又黎 畫樹/畫屋 心理測驗了解自己

絲打都算可以睇得好開喎
同我原本睇棵樹有少少唔同添, 好似都唔算俾過往影響得你太多, 咁就最好啦
絲打加油, 希望你可以做到自己想做嘅野!

會唔會都可以試下搵D野學/參加?
可能都要接觸多啲野先搵到自己對邊啲野有興趣啲

好耐無見幫推

唔係三心兩意，反而做所有事都好一心一意，我更甚覺得咁做好危險（例如全心全意去愛一個人…）
確實好多目標想做，係有做到嘅不過可以做得再好d
待人友善係必須的，但直來直往確實係我性格
我嘅心事確實唔知可以同邊個講，不過我會努力改變下，I try
有趣的
Thx bro

從你間屋上面睇，絲打應該係一個好多野諗嘅人，好似現階段嘅你都有好多煩惱咁。絲打似乎亦都會啲怪責自己嘅想法出現，好似好多野都覺得自己做唔夠好，心裡面成日都出現好多矛盾嘅想法。絲打應該都係一個會中意同人傾訴， 聽吓別人意見嘅人，不過絲打有時未必敢將自己所有真實嘅想法同人分享，可能本身個人內向啲唔敢表達不滿/可能係怕唔知人地點諗等等，不過我諗我都鼓勵絲打搵你傾訴吓嘅，睇吓會唔會搵到一個可以讓你擔心比較少嘅人去講，唔洗收埋收埋自己嘅諗法，講完你應該會舒服啲。

講漏左形容詞
幸福 親切 溫柔

巴打幅樹好靚啊，有返咁上下畫功，好有水彩畫嘅味道，你用嘅個個形容詞我直頭唔識讀

巴打似乎係一個唔係好有安全感嘅人，可能巴打生活嘅環境都俾咗好多壓力你，令巴打覺得自己好自律同做好每一樣野先可以，但同時要做好咁多野兼顧好多野都會令巴打你有壓力。巴打身邊亦都好似唔係有太多人俾到support你，所以有時巴打應該都會覺得辛苦。巴打對自己有要求係好事嚟嘅，但唔知巴打都有冇欣賞返自己，唔好總係覺得自己做得仲未夠好，都要多啲照顧自己嘅心情呀

多謝你呀絲打你都有冇玩呀？我覆到你張畫未呀？
之前個排太忙，要大家等真係唔好意思

Thx 巴打

多謝巴打 真係好準
的確係好多嘢煩緊 屋企嘢 感情嘢 工作上都好多嘢煩 壓力都好大
我唔開心會搵frd傾訴 但俾你講中 我講嘅煩惱好多都只係表面 其實好多內心深入啲嘅煩惱我都唔敢講出嚟 因為我覺得真正嘅自己太卑劣可恥 所以唔想俾人知自己呢一面

唔該樓主！

唔好意思呀 想問一問清楚絲打哩2幅畫係同一個人畫, 定係2個人畫㗎?
同埋唔係好睇到下面個幅畫嘅3個形容詞, 可唔可以麻煩絲打影近dd或者係打出嚟呀?

巴打 麻煩你幫間屋諗三個形容詞呀

感覺絲打同屋企人嘅相處唔太好，好多時都會為屋企嘅事唔開心/嬲等，似乎係屋企多數都唔到你話事，一方面你都好願意聽屋企人講野同埋同佢地溝通，但另一方面你都好明白其實屋企嘅野都係由佢地話事，所以有時候即使有對屋企人的嬲怒同不滿都無得發洩。

感覺絲打係哩方面都好想搵人去傾訴，不過可能絲打會覺得身邊嘅人有時都未必明白自己，可能以前同人傾完都未必有覺得好啲，令你都唔知搵咩人去傾訴好。慢慢可能變得越來越收埋咗自己，容易讓人覺得同你有距離感。不過絲打可能只係唔想自己再受傷，所以寧願同人保持啲距離，亦都未必想俾人知道自己真實嘅諗法，變咗絲打平時自己都好多野諗，而有時都會怪自己諗得太多。唔知絲打而家都幾大個，已經可以有能力減低屋企對你嘅影響未呢？如果你想搵人傾吓計，我都好樂意聽㗎！

我諗絲打即使有啲卑劣啲嘅想法，背後都一定係有啲原因嘅，到底自己某啲想法都真係需要改變，定係有啲想法其實咁諗都好正常呢
但我見絲打似乎都將自己睇到好差的話，哩樣野都會令你個人變得唔開心姐

唔該巴打