移民左去加拿大Toronto 48年 點滴 2

Hi uncle, 簡單啲，請問：
多倫多夜晚去街安唔安全？
夜晚搭地鐡安唔安全？
如果三藩市，我聽人講夜晚唔好去街囉

多倫多夜晚去街安唔安全？
我不嬲都唔會夜晚出街行。 我夜晚出襯去，都一定揸車.
假若夜晚去DT行街, 咁就小心啲囉. 單身女仔， 就可能會俾人撩

夜晚搭地鐡安唔安全？
安全既. 不過落車行返屋企嗰段就打醒十二分精神
如果三藩市，我聽人講夜晚唔好去街囉.
美國啲大城市都係咁㗎喇。 我住係NY嗰時都好少夜晚去行街.
記憶中係同嗰時既女朋友（依家老婆）去過NY/DT一次睇7:30PM movie.

uncle應該幾十年無坐地鐵或行路去夜街

唔覺有乜唔安全，周不時半夜2 點 3點 4 點 喺街行。當然有啲區/街 係唔建議啦

新地鐵車廂全部有 「無死角」CCTV

地鐵月台有特別位置你驚可以企嗰度， cctv 射住兼有直線通話裝置

整體感覺ok 夜晚可以出街
夏天9點先入黑 冬天4點入黑後都仲好多人喺街
始終加拿大同美國唔同
大城市嚟講多倫多算係好安全

try to rent a used car for a month or two
https://turo.com/ca/en/car-rental/canada?utm_campaign=gs:re:lt:broad:wd:gen:int-ca-w/oBC:en+10204258504&utm_term=gs:re:lt:broad:wd:gen:int-ca:en:car-rental+kwd-10273021+591150597522+102204338055&utm_source=google&utm_medium=cpc&utm_adgroup=102204338055&utm_creative=591150597522&utm_keyword=car%20rentals&utm_loc_physical_ms=9000905&utm_loc_interest_ms=&utm_feeditemid=&utm_adposition=&utm_targetid=kwd-10273021&utm_matchtype=butm_glcid=CjwKCAjwp7eUBhBeEiwAZbHwkYtnVyRiN7L27dJ5wIG_5OSPtCH1wdS4JwF2lDrzzeV8eAMlW2H_VRoCE8cQAvD_BwE&gclid=CjwKCAjwp7eUBhBeEiwAZbHwkYtnVyRiN7L27dJ5wIG_5OSPtCH1wdS4JwF2lDrzzeV8eAMlW2H_VRoCE8cQAvD_BwE

buying a used car ?
https://yourcarloan.ca/qualify/?utm_source=BARRIENOV&gclid=CjwKCAjwp7eUBhBeEiwAZbHwkQam95F1VK6SHgDZQafs6alGkWYNrGty5DzeSIp4L0Oxo4w2Yde4RhoCPoQQAvD_BwE

You can look at Kijiji.ca
https://www.kijijiautos.ca/?utm_campaign=xpromo_HomepageCategoryDropdown&utm_content=web_Homepage_KCAN6062_B&utm_medium=referral&utm_source=kijiji

I don't see that myself.
Why would anyone want to take picures with strangers?

後生仔嘅文化阿叔你唔明架喇

My two kids didn't that too

我都就快變成中坑
早已感覺同而家嘅後生有代溝
始終要明白有啲嘢唔係自己所能理解

老一輩常言道 防人之心不可無
加拿大雖然係開明自由國度 但文化多元 好難一概而論
可能只係表面open 內裡斯文
生活上盡情投入之際 總不免有一刻會想起自己頭髮膚色有別 我有呢種感覺

有鳩-------有基

防人之心不可無
依度乜嘢古靈精怪既嘢都有。
電騙，網騙，郵騙，賣假藥，金字塔式銷售，龐氏騙局，Timeshare, 身份盜用 等等都有。 總之光棍佬教仔，便宜莫貪。if something sounds too good to be true, it probably is

呢啲香港都好多嘅
總之呢 唔好以為呢邊啲人熱情好客 好似好單純咁 就放下最基本嘅防線
深入認識下先 你一定會遇到真正嘅好人

多謝兩位巴打提醒

三十幾年前，我停低車俾倆個女學生過cross walk, 點知失驚無神，俾㗎的士係後面撞到我架車推前一支街燈咁遠。我右邊膝頭哥撞到瘀晒，左邊膊頭扯傷，頸椎chok 親。當時以為淨係右邊膝頭哥瘀咗， 就以為無乜大問題。我無要求入醫院, 警察攞完口供我就跟拖車去車行然後坐的士返屋企。
第二日起身就大鑊啦。 右邊膝頭哥由淺紫瘀變深紫黑色仲腫到行唔到。 左膊頭好似俾人插咗一刀咁痛，條頸郁吓都好似有幾粒石仔塞咗係頸骨咁痛。於是即刻叫的士入醫院。 醫生話我撞車後心情緊張所以唔覺得痛。過咗一晚， 啲傷痛就浮面囉。 佢話個膝頭哥，左膊頭同右膝頭會幾長手尾。佢開左幾隻藥就叫我休息一個禮拜。 一個禮拜後返到辦公室， 我有個手下推薦個專打呢類case幾律師俾我。 打咗兩年幾。最後取得賠償。

