又黎 畫樹/畫屋 心理測驗了解自己

有時人嘅能力都真係好有限
見絲打都放左D責任係自己身度... 慢慢谷住 都真係好辛苦
或者如果當下真係解決唔到, 可能都比自己break下先, 唔理先... 等自己狀態好D, 再去諗諗點處理, 或者又會好D架

係呀巴打, 有時自己狀態唔好, 反而好多野都唔順心
之後就會一路cycle住咁loop. 所以放鬆 hea下都好緊要
都希望巴打搵到岩自己relax嘅方法啦

都希望巴打搵到份岩自己嘅工啦!!
或者都機會自己試下, 可能又有D新嘅想法同得著

係呀, 有時呢D測驗都係比機會自己了解自己多D, 有D反思咁
同人保持距離感可能都係保護自己嘅一個呈現, 尤其你之前都經歷過一啲事
真心朋友或者都真係唔洗多
最緊要係你自己覺得相處舒服
如果你覺得可以, 或者都可以試下再認識多少少人, 同人建立下關係, 再feel下自己喜唔喜歡呢個同人相處嘅pattern

巴打知道自己個方向都鄧你開心
希望巴打你都順順利利啦

音樂都係一個幾好嘅方法減壓
有時專注一件事 都比左個機會自己放鬆
唔介意人點睇都真係一個好難嘅課題

如果有時間, 巴打都可以比少少簡單目標自己去試下
有時無咩野做個人都真係會迷迷地
反而開返少少turbo, 話唔埋會有D新經驗呢

感覺絲打嘅人際關係其實都唔錯，你身邊應該都有唔少人係俾到支持同鼓勵你。不過絲打似乎係一個唔太有安全感嘅人，特別係人際關係上都算係比較著重同敏感，好多時會去猜想別人嘅想法，係哩個過程應該都令你覺得好煩好辛苦。
可能係過往都曾經發生過一啲唔愉快嘅事，讓絲打係人際關係上特別小心同在意，而哩啲唔開心嘅經歷到而家都對你有啲影響。我相信絲打而家經營嘅人際關係應該都得來不易，擊不倒你的，會使你更強大！繼續加油呀絲打！

LM

我興趣少 乜啲咩目標點搞

茂盛 果實 樹蔭
唔該

巴打似乎同屋企人關係都唔係咁好，由間屋同埋巴打寫嘅內容，用嘅形容詞都似乎表達緊巴打對屋企人嘅不滿。巴打係一個有自己想法嘅人，都會堅持自己所想，不過巴打未必一定將自己內心嘅想法講出嚟，同別人爭辨啲咩，但內心絕對有自己嘅睇法。巴打應該對關係上都有所渴望，都希望搵到另一半俾到支持自己。

見巴打諗起嘅歌係軒公嘅歌喎，唔知巴打所諗起嘅歌詞對你嚟講係有咩意思㗎呢？

巴打似乎平時都比較少向人表達自己嘅想法，係同人相處＆接觸上巴打應該都比較多顧慮。
對於巴打嚟講要同人建立關係，要嘗試打開自己嘅內心，都會讓你覺得好無安全感。似乎都有少少感覺到巴打會唔會而家都有啲驚咗要同人相處？覺得人際關係上嘅問題好難解決。 見到巴打內心都有少少矛盾，其實有時又都想得到別人關心同支持，但要同人相處又為你帶來好多煩惱，有少少係哩個困境吓唔知點算。

絲打過往唔知係唔係都遇過一啲唔開心嘅事情？見到絲打好似都仲有啲介懷以前發生過嘅事，令到你都有啲阻礙咗而家嘅發展。不過好在係絲打都係一個對自己有自信嘅人，所以都會努力去追求自己想做嘅事情。
希望呢啲感覺唔會阻礙到你太多，如果真係諗唔通或者解唔開，可以試下同人分享下，可能又會有一啲新見解！

首先多謝樓主覆
人生經驗咁多樣野，多多少少都會有啲唔開心嘅
同埋我個人都比較念舊
不過依家已經好左好多同埋都過得幾開心
煩都係煩既將來既路向要再努力啲

巴打應該係一個容易三心兩意既人嚟？
見到巴打都有好多目標想去達成，但係每樣都想做到既時候，又未必可以好集中咁完成到。
同埋巴打應該都係一個脾性可能直來直往啲既人？Feel到巴打都有啲心事未去處理到，對住屋企人可能又會有啲唔如意會直接宣洩出嚟，而少啲真係透過溝通既方式去處理問題...
巴打都可以諗下點樣將啲目標分階段實行，可能會對巴打現階段有多啲幫助阿~

絲打係一個幾有目標嘅人，不過絲打對自己唔係太有信心，亦都好多時會猶疑不決，係實行自己嘅目標上絲打好多時都會諗多過做，可能有時都會傾向諗咗好多需要面對嘅困難同障礙，然後就覺得好似都行唔通咁就影響咗你實行目標嘅進度。
絲打現時身邊都有啲人係俾到支持你嘅，但可能因為絲打對自己唔係好有信心，所以好多時都會被身邊人嘅意見影響到你，你都會希望得到其他人嘅認同同鼓勵，令你可以肯定自己選擇。或者絲打都可以嘗試相信自己嘅能力多一啲，其實你都只係爭咗啲自己俾自己嘅肯定，去讓自己踏出多一步，加油呀！

唔好意思絲打, 最近比較忙所以都要你等咗好耐

絲打你一路成長過程都係少D人支持你, 好多野都係你自己處理唔知係咪身邊嘅人都比較多批評? 慢慢而令你自信心都唔太多, 亦唔太敢去發揮自己, 或者去做自己想做嘅事, 亦覺得自己好渺小
除左唔太敢做自己想做嘅野之外, 有時都唔太會將自己D喜怒哀樂呈現於人前, 變左好多野都會自己受左...
絲打因為都好少表露自己, 變左身邊都唔多人明白自己... 就算有唔開心都傾向自己面對
唔知絲打你會唔會谷住谷住, 都令自己好大壓力, 好唔開心?