網絡小說集中討論區<20>

高武我睇到主角鳩up2句第2個世界啲人/獸（例如個隻狼）即刻納頭就拜 全世界輸都仆街但因為佢一條友就贏到開巷金手指痴撚晒線就冇睇 想問之後值唔值得追番

第一次分享下自己睇過唔錯嘅書 可能好多都係大路嘢 純粹拋下磚

仙俠類

顧道長生
靈氣復甦類 成本書都唔會有好多無謂嘅打打殺殺 有一種悠然自得嘅感覺 可惜結尾略差 但瑕不掩瑜

爛柯棋緣
現代人穿越古代 一開始仙氣同顧道有得揮 一樣都係唔會有無謂嘅打打殺殺 可惜作者筆力未夠 去到後期主角實力太強之後冇乜重點同高潮 有點雞肋

青玄道主
回歸傳統嘅仙俠作品 主角殺性唔算重 而且唔係普普通通咁升lv換地圖 去到中後期不斷瘋狂扭橋好好睇

太浩
傳統仙俠作品 但唔係以打打殺殺為主 主題唔再係爭第一 做最強呢啲無謂嘢 反而係將一般網文所寫神就比較低級 被束縛 仙就高一級自由自在 變為選擇嘅唔同 神即守護 仙即逍遙

玄幻類

一世之尊
個人覺得好睇到仆街 成本書可以自圓其說 可惜係一般網文嘅通病 主角個戰力太強嘅時候就好難令人代入到完全了解成件事

遮天
算係當時白描嘅始祖級 成本書形象最豐富嘅反而係一眾配角而唔係主角 成本書都高潮不斷係一本十分有水準嘅爽文 而最多人垢病嘅結局我反而覺得咁寫最後十章仲有感覺 見人見志！

白骨大聖
鬼吹燈高武版 用一個又一個嘅古墓同大家去講述一個世界嘅歷史 文筆流暢 可惜係入宮成年出宮一排又入番宮 睇下大家接唔接受到

從紅月開始
精神病人流 創意唔錯 文筆流暢 可惜係故事性唔夠 成本書就係一條主線到尾 但好處都係唔洗用腦

飛升之後
都算係一本幾部舊嘅書 但睇完幾年後印象都係深刻到不得了 成本書個種被壓迫嘅悲哀同憤怒好到肉 少數個尾收得好靚嘅網文

無限/諸天類

退後讓為師來
唐僧好揪過孫悟空嘅世界 都係藉住一個個世界碎片去揭露番個世界嘅真相

王牌進化
網遊版嘅無限恐怖 如果鐘意拳皇同無限流嘅必睇 至於其餘2部進化系列就自行斟酌下要唔要睇埋啦

驚悚樂園
我諗呢本都冇乜人未睇過啦 最主要都係睇主角點威法 成本書高潮不斷 結尾略差

萬界圓夢師
睇主角圓夢師點樣不擇手段咁去完成客人嘅夢想 但注意嘅係呢本書都幾多作者自high嘅情節

打住3類先 仲有Ching有興趣再打埋其他

想睇都市/輕鬆/搞笑/後宮

仲有無仙俠類推薦?
出名果D都睇晒，呢排追到叩問仙道LIVE
唔鍾意懶好笑幽默類，所以耳根既一念同三寸都棄左

我最鍾意求魔/凡人/仙逆/仙道求索

點解咁多小說主角都係姓葉

好好奇

修真世界
呢本特別係特別在佢唔係主角而係主角群 可惜嘅係方想個期好似想轉會 所以本書仲有好多嘢都未寫嘅時候就草草了事 但都值得一睇嘅 文筆通順又熱血

其實而家你搵呢類純修仙嘅書都買少見少 比人寫到冇晒新意可言

巴打好有心機
呢個list入面我最鍾意王牌進化，無限流入面私心排佢第一
可能唔係最頂級既文筆、唔係最頂級既劇情；亦唔係開創性到好似鼻祖無限恐怖咁
但成件事包括劇情發展，人物成長，去到結尾解釋番個世界觀都埋得好靚；呢樣野係網絡小說唔係咁容易，特別係無限流，無限流真係勁易爛尾／主角實力發展失控
最鍾意係頭幾章鋪排主角既背景+性格既描寫，個頭開得好靚，擺係其他類別例如都市異能小說都無問題