過程中， 我個律師要我去睇幾個專科醫生。 對方又要我去睇佢哋指定既三個專科醫生。 對方既醫生會陰我。 例如會話檢查完畢我可以起身啦。 佢老未， 我嗰時應該係傷左右膝同左膊頭仲未好返㗎噃，如果我就咁自己可以落檢驗床咪即係無case.於是我要求醫生扶我落床。 有一個仲叫佢既助手睇吓我點樣上落樓梯。 因為佢既醫務所係喺basement. 我嚟時候睇到有個女人好似睇住我落樓梯。於是我特登行到跛吓跛吓咁。 走嗰時又係咁。

上法庭前三個月度，嗰時我右膝頭做咗手術一個月後，對方要求我再睇次佢既專科醫生。我年幾前見過依個醫生 三個月後對方律師揾私家偵探跟踪我成日。由我屋企去都Honey Harbour,來回成四百公里。 我一啲都唔察覺唔到。 不過去到Honey Harbour個 Hotel 入口附近釣魚嗰度，見到有㗎車無啦啦停係湖邊但係又唔係釣魚。 感覺好奇怪， 但都不以為乜嘢。 一個月後， 我個律師叫我去佢辦公室然後俾
條釣魚片我睇。 佢話我個case有啲麻煩。 我問佢點解唔一早話我知會有私家偵探跟我。 佢話一早同我講未攪都我心神恍惚。 佢老未，乜都佢講晒。 之後對方又搵過兩個私家偵探跟我。 不過我一出門口就察覺到。所以就交足戲。 其實我已經好返成年，不過久唔久膝頭會有啲腫痛。

講返上庭前三個月， 嗰兩個私家偵探跟蹤我之後。 呢次個醫生有啲唔係好友善。 佢問咗我好多嘢。 記得佢問我係咪用開右手同右腳，我話係。佢叫我除咗面衫同褲。跟住量度我左右手臂 ，前臂同左右腳臂，小腿。 結果係我右臂 ，前臂大過左臂 ，前臂， 但係我左腳臂，小腿大過右腳。個醫生好似有啲失望。我諗佢認為 因為我右膝受傷已經兩年幾， 我要將重心偏係左腳，所以左腳會變得粗過右腳。呢個係好難推翻證據我右膝係受過傷。

其實個醫生既診斷係100% 啱。 我個右膝真係受過傷。 不過係我十歲嗰時。 我係田徑選手。 我嗰時玩跳高跌傷右膝。因為怕老豆老母鬧，唔敢講俾佢哋知。 痛咗幾個禮拜，就好咗好多。 但係跳高，跳遠都係改用左腳發力。不過我推鉛球都係用右手。所以有右手同左腳都明顯地粗啲囉。
上庭前我律師話我隻粗壯既左腳就係最有說服力既證據。 因為經過兩年， 如果我隻右腳仲係粗過左腳，咁就好難令個法官相信你右膝真係傷咗兩年幾。

最後雙方律師講掂數賠償俾我。 幾多錢就不便透露。

的士佬有咁多錢打官司 仲要搞咁多嘢

Insurance company

有無係加拿大camping啊？加拿大d國家公園真係好靚

後生嗰時去過幾次。好玩但係啲蚊好中意Chinese blood'. 重有Black fies,Deer flies， horse flies 直情咬你人啲肉。如果俾ticks
咬咗就大劑喇。 會中'Lyme disease'.

所以依家唔敢去囉。 最多係租個湖邊度假屋玩幾日， 釣吓魚， 揸吓船行吓鎮仔咁。

個面d烏蠅咁惡

嗰時安省剛剛轉咗 NO FAULT INSURANCE六個禮拜。 我架車係TOTAL LOSS， 我自己嘅Insurance Company 賠千六蚊， 但係我想攞反架車， 咁就要俾$300 buy back my car。
嗰個的士司機由頭到尾都無出現過。 一直都係佢保險公司既律師同我既律師deal。我一蚊律師費都唔洗俾。 當然係喺賠償度計埋啦。

Not just flies
https://en.wikipedia.org/wiki/Horse-fly
https://en.wikipedia.org/wiki/Deer_fly
https://en.wikipedia.org/wiki/Black_fly
https://www.canada.ca/en/public-health/services/diseases/lyme-disease/prevention-lyme-disease.html

Lyme disease真係好麻煩
仲要無疫苗打