[JTBC/Netflix] 我的出走日記

牛郎唔一定要賣身

具氏同二佬跑嗰個位幾有詩意
有笑位點綴但又貼題

金智媛同孫錫久執酒樽場戲都好有feel

應該係做牛郎生意？

想問netflix 有未 點解我睇唔到

一講完就見到對唔字

佢個位都係兩難...佢知道如果返去呢個圈子美貞做佢嘅女人一定會有一定危險

睇夜場就一定 但實際牛郎邊部分無講得好清楚
係白社長好強調具係牛朗起家 信唔過又睇佢唔起

聽日睇多次先

係啦 佢手下搵佢知佢有女人又講明具再唔出山得罪嘅係會長

依家12集就分開 我反而覺得唔會be

我都覺 可能嚟緊兩集係sad d
結局篇就he 希望係啦
美貞做啊嫂啦

美貞好慘，具氏變番首爾人好癲，最尾個短髮look好靚

對上第10集結尾係新年倒數之後具氏離開club 落住雪
12集結尾係美貞喺落緊雪嘅城市入面行
我諗除左he之外 有可能呢兩個結尾之後發生嘅事就係套劇嘅結局
希望唔會又係我的大叔咁啦

韓國有唔少導演/編劇鍾意喺雙數集數嘅結尾或者預告咁樣玩法<-因為雙數集數下一集要等一個星期
我諗14集會有同第10 第12集尾嘅同場景
到時就可以更加清楚結局係點

其實三姐弟都好努力打破困局

大家姐最大突破係肯收番自己d臭脾氣，加埋有軍師指點，一切水到渠成，跟住要面對既係對家既家庭問題。

二哥其實最努力，第一集想買車，跟住想買鋪，到之後博轉team, 博升職，做咁多野都係想做個正常既首爾人，結果全部失敗，但又極度樂觀，咁既情況都俾佢搵到「借車」黎做水泡。而有左車之後，佢先發現做既野都係一樣，冇乜大不了，但係心境就完全唔同。

美貞最內向，唔似家姐阿哥咁努力去做一個平凡既首爾人，係屋企就做好細女既角色，對條仔就正常做番女朋友既本份。但結果都係搞到自己生無可戀。絕境之下諗到崇拜同出走呢d term, 某程度上都係解放左自己，同具氏呢條線算係救人自救，最新具氏走左之後美貞應該會有大成長，希望可以見到正面對抗閪上司同埋追番前男友條數

呢d野冇話靠唔靠自己 人唔會無啦啦改變 改變係有個契機 差在係人定係事 同埋佢地各自三個人嘅改變都好獨特

大姐改變嘅契機就係呢個單親老豆 而喺改變嘅路上有理事 同埋二佬都算係有點醒左佢 講佢壞話嘅時候變相係迫佢正視自己嘅問題

二哥最慘 佢做嘅野都冇越界 但有個咁食古不化嘅老豆變到更加辛苦 佢同大姐美貞有d唔同 我覺得大姐美貞嘅問題係待人接物對外嘅思想態度 而二哥反而喺對外嘅態度冇出事 而係喺審視自己嗰環出左問題 佢一直都搵一d理由迫自己努力 好似你咁講買車 買鋪 升職 想住首爾溝女咁 但呢兩集佢揸完靚車之後並唔係佢想像中咁 佢只係想搵個平靜自己嘅理由

美貞其實係成套劇入面最唔現實嘅角色 頭幾集嘅程度已經唔係內向咁簡單 有d似抑鬱同自閉症 呢幾集同具氏講嘅野都睇到 佢細個開始唔知係因為喺鄉村長大影響定係家庭影響已經係有別於其他細路仔 由細開始已經建立左有別於其他人嘅價值觀 呢種價值觀甚至係撈開偏嘅具氏都嚇親嘅程度 睇返具氏最初見到美貞嘅時候美貞以前應該未係咁陰沉 嗌二佬落車同第2日同二佬出街都feel到兄妹關係唔錯 可能係入左呢間仆街公司之後變到更加陰沉 佢需要嘅野比起大姐二佬我自己覺得係最困難 佢唔想改變自己去成為普通嘅首爾女仔 但唔改變之下同同事社交返工嗰陣又好辛苦 相比係改變我覺得佢係要取得佢性格同埋首爾生活嘅平衡 呢幾集開始佢好似開始做到 點樣建基於自己性格上用另外一種角度去享受生活 而唔係覺得所有社交都係負擔

收視新高
全國4.969% 首都圈5.603%

差少少全國破5

agree 改變自己第一步永遠最難 出現契機之後其實三個都好積極

咁套戲其中一個點係sell寫實吖嘛 特別係香港 住大西北大東北搭個幾兩個鐘返工係好令人身同感受
係一啲現實問題上 套戲反而係用好唔現實的方法解決
二哥係鄰居借車 三妹係因為無意中拯救左具先生的所以之後具先生先願意崇拜佢
佢寫啲感情係好中 但係現實中呢兩件事基本上都係不可能發生的 總係覺得好可惜

其實兩睇，借車同具氏只係方法，唔代表一定要行呢條路，重點係想要變既諗法。

借車既後遺症今集已經出哂黎，無論有冇車都好，隔離條友一樣都係咁煩，溝女一樣唔順利，核心問題無解決到，即係呢條路根本唔work.

具氏既出現某程度上令美貞強大左，但佢走左之後美貞都係一樣要自己去面對淨低既問題。好似還錢咁，具氏可以幫佢解決，但幫得一時幫唔到一世，最終美貞都係要自己去面對，所以佢選擇左自己解決。