有冇移民過來人分享吓點樣克服歐美公司工作文化差異同語言障礙

我啱啱開始做冇耐，但感覺上D同事都好人
只係咁多人入面得我一個非native，我自己心理上自動build咗barrier(我都知咁樣唔好)
有得prep嘅嘢我唔算太驚，就係怕吹唔到水融唔到入嘅問題

真心唔識點插嘴，好似好odd咁

然後同人傾計嗰陣傾傾下駁唔到落去

一來好快，二來佢地鐘意啲野自己又唔識，三來佢地啲用字係以前少接觸既

真係好難搞

準時放工 聚餐飲酒例牌唔去 無諗過融入

word bank真係要從日常conversation儲返嚟

just chat more you're doing the right thing for yourself

睇多D British television

歐美公司好尊重個人感受/意見
上司同下屬無乜距離
同華人工作文化相比下 上司講乜你就做乜 唔好問咁多 差太遠

真係好嘥RAM，成日都要喺腦入面draft好句嘢先敢出聲，結果draft得嚟人哋都已經講緊其他話題
有樣硬傷係local講嘅嘢，好似地方/牌子嗰啲完全唔識，E樣就算英文程度冇問題都好難搞

個人意見，大部分亞洲人係歐美公司最難克服嘅障礙，並非語言，而係過度驚出錯驚出醜嘅心

雖然歐美公司多會議，但係你細心回想下佢哋講嘅嘢，其實好多都係廢/錯/柒/on9；但係佢哋根本唔介意，因為佢哋想要嘅就係越多意見越好，越容易brainstorm到，呢個就係佢哋嘅進步模式，同亞洲人自己摺埋一邊諗嘢係好唔同

所以開會果陣，唔洗將香港嘅過高標準套係歐美公司到，唔好怕柒，諗到乜就講乜，你講得越多，不論係工作上定係放工後，你都自然會更融入其中。如果短期內做唔到，就盡量係生活上各方面做更多嘗試，上reddit吹水，去超市買餸同收銀吹幾句，買麵包同店員問多幾句有咩推介，你exposure越多，你怕柒嘅心理障礙就會越嚟越低

係外國人問?

話題終結者

你工作性質駛唔駛同人social？
因為我嗰份係多同人溝通，所以concern融入E樣野

新移民唔熟local 牌子好正常
冇得急
咪偷聽下人地講咩牌子
記得個名自己Google 有咩product
平時行下街行下超市
儲儲下就知
你要明白，傾計吹水本質係交換information
你同佢咩都知曬就唔駛吹

至弊我冇咩個人意見想俾

sales同d客溝通已經夠攰
乜人都有 無人care你乜口音 係得連登仔介意

工作文化真心唔同！
以前香港返工，同事/上司會話你知點做、跟住做，執藥單方式咁做，反正要講效率，完成份文件就得。
我係英國返左新工兩個星期，其實同香港份工都是同行，但工作文化就是大大不同，上司會想我明白點解要咁做或者份野的內容點解要咁寫，而唔係想我執藥咁快。
我仲適應緊，因為公司都忙，我本身係想快手做幫手清野，但上司呢種方式我自己會覺得有排都做唔哂啲野清唔走

飲大兩杯 自然英文好

我好同意你嘅講法，歐美同亞洲文化真係好唔同
佢哋好中意討論，交換意見，甚至可以爭論
我哋就中意摺埋，就算諗到都未必講出口，又怕講出嚟被人笑，開會做隱形人就最好
仲要我本身係好怕7嘅人
希望可以變得厚面皮D啦

同事日日吹水開波都問how was your evening/holiday，你會點答？
我日日都過得好平凡冇嘢好講，又會end咗topic

我都好擔心，我最近都有個offer，department得我一個non local，我喺香港摺摺哋，就算用中文present都要心理準備一輪先可以扮唔驚，點樣可以social啲

真
香港係照單執藥機械人式流水作業
但E度需要你自己諗、理解同有創新
但係我個腦咁多年喺香港已經僵化晒