[畫畫JJ](10)吹水及技術交流區 歡迎想畫畫既巴絲打

我會較到張電腦椅可以俾我棟直條腰咁畫畫
盡量令自己唔好前傾會比較好
放大張畫布嚟畫好過個人向前

你係用輸入板
液晶板好難唔烏前，成日肩酸背痛，屌

係啊
以前用mon板畫搞到腰酸背痛同頸痛
後來用畫板棟直個人 成件事唔同曬

除左SURFACE STUDIO或者WACOM最貴個隻板
唔係既話，液晶板都好難逃離到肩酸背痛

試過墊到塊液tab勁高畫 個人直咗少少 條頸都冇dup咁低 但係唔就手同埋隻眼勁攰 而家墊高少少同set鬧鐘隔一段時間出廳伸展下算 不過條腰都係差

照片臨摹
畫完意識到自己唔識畫真人既眼耳口鼻

畫好晒成個頭型再畫眼會方便啲

Krenz
https://www.krenzartwork.com

請問一下新手第一步係唔係一定要練比例?
如果先學咗畫五官先可唔可行?
事關自己去學畫畫班畫過比例都畫唔好(頭嘅唔同角度同埋人體, 主要係唔明點解個比例係咁樣得出結論)
另外有無啲channel講解一下五官同比例?thx
畫畫畫到一個位想放棄 完成零成功感

新手第一步應該隨心所欲好啲
建立唔到長期既興趣的話講咩都冇用
一開始畫下自己鐘意啲嘢先
之後先至再慢慢發展自己想行既風格
Btw想學人體比例可以睇proko
再久唔久練下速寫同figure就得
人體肌肉個啲唔洗咁快練

如果畫 眼耳口鼻 五官先, 再學面部比例可行嗎?

無所謂 睇你自己想學啲咩先

你係想畫真人風定日系動漫風

日系

學日系去一般畫畫教室只會學壞手
介唔介意貼幾張成品上黎大家研究下

我依家唔喺屋企 今晚至影到相
另外畫日系風格應該一步一步由邊到學起
畫畫無一個好死嘅step 好無從入手

建議睇下有冇一兩個自己鐘意既畫師
再參考/臨摹佢地既作品

想畫日系，首先要承認左一個概念先
「美感最重要，就算違反現實都要以美感行先。」
傳統美術好多時都係講「正確性」，如果以「正確性」為最優先，走去畫日風，只會畫出四不像，我已經見過無數既人係咁
日系唔係無「正確性」而係佢地為左美感有時會「講大話」，畫D唔合「正確性」出黎既野
最簡單你搵幾張日系45度側面既畫，好多時口同鼻都係遠離左十字線
如果你強行將口同鼻畫返係十字線，可能會變左隻怪獸出黎

一般黎講動漫畫法，要建議學左畫正面、90度側面、45度側面（即係三面圖）再學畫身體
而學畫面，最緊要係掌握到自己既畫風（特別係隻眼）
試下畫圓眼，直頭，鳳眼，平眼，畫到知道自己畫風再畫學畫身體

謝謝你的意見
我番屋企再試下畫

呢幾年睇左好多日本教學書同報左日本插畫課程班
我諗好多人唔同意，但我學完之後真心覺得香港個種傳統美術教法好落後
純粹分享下，唔一定係我岩曬

1.日本係會教「描圖（トレース）」
香港絕大部份人會話描圖無用，只係照抄，要學野就臨摹
但係其實臨摹同描圖都一樣，唔用腦都係學唔到野
日本班會印唔同既曲線比你描，等你直接用手去記住唔同既曲線有乜特別
同埋日本唔係剩係描圖咁簡單，仲有好多描圖分支用黎學骨架/上色ETC
因為要學野就要抄到足100%，而臨摹大部份人都還原唔足100%，所以學習成效差過描圖

2.日本係會用程式同工具去幫助自己
日本唔會同你講乜野學壞手做壞手勢
手震就開防震，畫唔到圓形就用圓形工具，比例唔好就開量尺
呢D問顯畫得多就會自然識解決，唔需要一開始學畫圖就強迫自己去做呢D 「基礎訓練」，因為最終你都會學識，唔需要曬時間去練
唔識畫個動作就自拍或者開3D MODEL，唔會曬時間自己摸索，畫多錯多

日本人唔係唔會去練骨架、肌肉、線條，要仔細佢地可以好仔細
但佢地既教法好直接，有D野你唔識一樣可以畫到好圖，享受到畫圖既樂趣
唔似香港武僧修行咁，用一個月練畫圓，畫完都係唔識分唔同曲線係點用

每日一畫
迫自己兩個鐘頭內完成一張

第二點非常同意，好多人覺得用某某工具係邪道係取巧，明明有咁便利又強大的工具唔用，硬係要死磨先係最ON9
識活用工具/素材 其實都係技巧的一類，冇高低之分

上次坐定定拎起枝筆好似已經係新年前嘅事
自己鍾意十分鐘左右起貨，做唔到好多layer好多細節嗰種，簡單啲講就係sketch/速寫
畫親都係男人，因為夠rough&tough
Po完上嚟應該等於自爆，個玩法同題材太特別
同埋我用iPad真係當e ink咁用，隨咗放大放細undo 郁下位之外同用紙畫冇分別，顏色習慣有堆原色畀我溝，唔識用digital嗰啲palette

我用csp既g pen畫
D線頭尾都好多呢d幼既勾勾
係我筆壓較得太輕定brush setting問題
定我隻手既問題
條線中間係我想要既粗幼但放大睇頭尾有好多勾勾
次次都要擦返好煩