你講嘅都少睇都市好容易中大中華膠/404

搞笑嘅其實個本萬界圓夢師係岩你要求嘅

注視深淵
一開始好好笑 惡搞其他書eg 肥破蒼穹 但之後睇多左有可能會悶 可以一戰

大奉打更人
除左唔係都市有齊你想要嘅其他3個元素 成日幹了個爽

世界樹的遊戲
呢本係幕後黑手第四天災流 睇啲玩家同啲土著嘅衝突 鐘意嘅都算上級水平 可惜都唔係都市亦冇後宮 主角模糊左性別 變成一個中性/偏女嘅存在

寵物天王
如果鐘意貓貓狗狗嘅 呢本係會勁好睇淡淡的溫馨

修真世界係作者一貫作風

無限流黎講我最鍾意嘅係鋼鐵王座

本書一開始少少平淡 之後突然超展開高潮足成本 超級中二

都係 個陣睇卡徒live j死人 點知突然中間打場交就話完左 同太監冇咩分別 不過佢寫嘅書個世界創造得好 吹佢唔漲 預左有佢名就爛尾

梁公正

呢個真，佢個世界觀係吸引，師士仲幾cyber punk添
可惜
我中咗大多，去到講星路嗰本我決定永遠唔追佢啲書

落禁制木面果個？睇睇下好似棄左
後期值唔值睇多次


我想睇凡人流姐，可惜無晒

清可睇仙道求索，第一次鍾意反派大配角多過主角


忘語寫緊嘅訂製文 大夢主點？我唔鍾意真實同發夢互換，棄左

講吓青玄道主
開頭未入仙門係幾好
後尾有人同我講主角初入仙門冇耐就做咗掌門
我即刻棄咗

個到算係好前期未入戲肉

係呀 佢之後會變左第二本書咁 可惜嘅係勁多坑冇填就完左 仆街方想

叩問仙道最大問題係好冇人情味
就算係女帝、啞姑、朋友都只不過係背景板

我最近睇緊一本野叫縱目, 作者黃石翁, 100萬字左右未完
1. 人情味
縱目入面同人交流嘅情節比一般修仙文多
似返個有人嘅社會而唔係一味打打殺殺
睇得冇咁壓抑孤獨
2. 主角品性
甚少濫殺情節, 亦冇自吹自擂成日話自己天才/好人呢d on9野
終於唔係殺咗細嘅黎個大嘅死循環
唔洗啤你一眼就殺你全家
3. 冇大中華膠
呢點好重要

有個小小缺點就係前中期突然插入咗人妖不兩立嘅戰爭
又係嗰種妖族遠比人族強大、食人為樂勢不兩立咁
點解我話好突然？因為前期冇點是過呢個設定
而且前期着墨過一個妖族角色, 之後中期神隱
最後比主角殺咗
感覺作者寫唔落呢條線就斷咗佢

我都唔係咁鍾意懶好笑嘅書
呢本書相對正經, 唔白痴
但係間中有d手段、“吐嘈”係幾搞笑
睇你鍾唔鍾意

俾朋友推左本 頂級氣運，悄悄修煉千年 毒到仆街
成本書就係 匿埋修練>升境界>系統問你要出世鎮壓萬界定繼續呢埋>匿埋修練>升境界...... 不斷重覆 咁既垃圾都係月票榜

本書係致敬/抄鬼谷八荒
有玩/留意隻GAME咪覺得幾好睇

套路不斷重覆
早期睇就幾新鮮
睇到一半頂唔順棄左

除左大中華膠 洪荒歷幾好睇喎