新手廠機 / 砌機選擇指南

見到年經有人問。，等我開個 post 俾啲唔識電腦硬件又唔知點揀嘅新手，等佢哋想爬文可以有個參考。

先講簡單分類，之後再詳細分析。



PS:
內容不包括2手機/各種2手途徑的“全新”廠機，新手絕不建議接觸2手機。
2手有風險，呃你好容易

指南日期: Jan2022。
指南可能隨巿場價格變動而變得不合時宜，但基本概念可參考一二。

此時顯示卡售價為 MSRP 200% - 300%
MSRP 為廠方建議零售價
＝＝＝＝＝＝＝＝＝＝＝＝＝＝＝＝＝＝＝＝＝＝＝＝

- 想買平價文書電腦。推薦: 廠機
用途: 文書作業(office) ，上網 + 睇 4k 片。最多玩下垃圾lol 低畫質，玩到就算。

如有AI/股票模擬運算/上網時需要保持大量分頁開(幾十個or up)/ 長開唔熄機，等各種特殊要求皆不適合這一類，請按打機/剪片/繪圖等非文書類作業參考分類。

- 窮L平價打機/剪片/繪圖。 推薦:砌機
用途: 由lol 之類簡單遊戲嘅最高質素 到 3A Gaming，各類繪圖，剪片。以中級到高級配備為主。

- 有錢打機/剪片/繪圖，唔介意俾多一兩千蚊買方便。 推薦: 廠機
用途: 同上一個分類差不多，不過希望可以用錢煩少好多嘢。唔使自己慢慢研究和對比唔同零件，由中級到高級配置的電腦都有。間中也有廠機會提供到頂級配置，但通常都是中 - 高級為主。

- 追求頂級配置。 推薦:砌機
用途: 就算受限於現今科技未能張3A gaming 4k ultra 進行到底，都希望有咁高開咁高。 剪片/給繪圖等希望透過特化的頂級配置再減少 剪片耗時。

- 追求光污染視覺效果。 推薦: 有錢唔想煩廠機/其他全部砌機
用途: 外觀行先。廠機如果有啱你口味就直接去馬。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

有興趣睇詳細說明請善用追故模式，下面我慢慢更新說明。

清泉

- 想買平價文書電腦。推薦: 廠機

用途: 文書作業(office) ，上網 + 睇 4k 片。最多玩下垃圾lol 低畫質，玩到就算。

如有AI/股票模擬運算/上網時需要保持大量分頁開(幾十個or up)/ 長開唔熄機，等各種特殊要求皆不適合這一類，請按打機/剪片/繪圖等非文書類作業參考分類。

下面以某間廠機同在某間連登常見嘅砌機網店以相近規格比較。為免被俾人話係打手(雖然我係)店名已隱去， 但細心想發現係邊2間其實唔難......

連貓圖示為砌機，連豬為廠機




可以見到2者都係包正版(OEM)windows，有無線上網功能嘅情況下價錢皆在4千頭。

仔細留意可以發現砌機在價錢接近的情況下只能用到10代的i3，比廠機的12代i3差了2代 。 雖然11代沒有正式出i3，而10105為10代i3的改進型，看成和12代只差一代也可以。

除了cpu 外，圖中ram 和火牛的差別對文書機影響不大。廠機還多附送 mouse 和鍵盤，砌機可能在SSD的質素上佔有些許優勢。

說完了硬件上的差別，我哋再睇睇售後服務的差別。 同時也是廠機最值錢的部分。同樣連貓為砌機，連豬為廠機。



以我敷淺的理解，砌機入面有呢間網店相近的售後承諾和服務選擇的不是沒有，但也不多。2者也有提供送貨和不同程度的售後服務，砌機見到先前預設的價錢已包$80的項目。

廠機送的軟件可以不予理會，因為正版windows 很多時也會包咗呢2樣試用版。不過廠機除了大量productivity相關軟件可供選購和代裝外，價錢已包一年的上門維修和遠距離軟件支援服務，更可以按需求加購各種售後服務。新手嚟講，唔知係咪壞機時有一個叫人幫你檢查&上門整嘅渠道煩少好多嘢。可提供服務次數方面也較多

在價錢相近而且硬件/售後也佔優的情況下，新手文書機絕對建議直接買廠機。另有傳聞廠機售價可以同sales 搲折，不過我唔知都未試過。

==========================

其他聽日得閒再補上，不過砌機同廠機最大差別其實已經講咗出嚟。

- 窮L平價打機/剪片/繪圖。 推薦:砌機

- 有錢打機/剪片/繪圖，唔介意俾多一兩千蚊買方便。 推薦: 廠機

用途: 由lol 之類簡單遊戲嘅最高質素 到 3A Gaming，各類繪圖，剪片。以中級到高級配備為主。

2個分類類似，一齊講。

前者主要透過按需求 tailor made 去極端加強和削弱 ram/cpu/顯示卡 等零件去達到減低$同時合符使用需求的目的。

後者則是通用格式，通常全部配件一齊加強唔會見到極端配置方式。按唔同價錢定位，你就可以買到對應各種場合都係 中級 - 高級水平的電腦。俾錢就得唔使煩，售後分別在 #3已經說明。


