套劇叫我的解放日記,係美貞既角度的確完全解放左自己。
一開頭跟哂社會條rule行,結果乜都自己受哂,搞到自己搵唔到出路。
遇到具氏後開始搵到出路,真真正正做番自己,唔再理咩社會規範,正面對抗d衰人,不過就搞到自己冇左份工,甚至想破壞婚禮,同社會作對,但係又俾具氏個電話救左出黎。
雖然勇敢左,將得罪自己既都歸類做賤人,但精神上都係擺脫唔到呢堆人,甚至要靠憎佢地黎維持自己既存在意義。不過具氏既出現又令自己平靜落黎,甚至遇到前男友都出手幫佢,終於達成左同自己精神上既和解,雖然班衰人都仲繼續係度,但完全唔會影響到自己精神上既幸福。達到真正既解放。
個編劇一定讀過尼采
成個轉變都好尼采feel