又黎 畫樹/畫屋 心理測驗了解自己

巴打似乎都係一個好著重自由嘅人嚟，好希望有足夠嘅空間比自己發展。同時感受到巴打對於自己所做嘅野都幾有自信心，認為自己既決定都係冇錯嘅不過睇到巴打可能有啲時候會有啲唔開心，更多好似都係因為過往有啲創傷嘅經歷，都令到巴打間中會諗起而影響咗自己唔同嘅情況
不過巴打應該都係多朋友嘅人？見到巴打都應該係幾外向同埋幾願意同人去交際，可以試下多啲同身邊嘅朋友分享自己，可能都會幫到巴打處理個啲唔開心嘅經歷！

巴打你棵樹都畫得好detail 喎 勁!!!
巴打你係一個對自己幾有要求嘅人，都希望自己可以做好D, 亦都好努力去學習令自己成長
唔知同巴打過去成長嘅經歷相唔相關呢? 巴打過去好多野都係要自己一個搞掂, 家人對你嘅支持都真係唔多, 而巴打都希望可以用自己力量證明自己, 所以繁事都會盡力做到最好
但唔知咁樣, 會唔會令你覺得好大壓力? 有時都會好多擔心呢?
對自己有要求都係好事, 但都要留意自己健康, 適時休息下呀

熾熱, tysm!

唔該晒巴打!

巴打係一個幾有想法嘅人, 不過有時又會有D三心兩意, 令自己有D迷惘咁
但唔知係咪有時都唔太喜歡呢個三心兩意嘅自己, 所以反而變左少少衝動, 比人感覺你係五時花六時變咁
過去一路有D想法好想試下去做, 不過唔知係咪一路都未踏出果一步? 又或者有D野影響住你? 或者有時好難落決定嘅時候, 都可以試下搵人傾下呀, 可能都會幫到你諗多D架

好開心絲打畫完幅畫之後感覺好似放鬆咗，係你幅畫裡面都感受到你好似好多嘢煩心，應該都有啲嘢好困擾緊你？
絲打應該係一個幾保護自己嘅人嚟，當要同其他人交往嘅時候，都會將條界線Set得好清楚，唔容許人地僭越少少。
不過矛盾嘅個個位置係，其實你內心裡面係好渴望同人交流同溝通，好想分享你自己，但係呢一種保護機制又令到你無辦法同人講到自己太多嘅嘢
有時可能都要搵到一個平衡點比自己，放輕鬆個人可能會容易啲處理好人際之間嘅關係，有需要都可以搵我傾下阿！

中晒...
自己有種好唔撒脫好唔識做決定嘅性格 而我好憎好想改
好多嘢想試 特別係事業興趣上
好怕做錯決定 會晒錢晒時間同失望 影響好多嘢
好受束縛 但又成日有衝動博一博 又縮一縮
有時真係想大叫下

巴打係一個好願意同人溝通嘅人，平日同人溝通亦都習慣有個句講個句，唔太中意轉彎抹角，同人溝通時亦冇咩機心
睇巴打間屋似乎同屋企人關係一般啲，唔係好感覺到屋企有好強烈嘅家庭溫暖，所以巴打都係比較著重係朋友／伴侶身上得到關心同支持
我諗巴打身邊嘅人應該都會幾中意同你相處，因為你份人簡簡單單又好商量，唔知巴打你都中唔中意自己嘅個性呢？

我第一個諗到嘅唔係形容詞而係一段歌詞

冷風吹 對鏡自説
終有樂土可給眷戀

於困局 就用雙手 來解脱
這困局 就用雙手 對決

形容詞嘅話係自由 掙脫 渴望

我諗有時要做出嘗試都係要啲勇氣嘅
踏出一步去嘗試，結果有機會得，亦都有機會唔得。唔作出嘗試，可能自己係繼續係舒適圈內，或者巴打會唔會都可以諗吓其實自己係比較期望安安定定咁，定係衡量得失再去決定係咪值得一試？

理想中嘅性格係 不顧一切 冒險 生活唔平凡 想做就做
而現實係太理性 衡量完發現各有得失 唔識決擇
anyway 謝謝你近排搵緊工 都少迷茫

唔識畫畫都得？

但係理想中嘅性格諗就好似好正姐但當你真係不顧一切，可能真係會帶嚟好大嘅後果，所以你係現實中你係一個會諗得比較多嘅人，都未必全然係一件壞事呀！
巴打平時唔知做咩決定好會唔會都搵人傾吓㗎？
希望你都搵到合適自己嘅工作

唔需要好有畫畫技巧，要畫到好靚咁先得

如果有興趣透過畫畫了解自己的性格，可以根據以下的指示進行心理測驗：

1. 預備一張白紙，一盒/多盒不同種類的顏色筆
2. 在舒服的環境下繪畫
3. 在紙上畫出一棵樹或者一間屋 (二擇其一)
4. [樹] 形狀大小、樹葉、樹幹、果實隨你喜歡 ;
[屋] 門、窗、屋頂、或者其他你想間屋有嘅元素都可以
5. 幫棵樹/間屋諗三個形容詞 (可以寫係畫上/post)

巴打似乎同屋企人關係唔係太好，對屋企人都有啲不滿，所以都唔會想同屋企人講咁多自己嘅心事。巴打最近應該都有少少煩惱，份人亦都好容易冇安全感，巴打好似比較少傾訴對象而我見巴打份人其實唔難親近，你亦都期望可以得到朋友嘅關心同支持，但巴打份人可能相對比較被動，所以唔係太習慣或者唔係太識點樣將自己嘅心事話俾其他人知道。或者巴打有時都可以試吓做多啲啲主動，讓你同身邊嘅人可以多啲互動，慢慢再建立關係。

絲打似乎係一個好克制自己嘅人，會習慣係人前表現出自己OK嘅一面，將自己比較負面多煩惱嘅一面隱藏起嚟絲打份人亦比較冇安全感，自我保護嘅意識比較強，可能都同哩個原因有關，更加令絲打唔輕易係人前表露自己嘅內心，有時別人都容易覺得同你有距離感。
而係絲打而家棵樹上見到，絲打因為比較少同人建立到好交心嘅關係，所以絲打有時都會覺得好lonely，好似好多野都要自己一個去面對，絲打都好渴望可以有多啲朋友俾到關心同支持自己。絲打會唔會都願意share吓同人交心嘅過程有啲咩係令你最擔心/最阻礙住你㗎？

巴打應該係一個好需要安全感嘅人？對於人際關係同埋屋企人嘅關係，都係好需要同人建立緊密嘅關係，希望多啲同人去互動，分享自己嘅生活。
不過睇到巴打好似特別會著重同情人之間嘅溝通同關係，甚至有啲時候將情人嘅priority放到好前蓋過左其他野
另外唔知巴打係唔係都同屋企人間中會有啲爭拗？見到你可能都對屋企人有少少不滿，不過多啲都係敢怒不敢言，可能呢啲時候又係多啲會搵另一半呻就算？

光，覺，圓滿

謝謝

Tg加唔到你嘅