第一道難題就是，怎樣去？
「我地本來就打算去太閤溫泉，諗住一次過浸哂金之湯同銀之湯，你地呢？」阿包問。
這一方面他就自豪起來，今日是他唯一一日有計劃的行程。
阿森望著BoBo，眼神像是怪責又有苦說不清，BoBo左右顧望避開他的視線，阿森只好說：「呃......我地都無所謂，不如跟你地。」
雖說是有計劃，但阿包他也不知道怎去。
「好似係有巴士直到架，不過而家好似無車。」阿包似是而非地說。
「近唔近？可以行過去？」阿傑問。
「都可以呀。你地無所謂？」阿包問。
他們三個人都搖搖頭表示可以，我們便開始走路尋找溫泉之旅。
「好似係向下行......啊，唔係，係向上.....」阿包手持地圖帶著我們走，東逛西遊，經過有馬的玩具博物館和金之湯後，終於到達一個地方。
一個沒有水的地方。
「哩度點睇都唔似有溫泉啵。」我問。
「樂民，殿館係點解？」阿包問我。
我們站在一個叫太閤の湯殿館的東西面前。
「我唔知呀，不如問下嬸嬸？」我說。
駐守的大嬸不懂英語，但憑我一年的Popping舞齡，運用強勁的身體語言，才得知這裡是博物館。
我們來博物館幹麼？
呢間花小宿，上次去有馬住呢間，
傳統日式溫泉旅館
有貸切
我都好鍾意浸金之湯
