網絡小說集中討論區<20>

第一卷定第一章，第一章d描寫垃圾到都有人吹

雪中悍刀行個電視劇改到咁柒

有啲寫寫下無咗影

又廣東話又書面 又亂
每日出唔出到一篇都成問題
我都係睇兩登故起頭睇網絡小說
但近年有咩好作？
一係就大陸仔扮香港人
一係就爛尾
更唔好講冇apps 直接睇香港故
下下都上紙言睇廣告咩

不如你推幾套你覺得好睇既香港網絡小說出黎比大家試試

你講咁多道理 但原來係現階段香港網絡小說係無野推得出黎見人，我唔明有咩意義

咁啱睇到，其實有啲期待巴打你推介本地有咩小說，我亦都真係啱啱去咗睇，我想請問你頂唔頂得住人哋批評？因為講真都冇俾錢你，你冇必要免費娛樂我，但係好老實睇咗三章已經頂唔住，好多問題，真係比較差嘅作品，唔係話支唔支持大陸定香港作品，係真係質素有問題(只係話你嗰本，唔係話所有香港作品)

不過都講聲加油，希望你有一日會講到你心目中嘅故事

我快速睇咗頭三章，呢個故事巴打你寫係玄幻，但係個故事背景係想玩靈氣復甦，主角一路進食唔同嘅物種增強自己嘅爽文嗰種，我就咁睇少少已經覺得問題好大

唔合邏輯到一個點

我覺得係成個作品由頭到尾不斷出現嘅問題，本身每一章嘅字數太少，接觸新作品嘅時候冇咁快投入到，然後當呢個時候主角做一啲唔合邏輯嘅事情就會更加令到我覺得好戇鳩

例如一開始，話隻老鼠咬斷咗主角隻手臂，一個人俾人咬斷咗隻手，咁我幻想佢啲血係咁飛出嚟應該係合情合理係咪？

一個人呢，如果失血過多，係會有唔同嘅症狀，800毫升已經係開始對人體會有影響，成隻手冇咗我可以合理相信好短時間已經會超過800毫升

但係睇嚟個主角咩事都冇，只係冷汗覺得痛

講起痛，腎上腺素亦都唔係大晒，主角既然係處於最開始嘅時候，一個人突然間冇咗自己隻手，仲要有劇痛，見到自己啲血不斷流，仲可以咁冷靜咁樣同隻所謂老鼠去所謂談判，呢個真係好唔合邏輯，因為人基本反應就係會有恐懼，面對痛楚甚至有機會會暈低

仲有一樣野，主角係所謂覺得路見不平而一拳打落隻老鼠度，我唔係好明點解係一拳，主角冇理由覺得自己一拳可以打死隻老鼠？我幫大家生死三磅，都會去選擇攻擊對方脆弱嘅部位，或者拎武器，打咗冇反應，跟住冇咗隻手，跟住可以好似冇乜反應咁樣繼續談判，成件事都好令人覺得戇鳩

跟住話拎個打火機，隻老鼠驚有火燭所以走咗

我當你10秒就即刻滔天大火好冇？

巴打我覺得你可以試吓，企喺原地，我當你10秒，一個普通人跑開應該都跑到70米，甚至有啲去到80米，衰啲我當60米

火燭蔓延係唔會一條直線，同埋一個咁空曠嘅地方，要有幾多助燃物？嗰隻所謂有智慧嘅老鼠又會唔會戇鳩鳩企喺度？如果嗰隻戇鳩老鼠係咁怕火，喺嗰個環境生活嘅人類又會唔會係完全冇觀察到，冇發現到呢個問題，冇人諗到冇人嘗試過利用火去保護自己，例如喺聚居地嘅周圍有火把

