〔逃脫9〕請選擇目的地：

可以瞓先 樓主話今日完咗

ok thx

B又好 C都好 傾咗先

我覺得大家俾樓主嚇怕咗，攪到唔敢做呢樣個樣唔係話保守唔好，但係連夜晚傾個計都要驚就真係誇張咗
可能我投票主張係比較冒險啲，其實有唔少投票結果我都覺得on9 但係始終唔係一個人嘅遊戲，我都繼續俾心機分析俾你地聽，希望大家唔好再互屌。

分析2a班房男仔，個男仔夜晚唔瞓—>唔知佢唔瞓去咗做啲咩，但係最後俾狼人捉到，逼癲咗佢
結論有2個
1. 夜晚唔好周圍走，好危險
2夜晚唔好俾狼人捉到
好似半杯水咁，呢樣嘢睇你地點睇，我嘅睇法係2，唔好俾佢捉到就冇事

我目前主張夜晚需要行動，原因如下
1. 時間唔夠，我地要完美ending 必須解破紙條同搵到清綾武器，我地回合數嚴重不足。
數下要做啲咩

上天台
解破紙條密碼
輸入電腦室連結
搵設計圖
去實驗室交圖
搵教員室
搵音樂室
搵4樓課室
救人
地下未開圖

起碼有10個quest未做，我地得返兩日，大約40左右回合數，我地真係好唔夠時間

2. 風險
夜晚俾怪打係要扣血，最多都係1-2血，但係可以換來多起碼10-20個回合機會，雖然我地得3血，但係你當一血用一日，我地血量已經夠用有突

3. 效率
首先係時間上係冇浪費，每晚瞓完同俾人打完都係第二朝0900醒，我地仲有額外回合可以推到幾多得幾多，更加着數

4. 可能性
我地從來未係夜晚出去，有可能係夜晚我地搵到朝早唔會發現嘅資訊同物資，甚至解讀到knight個句嘢嘅真正意思
有啲嘢你唔做就永遠都唔會知結果

我唔認為騎士夜晚解放一切係指狼人
狼人朝早都會出現，佢地唔使夜晚都自由轉化
同時狼人同騎士好似格格不入甚至係對立存在，我會偏向騎士係其他意思

我冇咩講啦，唔係叫大家送頭，重危地方都要避好似音樂室咁，但係乜都唔做真係乜都唔會知
俾我揀我會揀只要有用就一定試下做。

太長唔quote
>>路經巴打
我會更傾向係4樓或者更低層嘅無面人聽到主角叫聲所以先上黎，因為Day5主角由13:00之前就已經上左5/F，一整日都無見到過糾察，再加上本身對5/F極度靜嘅描述，比較會相信無面人方係真係日頭一般都唔會理5/F

>>文雀小妹巴打
呢點我就有保留，因為Day3我地18:00到左2B數字已經有更新，但Day5我地一直留喺1B，就算18:00後都無提到數字更新直到第二朝早
顯示屏數字更新嘅頻率不詳，加上我地有幾日都無偷聽/睇後台，所以覺得數字更新時間(審判時間)同轉化狼人類型有關更加似直覺，無咩根據同數據support到

呢樣我都有諗過，我嘅結論係「象徵式」
就人數比例可以估計
狼人要生存根本唔需要食人/食肉
如果唔係有好幾日得一個人真係死
但要分俾差唔多廿隻狼，根本除唔勻
而且睇返主角，就算無吞精都無嗌過一聲餓(但成日嗌攰…)，可猜想呢間學校嘅生物其實無飲食需要

撇除寓意，狼人方起源同目的不詳

今輪我應該唔會跟大隊 個人覺得A/E合理

3其實係我都有啲心急
覺得問條倫樣唔會有收鑊就寧願掉低佢唔理入下一輪算唔好哂(現實)時間

我係度諗學生審判一係就變狼一係就比人食 好似兩樣最後對狼人好似無得著咁

呢樣我之前推論係，呢間學校嘅作用就係大型人體實驗室同集中營
將人體轉化做武器投入戰爭之類用途，所以每個人都係珍貴嘅實驗品，唔會亂咁殺哂佢地
可以推論狼人根本唔會食人，如果會，咁主角點解咁多次都冇俾人食
甚至再之前推論就係吞精就係狼人幼體，成長成熟就會取代主人變化無臉，變化無臉後就已經係狼人，而主人本身嘅身體已經係被狼人吸收咗等等

我最迷嘅就係紅字11:19到底係咪真係人數？
點解人數數字要寫底俾主角佢地睇？
定係個紅色數字係主角幼體嘅成長比例？
紅字先係真正嘅迷

始終覺得清綾線應該都唔會係good end
但的確我都覺得唔夠時間解哂所有迷團

得番兩日先上天台再落番去圖書館（假設天台有電池/其他照明工具）我唔覺得一日做得哂

但巴打你呢個數字點黎
最新唔係先9:18咋咩

我明的確要保守但喺讀者角度玩咗成日都冇任何劇情進展真係有啲悶
利申 我想贏啊

補充一點，後台就係最後實驗結果，成功轉化變成無臉就留底，實驗失敗品就當場清理佢，食佢只係學生同我地諗出來，只係知最後啲人都唔見哂

所以後台先係真正實驗室，每日一個人接受轉化實驗同喂食成長治料，後台應該有實際研究同資料

Sor 呢個好似係舊個個

大致同意你對狼人嘅研究
想問下你對大眼仔嘅睇法係咩？
佢同狼人應該係兩個物種，一個會合作，但係狼人一定會扣主角血，呢個又歸類係邊

我覺得其實無大眼仔
4/F廁所果隻都係狼黎，都會嗚嗚叫會抓主角胸
(可能亦有background story 俾人傷過眼所以單眼所以只能守廁所etc不過無根據)
只不過因為地點問題所以無殺而係遞左俾糾察帶落去吞精
喺特別室先會被殺(實際上主角三死都係特別室)

又或者係因為有追兵所以先唔殺，不過我自己傾向前一個原因
如果喺無追兵嘅情況下入4樓廁所就可以肯定係邊種邏輯

推A 佢未必主動有野想講

佢主動講嘅野應該都偏向情感類多

A就會多啲資訊希望

E+1
正如你勸人唔好自殺，你都唔會直接同佢講「唔好自殺/唔好死」
而係會旁敲側擊咁樣等佢講出心底說話

大家都忘記咗說話嘅技巧

題外話 有冇人知幾時先甩到p

用左2年連登 仲未甩

玩互動故一直冇得投票

求救

有巴打話係上線180日

利申：今日啱啱甩

係要連續定點我用左兩年應該都有上線180日喇喎

你㩒入自己profile 睇下，有寫架，我19年開ac都係今日先甩

• 所有註冊會員上線日數未滿 180 天將會標示 P 牌
check 吓自己嘅上線日數？

好正