廚藝就此報廢。社會風氣甚至廚師本身亦不太尊重自己行業，如廁唔洗手你我見咗幾十年。 當然最重要冇出路先係死症，淨係舖位你已經玩死咗你。冇一個空間去比你發揮，你曉飛都冇用。

除左一蘭仲有無咩拉麵鋪過左夜晚11點都仲有得食

啱啱食完一燈，食完覺得同一質素我根本唔洗用咁嘅價錢食

有冇詳細報告
黎緊呢個禮拜諗住去食

我食沾麵，粗麵唔太掛湯，兩種慢煮嘅肉又唔係特別滑，豬肉又得種好死嘅鹹味，蛋就中規中矩，但個沾汁係幾正 兩粒雞丸都幾得意，同埋麵好似少左啲，總結嚟講我覺得對唔住依個價錢

座銀拉麵會唔會好細份?沾麵有幾多gram?

前日食過 個沾汁好快凍，個蛋一般之外其他都好好喎，香港沾麵嚟講應該無得輸

搵日去試
btw哩間女士有冇雪糕？

我嗰輪冇女仔，唔清楚

應該就無 見幾個女仔都係賣單就走

限定嘅？好無食

一燈洗唔洗等好耐？

閒日去其實唔洗，因為佢有成六十個位，我11點三四左右去到得十一二個人，如果佢唔係遲左開鋪應該可以準時入

偏細份 湯都偏少 不過女仔食會岩岩好
好貴 但真係好好食

係咪早晚各賣50碗？
知唔知試業到幾時？
thanks

應該唔係 朝早開始賣到無就完 加推50碗應該係第一日先有
試到幾時真係唔知

新手留名 好鍾意食拉麵沾麵


暫時食過最好食既沾麵

大阪 つけ麺 雀
正呀

食過 認得堆菜
Btw我鍾意味噌口味既麵多啲

個湯同叉燒都幾好 但係嗰麵真係太淋

前日終於去左大圍試左醬油拉麵, 隻味同日清出個隻醬油拉王一樣