網絡小說集中討論區<20>

睇睇下夜行駭客睇到呢段，突然好掙扎應唔應該繼續睇落去，覺得自己都就黎變文盲
之前從無諗過咁細微既位都trigger到我毒發

戰士職業系，第九宮，鬥宿
鬥字，本義是量糧食的器具，後來意思是戰鬥，爲了糧食而拼命。

有冇類似 覆漢嘅推介

你指佢9up科普？

斗同鬥因為簡體字而混為一談，再9up justify點解係同一樣野再用黎做背景設定
斗鬥本身已經係兩個完全無關係既象形文字，而斗宿同戰鬥亦都真係無乜關係
我明其實好trivial, 純粹係簡體字破壞晒成個文化再張冠李戴而炆姐

巴打諗得好多
我基本都係一目十行

有冇人睇過輪迴樂園？
見好似勁高人氣

追到live 幾好睇既無限流 前期幾個大路副本（動漫）
之後個啲都係原創
主角難得唔係大愛撚

前期大中華膠

唔係科幻近期黎講係難得好頭好尾嘅小說

其他寫嘅係三國演義嘅三國 覆漢寫嘅係漢末 直情係2個層次 仲記得個句苟全於亂世 聞達於諸侯

最緊要係佢寫出左古人最睇重而我哋根本唔care嘅嘢 就係出身

呢個主題係完全諗唔到但又十分合理 唔係你有兵有錢就會有人幫你 係世家眼中你只係nothing 未睇過而又鐘意歷史文嘅Ching係超級推

Btw睇完睇其他納頭就拜嘅會即時毒發

已經停左 好鐘意無限恐怖 但曙光同死亡開端已經成本飛機文咁 當補完設定咁格硬睇完

呢本洪荒歷直情睇2-3章就要停

三國小霸王/叫做策行三國（？），作者係莊不周，
係描寫三國既背景、政治既討論都幾好。

無限流 開頭睇落都還可以 後面開始不斷重復咁 換湯唔換藥嗰種feel

同一作者寫嘅紹宋？個人覺得代入感無覆漢咁高 不過打仗嗰度都係好熱血

而世家同世家之間因為歷史淵源又會有社會地位既高低之分，就好似曹家同袁家咁；再由呢樣野去影響劇情走向／歷史發展
覆漢既刻劃就係去到咁深層次，但又唔會好似讀歷史咁咁難入口

另一方面安排呀媽做穿越個個而唔係主角自己穿越呢條橋真係好高質 (呢點一開波已經講應該唔算劇透掛)

就算穿都只係叫影響主角價值觀 冇好似其他黑科技玩撚晒
同埋會先知邊啲係人才 但就算知都會因為理念同出身收服唔到佢哋 冇得見人就收

btw我幾鍾意睇佢每章最後類似列傳 史記嘅寫法

珍佢9up 我就9睇， btw又無野好睇了

有無武俠小說推介

大唐之蝙蝠記

N 年前睇過嘅舊書，古龍 crossover 黃易

夜行駭客 想像力90分

謝謝大大
你指係劇情人物係古龍X黃易？
定風格？

同埋有無D好似極品家丁果D?
搞笑又打下

係指劇情，古龍楚留香系列嘅一個大 Boss 穿去大唐雙龍傳之後嘅故事，古代人穿去古代，冇現代人穿去古代咁格格不入嘅，而且主角係古龍入面嘅大 Boss，記憶中都係有啲魅力嗰種嚟

星門開始講返高武班人 好睇左

有本重生從咸魚贏起
休閒睇都唔錯