又黎 畫樹/畫屋 心理測驗了解自己

咁多位巴絲, 因為收到嘅畫都唔少, 都要啲時間覆
要大家久等真係唔好意思
放心, 留左畫嘅都會覆返哂架
謝謝大家見諒

WOW 巴打都幾準

不過仲未搵到果個人

係呀, 有時返工以外都係要慢慢搵返自己鍾意嘅野
生活先會開心返D
慢慢探索下呀, 適時都記得比自己休息下

係咪都想為自己帶黎啲轉變呀? 但又係D咩 kick住左你呀?
持續左幾個月都唔係短時間播... keep住呢個狀態返工, 都真係會好頹

係，所以呢幾個月都好灰好大壓力無力感好重一直諗緊係咪應該要放棄

簡單 直接

簡單 直接 快樂

1.簡單 2. 寧靜 3.自由
麻煩晒巴打

絲打你好有心機畫呀好靚呀!! 都謝謝你支持
你都係一個對自己幾有要求嘅人, 你係唔係有啲野都想做/發展, 而且都會想自己有D成果添, 不過宜家可能都仲係努力緊
但唔知個過程會唔會都係好多困難/挑戰? 所以有時都令你好想停低休息下...
絲打可能一路成長都係自己搞掂多D.. 所以令到個心有時都會唔太有安全感, 或者都會落決定果時都會小心翼翼咁
唔知宜家嘅你同4年前嘅自己有無咩唔同左呢?

絲打近排係咪狀態都唔係太好呀?
你都會想自己有所成長, 亦會主動去幫人, 所以係人前絲打似乎都會比較硬淨D, 但自己內心都會不斷懷疑自己嘅能力
因為外表硬淨D嘅原故, 所以好多時都會收收埋埋, 亦唔太想讓人知道你真實一面, 可能都擔心人地對自己嘅睇法會因而唔同左?
不過如果絲打唔介意, 都可以搵一啲信得過嘅朋友傾下, 或者PM傾下都得架

巴打你份人都應該係頗有上進心, 都會幾追求進步, 亦會願意承擔責任嘅人
不過同時你都係一個幾謹慎嘅人, 做事都會傾向深思熟慮先
但唔知有時諗得多, 會唔會仲令自己覺得煩惱呢?
過去可能都有D唔開心嘅事發生左, 不過亦因為咁, 令你更有目標方向
巴打身邊嘅人都幾支持你, 而你都算係幾take care身邊嘅人咁

絲打你似乎都對自己嘅要求幾高播, 而且做事比較嚴謹同仔細
係過住嘅經歷裡面可能都令到你有少少收埋自己, 有時都會好多野諗
屋企人都算係幾支持你, 而你都係一個幾重視同身邊嘅朋友同埋屋企人關係嘅人
或者有時多野諗, 唔知點做決定果時, 都可以試下同佢地傾下, 等佢哋都幫你分擔下呀

絲打你都係傾向安於現狀, 對未來暫時未有好多想像或者計劃
你同屋企既關係都算唔錯，但性格就內向少少，亦可能少d會同屋企人傾自己嘅野，可能覺得屋企人都未必明白自己
唔知絲打會唔會都有d不滿收埋左係心入面，無講出口?
或者都可以嘗試同屋企人分享下自己嘅生活點滴，再慢慢講多D自己嘅想法出黎呀

絲打睇嚟一路成長, 身邊嘅人都幾支持你播，你都係比較直率一啲, 同人關係都算係唔錯咁, 但可能過去都發生左啲事, 令你有時對人都有少少保留
不過絲打整體黎講, 份人都算係偏樂觀
最近都有D野係默默耕耘緊 不過唔知絲打係咪對自己都有D期望, 好似都覺得自己仲有發揮嘅空間, 都會想自己再試下, 再挑戰下咁?

多謝樓主咁有心覆

講得好岩 對自己要求太高好大壓力
最近好忙對身邊既事無哂感覺
唔知點樣先可以搵返以前自己充滿愛充滿希望既感受

安全，溫暖，實用。麻煩曬

唔該巴打

估唔到嘗試打正面既形容詞都會睇得出有壓力同情緒真係好大壓力 不過我有壓力煩惱係會同朋友講 只不過都唔會好得去邊

多謝樓主咁俾心機覆 覺得幾準

絲打幅畫幾有feel
絲打都係一個比較隨心率性嘅人, 都比較跟感覺走, 你都有自己目標去追求，但唔知內心係唔係有d綁手綁腳嘅感覺，令你覺得唔多自在咁？
或者絲打都等緊一個可以為你帶黎轉機嘅人，讓你好好安定自己嘅心
唔知呢幅會唔會係你見過嘅景色呢？
因為你幅畫先認識到藍楹 有機會都好想見下真嘅藍楹呀