同埋聚居地又會唔會有咁多助燃物，嗰度啲人喺嗰度生活，唔驚燒撚死自己嘅咩？


然後個主角話，拎起個打火機諗住點起嗰啲枯葉，要點燃呢個森林


首先一個打火機，我當你防風嗰隻，你唔撳住佢呢其實唔會有火，一隻可以一下咬斷你隻手嘅老鼠，會唔會睇住你戇鳩鳩咁樣踎低對住啲葉我覺得有保留

咁大隻，我諗一跳嘅速度會快過人類嘅反應速度

我哋平時日常生活嘅狗，如果撲過嚟我諗都未必個個反應到

如果話擲個火機落去啲葉嗰度就會燒着，我又會諗唔明，個火機冇手指撳住啲火唔會熄？

大佬，你嗰啲係樹葉唔係汽油喎

另一樣嘢呢，森林入邊嘅樹葉其實唔係咁容易點得着，因為入面有水份，所有嘅森林基本上都係會偏向潮濕，因為入邊會儲存咗好多水，所以成個畫面都好奇怪你明唔明

隻老鼠話請你收回火苗都令到人哋睇到好R頭，隻老鼠咁有禮貌嘅咩？佢受過教育㗎？就算係人類，冇受過教育一樣唔會有禮貌呢個概念，佢既然捕食人類，就係打緊獵，我覺得冇人會對食物咁有禮貌

仲要係咁唔合邏輯嘅情況之下，肯自己走開，點解唔係威脅個部落，一係就定期揀幾個人出嚟俾佢食，一係就隨時夜麻麻過嚟偷襲，睇吓佢哋究竟有幾多個人可以俾佢慢慢祝走，如果呢個情況之下，個部落反而推返主角出去個情節會好似會順暢啲


大概快速睇覺得個問題就係咁，個情節設計同埋情緒鋪設都好唔合邏輯好奇怪，個感覺係巴打你好似冇乜生活經驗

不過可能我認真咗，加油


“痛，無比的痛楚，但看到同類被食的憤的感情，還是蓋過了恐懼和痛楚。同時，他的腎上腺素飆升。

「我要攬炒！」少年拿起從實驗室中科學家用來點煙的打火機，火苗就要對準地上枯葉。顯然他想點燃這個森林。

「停下來小子。」老鼠忌憚的説，在這秋高氣爽的天氣下，誰也不知道星星之火能否燎原，牠可不想放棄這個地盤。「如果你不想這個人類族群再有任何損傷的話，請你收回火苗。」”

當大家生死相博，語音輸入柒咗唔好意思

睇到樓上笑左 屌人正係講大陸小說點知最後係想推介自己本書
其實先唔講用語係口語同書面語分別
正係劇情同文筆兩地都冇乜可比
人哋爆紅個堆點都有啲料先會跑到出黎 係市場揀左佢哋
香港當然有好野啦 但對上我正係諗到紅van同18歲野比大雄 作者得孤泣叫出名少少 唔睇大陸唔通睇莎比亞咩

一方面想同你講聲加油，我覺得寫嘢係一件好令人開心同敬佩嘅事情

但係另一方面呢我都覺得，係情感情緒塑造嗰度你都要諗清楚，先唔討論個主角，動物捕獵其實係未必會考慮咁多嘢，除非有啲好明顯嘅危險喺度，如果唔係當動物決定捕獵嘅時候，就一定會希望有食物

因為喺大自然入面每一次捕獵都係浪費體力，捉唔到嘢食佢分分鐘就死，咁當然啦，大自然入面都唔係所有動物每次捕獵都有收穫啦，所以佢哋會計算自己嘅體力

但係係你描述嗰個場景，都食硬嘅時候，動物只會食飽，食到佢唔想食，跟住殺咗佢可能拉返去巢穴，唔會咁樣去諗，一個威脅唔到佢嘅對手然後佢退讓，加埋嗰個場景裏面，我諗隻老鼠食晒啲人都唔使晒好多體力係咪？

情感上面嘅塑造薄弱，令到嗰啲情感衝突令到人哋睇到好莫名其妙

真心建議巴打你諗下想講啲咩故事，跟住去做啲資料蒐集，搞咗個設定先

唔一定要現實發生嘅，但係至少內容入面自己要有邏輯，當你嘅內容入面有邏輯，啲角色就會自動去發展個故事㗎啦，加油

巴打行文有唔少病句，尤其係啲關聯詞（卻，竟，原來etc）嘅運用，可以從呢方面改善咗先

同埋明明佢本書既類型都係出自大陸既玄幻
唔計內容，睇文筆係OK
我懷疑個巴打都係睇開大陸小說，有種既視感🤔
同埋有d「好型」既句子，其實咁樣插係入面係會突兀，略顯尷尬

寫秦吏個作者本新書係咁串西方民主，都唔知咩事痴撚線。本身好地地以為搵倒好書，結果畀佢作者d政治取向毒撚到仆街