又黎 畫樹/畫屋 心理測驗了解自己

巴打係咪跳過左我幅畫

寂寞
黃昏
安靜

睇黎巴打同屋企人關係麻麻地，令到你好嬲、好委屈，唔知點樣令佢地明白你嘅諗法、支持你，所以搞到自己唔開心
有時可能都已經廢時同佢地講咁多，覺得講極佢地都係咁，而你平時都應該好少會同屋企人傾計，多數都係同你另一半或者朋友去傾訴，因為你覺得佢地先明白到你嘅感受。巴打最近亦都應該有煩惱嘅事，唔知巴打身邊嘅朋友或者另一半都俾唔俾到足夠嘅support你呢?

好耐冇畫畫

感覺巴打好似都係一個好努力追求目標同成就嘅人嚟
對自己有好多想法同目標想去達成
不過想做嘅野好多，但係就唔太分配得好個時間去達成曬咁多野
甚至好似有啲失衡，唔係好控制到咁
所以都要諗下要點樣平衡個時間阿
反而巴打同朋友嘅相處應該都係唔錯嘅
我估巴打本身都好鍾意同人social?

隨手畫
thanks

唔該晒巴打幾準

我自己的確係有好多嘢想做但會成日拖 social嗰方面都準 我同啲friend相處得係開心嘅 其實本身我個人算鍾意social 但只限單對單/少人 如果係大型社交場合嘅話我係會避免

巴打棵樹好有層次感，畫得好靚喎！
不過巴打幅畫反應出你近排狀況麻麻，個人諗嘢比較負面，對自己嘅評價都係好負面，會成日覺得自己無咩用，做咩都做得唔好，同埋會不斷放大自己做得唔好嘅地方

睇到巴打人際關係上都OK, 身邊都有唔不朋友。不過巴打比較會抑制自己嘅情緒，好少同人傾訴，可能要俾其他人知道自己內心嗁想法對你嚟講唔係幾有安全感，好似感覺好赤裸咁，又怕人地唔知點諗。不過都擔心巴打你收收埋埋會更唔開心同埋更大壓力，建議巴打可以搵人傾下，好好地釋放自己嘅情緒、發洩一場，應該會舒服啲。

巴打，你係一個幾理性嘅人, 你收埋收埋左好多情緒, 都好少將呢D感覺講出黎, 或者好多時都寧願自己承受一切，唔想俾人擔心，但亦因為咁，有時個人會低沉少少
唔知巴打近黎對未來係咪都無咩想像, 或者唔係好諗到.... 唔知係唔係有D過去嘅事, 令你move on唔到呢? 亦可能係一個人令你放唔底? 巴打你其實個人都幾硬淨，不過有需要時搵人傾下都可能對你有幫助架。或者同人傾下又會讓你有多個新嘅角度呢。

或者巴打會唔會將你想做嘅嘢排吓次序，著重試吓從一、兩樣嘢開始做先
有時太多目標太多嘢想做反而無乜方向點開始
但起碼巴打你係有啲想法而唔係一片空白

絲打，你近排嘅生活都好似唔錯咁，你份人雖然有時都內向少少，自己內心都有好多小劇場，都會有D忐忑爭扎咁但對於外界嘅人，你都會將自己嘅情緒同想法掩蓋得好好，唔會俾人知道。你對自己都有D要求，你都有自己嘅目標同方向，都勇往直前緊。如果絲打你係有D方向努力緊， 都希望你順順利利，目標達成啦

勁抽