窮L想砌機就要自己了解你使用時係要著重邊方面零件同其他零件有無最低要求， 或者問有無人知道果類要求嘅機要點分配。 砌機 post 頭post 有教點表達可以令人更清楚你嘅需求，表達唔清楚/要求太偏門你又無做功課嘅話大家都只能靠估。

打機可以去揾返自己覺得要求最高果隻 game 嘅 min. system requirement 同 recommanded system requirement。 前者係純粹玩到，後者通常代表 1080p 下達到遊戲設計者預期玩家的遊戲體驗，通常對應遊戲內 high setting。

砌機時各種特別需求一定要講清楚俾人知。

========================

- 追求頂級配置。 推薦:砌機

頂級配置對荷包要求巨大，而且在供電/散熱/個別零件質素配置都有要求。 就算同為使用頂級系列 gpu 晶片，乞版和頂級設計也可以有很大的性能和價錢落差。

如果話高級配置都係2-3萬左右，頂級無返幾萬 budget 唔使諗(3萬+) 。

由於對所有零件的質素都有頂級要求，自然會注重唔同牌子出嘅零件和系列間嘅性能差距。呢方面廠機係唔會話你知佢用咩牌子零件，而且仲會有自行生產的特規零件。

======================

- 追求光污染視覺效果。 推薦: 有錢唔想煩廠機/其他全部砌機
用途: 外觀行先。廠機如果有啱你口味就直接去馬。

廠機呢方面好處係設計上高度一置性，不過選擇都少好多 同埋只有 高級或以上配置先有。

砌機係五花8門。 有唔少零件都只貴在一個靚字，但同時都有唔少平玩 RGB 嘅選擇。
就算你只需要文書機但想玩 RGB，都可以或平或貴揾到你想要嘅嘢。

推，以後有咩推薦電腦post就貼呢個post條link

1手有風險，呃你好容易

咩都有風險 越唔做功課 風險就越大
唔想煩又懶嘅 一律建議廠機

巴打點睇aeon賣呢部
上網睇評價散熱好似做得唔係幾好
好易就上到80度
但見有人自己加風扇解決
同埋火牛得500W會唔會唔夠推？
呢個價包埋兩件電器，可以揀LG嘅27GN600有冇伏？1080p 144Hz嚟
搵唔到位問唯有呢度問 唔該巴打

11代 係自己加扇都唔掂， 連 11400唔上水都行唔到 turbo 。 11700 大概自己加扇都係到唔到 turbo個 frequency，11代總體唔推薦。

總體係廠機嘅價錢嚟， 但有無廠機咁好嘅下下都上門嘅售後服務先?
你對下 #3 講嘅廠機服務，有嘅算係正常廠機。

唔該巴打 咁我再諗諗先
一開始係見佢包埋mon有啲抵啫

呢SET野，出面砌機價約一萬二、三連WINDOWS 11 唔包MON

分析下
CPU: 11代普通溫度較高，而且被外界認為當初為咗應付AMD而趕急推出，效能比第10代都係高出1X %左右。 一般建議加錢上12代或買第十代慳BUDGET
RAM: HYPER X 可接受，但一般都係俾2666MHZ你
SSD: 唔講牌子，應該都係大陸貨多
HDD: 1 TB 基本間間差唔多
GPU: RTX 3060TI , 但冇講牌子就一定唔係MSI ASUS GIGABYTE， 好大機會係七彩虹或者更差既大陸品牌，價錢效能有差距
PSU: 500W 推動I7 + 3060 TI， 都計得幾盡，一般砌機會預600W-650W 穩陣
散熱: 姑媽牌
機箱: 姑媽機箱就普普通通啦

送MON 呢個應該都係7-800蚊有找既 1080P 文書MON

岩岩買左

咁快手
巴打另外嗰兩件揀咗咩

買左個爐加個濾水器
再加錢1500買埋個LG mon

POST 下詳細SPEC 想知GPU咩牌子

唔係好識用…新window黎

你張單上面有冇寫顯示卡3060TI係咩牌子

放心啦，雖然同價位可以做到更好配件，但使用上唔會有太大差異同安全問題

唔係HP廠機咩

廠機好多配件你都唔知用緊咩型號牌子，想加RAM都要攞埋出去配

https://www.hp.com/hk-zh/shop/hp-pavilion-gaming-desktop-tg01-2002hk-bundle-pc-457m9pa.html
https://www.hp.com/hk-zh/shop/omen-40l-desktop-gt21-0000hk-pc-615f1pa.html
https://www.hp.com/hk-zh/shop/omen-40l-desktop-gt21-0001hk-pc-615f2pa.html

呢3部邊部好d
有無評價

好簡單最貴果部最好， 3060 ti 好過 3060 12代 i7 好過 11代。

建議無論廠定砌都要極力避免intel 11代，大伏嚟。 最好緊係最新嘅 12代， 無嘅寧願10代都唔要11。

評價: 貴，好很貴。
所以自己睇下佢啲售後服務係咪做到好貼心。都可以去對下其他廠機相似規格嘅價錢 (淨係睇 cpu 型號 同 顯示卡型號)， ssd之類 其他嘢都可以 +$ & 唔係好貴。