[畫畫JJ](10)吹水及技術交流區 歡迎想畫畫既巴絲打

佢最貴嗰色彩都係$2000咋喎
講緊八堂 每堂三個鐘
仲有人改你啲功課

你出面搵都差唔多咋喎

同埋佢網上都好多免費資源啦
因為我都係咁樣慢慢學

死啦我已經覺得佢講得好簡單
同埋我鍾意佢用啲奇怪比喻

其實坦白說我覺得佢課堂最重要都係佢嘅功課
因為佢啲功課係真係跟住上堂講嘅嘢去做練習
同埋真係好睇你自己肯唔肯去思考
同諗做筆記去過濾佢講嗰啲咩
再用返落去啲練習
重點係思考

其實我覺得淨係睇片你唔會學到嘢 落場同埋佢啲功課先係重點

佢嗰啲課堂安排通常你去到最尾都可以出到一張完整嘅作品出嚟

所以好睇你自己肯唔肯去做囉
條條大路通羅馬

さいとうなおき唔至於教壞人掛
佢睇落係速食 主要教人點樣用最少時間心力靠啲小技巧令幅畫瞬間變好睇 完全唔係教fundamentals
兩個唔同範疇好難比較
利申：乜片都冇睇開 純興趣鳩畫

想打好基礎行正統美術路線嘅話唔應該睇佢
想學下啲呃得下人嘅小技巧就睇下無妨

唔知你地點睇 ，除左ai

真係 冇話呃唔呃 ，畫到一張 好畫就得

冇人會理你過程

門小雷有人會睇係因為佢本身靚吖嘛
新手搞掂咗成品先算啦
唔靚嘅話鬼有人理你過程

新手的話學下速成野post上pixiv twitter呃返幾百like攞下成功感先再講理論心態上會好啲
而睇さいとうなおき主要係飲下啲心靈雞湯算

真理

呢到有冇人用 ipad pro 用ps /csp 畫 ，有既話分享下

Skeb 唔是要日本地址咩

冇話浪費2年 ， 你每次動筆練習 就係為依架既鋪排 ，將先前所有技巧 （控筆／繪畫知識／色彩 /透視 之類 ） 集於一身

我記得要日本銀行戶口

你1日練10個鐘同1日練1個鐘，或者爆肝畫幾日就成個月唔掂支筆，極端啲又有啲天賦異稟嘅人每一張畫都有進步。其實係好難用時間去客觀定義一個人畫咗一年係唔係新手。
再者，新手嘅定義會因應唔同人嘅目標而有所變動。就好似你要成為職業，你可能會覺得同人畫師畫得幾勁都好，佢哋都係業餘係新手。但實際上好多人都係畫下爽圖，為係friends面前型吓，砌自己鍾意嘅cp，透過圖畫同人分享自己嘅喜悅。當呢班人達成左佢哋嘅目的時，你又覺得佢哋係唔係新手？
如果我係要做職業畫師，我就會循序漸進打好基礎。理論同手法都要同時進步，咁先會有最好效果。反之，我滿足於現狀，咁何必又要局限自己在前人規定好嘅路徑搵到最快捷嘅方法？畫畫係自由的。
而like數方面，1個like唔係真係一個數字，而係現實世界嘅一個人同你做出嘅互動。1個真誠嘅comment更加遠勝千言萬語。當你唔再用數據化去睇佢嘅時候，成個心態會有所改變。
最後，就算你搵到新方法去訓練，但以前嘅一點一滴都唔會浪費。就好似你學一種語言，你去當地浸咗幾個月之後先學返基礎文法，你都唔會覺得浪費一樣。畫畫就係咁，你唔察覺只係因為新舊嘅嘢融會貫通咗。極端啲講，就算我唔畫畫淨係打機睇戲旅行行街食飯，呢啲人生閱歷都會不知不覺咁滲入你幅畫裏面。呢個就係所謂嘅獨特性。

所以我上邊都 簡略左黎講 ，呢d問題 千萬個觀點 ，講 1000頁 都講唔完

最緊要唔好 理論同技術唔成 正比就得

話明術業有專攻，有人睇krenz有人睇proko有人睇なおき，根據自己想學咩咪睇返方面嘅嘢。feel到樽頸位咪再轉sector，其實真係冇話咩先後次序。你開住佢當聽bgm都好，只要其中一句咁啱點醒咗你已經賺咗。除非真係故步自封又唔跳出舒適圈又要抱怨點解冇進步咁都冇辦法。
不過Like方面其實好主觀
都想聽多d其他人睇法

都係好事
推返旺個post先

畫畫 本來就用作品說話 算係靜態活動 ，靜好正常

一係唔 收收埋埋 ，完全分享 用左乜 紙張，乜野牌子顏料 用左乜工具／ 筆刷／透視點 營造咗 張圖

咁先多討論