［26］考緊26？你問我答 （39）車神教大家揸車

engine breaking同拖波兩樣野黎啵…
引擎嘅牽引力大於車輛向前嘅動力
就會有engine brake
通常係收油嘅時候發生

拖波係講緊高波轉低波
強行靠齒輪嘅變速令牽引力增多
從而達至減速嘅效果

但係有幾點需要留意
①強行拖波部車嘅頓挫感會好大 所以要靠補油 令退檔時引擎轉速唔會有太大落差
新手油門控制未純熟 好多時候會出現空波比油
考試唔好拖波補油正正就係因為無必要（車速唔會過快）同埋好易做成「噪音」嘅產生 咁就油門控制不當 離合器控制不當 波段選用不當

順便講下 拖波係唔會令到部車減速快左
https://www.msf-usa.org/downloads/imsc2006/Belmonte-Performance_Evaluations_of_Various_Braking_Systems-Paper.pdf
第9頁
反而空波減速係最短時間同最短距離

我會利用先行權利 同埋道路暢順使用合適波段 而路口我係望而唔係刻意減速
恭喜你學識用慢駛獲取安全意識

算啦 唔同你討論呢啲 我唔係想知岩定錯 我只係想知Pass And Fail 鬼唔知小路出大路 小路一定要讓咩 我淨係想討論點先會Pass 點樣Pass既機會大啲

可唔可以講解下 咩係空波減速

拉著極力子然後急煞

份report page 9 有講解

CLUTCH DISENGAGED
In the 11 passes for which the rider was instructed to declutch, that is to pull the clutch lever and disengage the rear wheel from the engine, the mean stopping distance was 39.95 metres.

唔講實際點揸 講規則 你刻意係出入口前減
速已經係一個錯處
25-30係滑板車既速度 唔係唔得既 我唔會揸咁慢 40唔算快 聽過一個肥佬係個條路揸到50先至比人肥 總之我就未聽過落斜限速呢回事 而天光道個條路落去個下會減速唔係因為出入口 而係左轉同就到燈位

Mean Stopping Distance 40m 都幾長下 雖然唔明個Result 但多謝你解答

冇刻意 每個路口前減速 常興成6-7個路口 會Chok Chok下 我只係想表達點解會25-30落果條長斜 不過你都教曉我 的確左轉 視線不佳 同 就到燈位都係原因

刻唔刻意都好，你話導師教落每個出入口前應該減速防車輛突然駛出，呢點我就覺得有問題。防係要防，不過唔係用減速去防，只需要望一眼提防。要知道你減速個下後面既車如果唔多正常跟到你好貼係會好危險。
天光道個條路唔短，由過左班馬線第一個路口開始已經係斜落，個段路25-30我就覺得太慢，我認為可以快少少。
然後到左右邊有出入口既位就一定要減速，地下都有減速字提你。

btw 你唔好信晒導師講既野 有少部分係流流地 以下分享一則小故事
話說有個阿sir話我呢樣唔得個樣唔掂 冇做乜冇做物 講一大輪講到我好似唔識揸咁
咁我就問佢 我而家去考有幾多成機會合格？
佢話100%肥
我聽完學完 記低佢所講既“重點”然後去驗證 問更多人 問其他阿sir
點知原來佢講既野全部都係流 唔係一兩樣 而係全部 例如佢話 停車一定要預早轉一波 唔可以二轉一即停 我都唔係好信 問其他人 問另一個阿sir 其實事實根本冇佢所講呢回事 的確預早轉一波更好 但冇話唔比二轉一停
點解佢會咁講 有兩個可能 一係佢冇料到所以覺得我揸到錯晒 二 佢搵唔到我錯處就夾硬搵野講
學野最緊要搵到個有料既阿sir 好慶幸我考前兩日幫我模擬試個個阿sir好有料 傾半個鐘解決晒我所有問題 然後考前一日順順利利係幾個鍾內自己狂練執正手勢 一take pass
呢個阿sir非常推薦 想搵佢可pm我

呢度冇PM 不如你響朵

對於常盛街落斜應該點行
我又想提出下我既想法
第一就唔理個痴線佬既講法
考路試。考你識唔識揸。都係考你既安全駕駛
點為之安全駕駛
保障到路人既安全。其他車輛同司機既安全。同埋自己既安全
落斜點解收慢d
路試方面。
因為果段路落斜。左面有住宅既車輛出入口
你係大路行先呀
咁如果條友突然發傻唔讓
咁係咪同佢搏命等佢撞丫
又或者突然有個小朋友飛甩監護人既手衝出馬路
你唔通又照撞埋去咩
都係fail 喎
收慢d. 以防有咩依郁你係一兩個車位就完全收停
咁先係保障到各方既安全
到pass 路試自己揸車喇
去到d 屋村路度
都會收慢d . 以防突然有個街坊係d 死車中間衝出黎過馬路啦
所以d 師父叫話考路試時。落返2 波行果段落斜
係想人去返安全駕駛既速度
咁樣考官對你既表現都會滿意d

希望個車神唔好quote 我呢段
條友講既野似係連車都無揸開咁

人地學牌出車好似係
咪逼害

典型混合問題，思維混亂。
因為個度係斜路，有住宅出入口？
斜路還斜路，出入口還出入口，你係因為斜路而減速，定因為出入口而減速？

case1，斜路係咪等同於要減速？
個度其實係山黎，成段路向下斜，去到彎位先有慢駛指示，點解要減？

case2，有出入口。
如果有癲佬唔讓咁點？ 呢個問題早就問過晒，就算係咁，你都唔應該因為有咁既“可能”而刻意減速，除非你真係見到人地部車成個頭凸埋出黎先好減，當然你揸慢d係更有把握避免呢個問題，問題係，點解揸40避唔到，揸30就避到？ 把尺完全係你自己定。 按規則我就未聽過因為有出入口而刻意減速，你係可以再慢d，再慢d，達到你所自己立既“安全”標準。而我既安全意識係以不犯規方式以正常速度保持道路暢通，而唔係去遵守某d人心中既規矩。

客觀而言我揸得的確比一般學仔快唔少，我揸比阿sir睇個陣佢話我車速係靚既，完全冇問題，考官亦冇剔我車速波段有問題，可能我-6有運遇到鬆手考官。

拖油補油緊係要空波時比油

樓主下次開post可唔可以pin個msg提提大家唔使理車神講野
有D新接觸26既巴打第一次入黎睇唔覺意信左佢就死得

其實佢有啲講得岩既 可惜我地要既係合格 唔係正確做法 我地要既係 合格做法

防禦性駕駛

你講撚到自己好似已經考左個牌返黎咁

佢好似話自己一剔

有得練車好把握時間, weekend唔知會唔會又落雨

落斜路行緊2/3波需要適時印下brake控車速 唔可以比架車溜落斜

如果你比我正確做法我每落一次波都會比佢剔啊
我初初冇問阿蛇可唔可以做rev match, 我不知做得幾過癮, 架車幾舒服
之後我問阿蛇話唔得我即刻開追悼會啊

如果以我而家揸開棍46既揸法咁去教大家考返46, 大家可以預備下次努力