佢覺得痛心,佢覺得偶像嘅言行,音樂越嚟越令佢失望。
但係其實每個人對「好」嘅定義係唔同㗎。佢所謂嘅「好」,係咪二汶所謂嘅「好」?
例如我會覺得,二汶響最唔開心嘅時候,有宗教去安慰。好過諗到抑鬱。唔算係一件壞事。我會覺得二汶如果係真心愛國,係一件好事。但係我認為嘅「變好」,對於你地嚟講又係「變壞」。
所以,每個人對「變好」同「變壞」定義係唔同。唔可以用自己把尺去量度人。
無論佢點愛二汶都好,佢同二汶嘅關係都只係偶像同粉絲,或者一個見過幾次面嘅朋友。對偶像有期望正常,但係唔可以將自己標準,強加係他人上。咁樣人地會好大壓力。