依家咪講緊新升班嗰兩隊嘅質素 唔會同現有超聯下游差太遠
有超聯經驗嘅球員(陳曉鋒/羅港威)輔以有潛質嘅小將(郭縉諾/歷高) 係外援嘅水平睇落係未知數
當年大埔拎港超冠軍都係靠李恆匯 係title唔同咗
即管對比下大軍名單 你覺得真係同u23/港會/晉峰差得遠咩?
依家都係升兩隊 一嚟等亞洲賽席位可以拎足2+1 二嚟畀一啲本身有能力上超聯嘅球員多個機會 更何況本身得8隊都唔夠
今年暫時只升不降 令港超聯長遠嘅生態更健康 何樂而不為?
每次都將事件極端化嘅意義係乜嘢?
依家升到10隊 競爭水平低咗 所以建議不如直接升到20隊破壞成個系統?
場地問題好明顯係講緊比賽場地啦 本身香港符合踢職業波嘅場地都係寥寥可數
來季各間球會嘅主場 加埋屯門鄧肇堅/九龍灣/小西灣/大球場 你覺得好多選擇咩?
除非你話計埋天業路/青衣東北/廣福呢啲配套欠奉嘅場嚟踢超聯 咁就當我冇問過