其實現代人係咪唔洗食碳水化合物

仲有生酮果陣既能量來源，酮體
係有抗氧化效果

我搵過呀，睇過d meta analysis，最新睇到份係今年出既，發覺入面引用好多唔關事既研究去講
40%碳水既研究都歸類做低碳，之後用佢黎話生酮（<5%碳水）唔健康
或者用做唔到結論既觀察性研究話食多肉會心臟病，又假設生酮唔食內臟唔食海鮮唔食菜唔食生果只食紅肉同加工肉
又將高碳+高脂環境下身體反應套用去極低碳環境下

用爆發力既運動冇咁好呢樣都想睇研究
暫時理解係keto下d肌肉未適應用脂肪果陣係會弱左過左2-3個月就正常返，不過呢樣得anecdote😂唔記得有冇研究了

最近睇左呢份足球選手行keto，high protein,係counter movement jump上面有進步
https://jissn.biomedcentral.com/articles/10.1186/s12970-021-00459-9

同意一般人低碳（一日100g左右）+高蛋白（1.5g-2g/kg體重）+適量脂肪就ok，同埋更加fit個現代飲食習慣，我自己都係低碳

嘩有料 我未睇過足球選手個份
爆發力個度應該係理論上啫 以我所知好似未有真正數據反映 但耐力運動員就真係有數據顯示生酮之後運動表現提升咗

係低碳 + 168易玩好多 脂肪食多少少都唔怕 幫助製造荷爾蒙

我係低碳高蛋白+168勁好feel
一個月1-2次24，試過3次40，頂唔順，起身有d虛補返鹽都唔多掂，可能因為本身體脂唔算高，得11%，難d斷咁耐

愈行低碳168愈發覺好似後生左+精神左
食完野眼訓既頻率降左9成

鳩up多過呼吸

我最耐都係50個鐘 跌左廿幾磅 但精神上又冇咩 反而愈來愈精神
唔好一下子斷食咁耐 要慢慢練

發覺168係斷食期間做重訓個表現仲好過以前食碳水果陣個人好興奮+精神咁，可能因為斷食d荷爾蒙變化

唔食飯但可以食其他

Keto 有代謝壓力，high carb 同時high fat 又壞脂肪先唔好，分量啱自然一樣可以好健康

人本身結構唔係傾向大量食肉，keto 最大問題係太新，冇大量人口正式長期研究

最唔健康係keto 用嚟sell減肥，搞到以為點食都得，現實行keto 嘅醫生同運動員其實唔會食過量同計得好準，一般人冇果種習慣行返傳統balanced diet 減低碳已經健康同安全

壓力係邊方面既壓力？聽過話肝要做糖質新生+製造酮體，長期會有壓力，但完全冇研究/機制支持鳩up當常識咁
如果一個器官正常運作得耐就會有壓力，咁心跳應該都幾唔健康

分量岩係健康呀，問題個比例應該點放，197x美國出左個重碳水既飲食建議之後咁岩肥胖人口急增，咁岩慢性病癌症又愈黎愈多

長期人口正式研究應該邊d先岩，食物金字塔個比例都完全冇臨床研究支持

人體消化系統結構同肉食動物非常似，胃酸酸過大部分肉食性動物（草食性既就鹼性)人體大小腸構造都係似肉食性動物，小腸長大腸短，用黎吸收肉既營養多過靠植物係大腸發酵，同時都冇草食性動物既菌類幫助消化纖維

睇埋人類進化歷史，好似2百萬年前已經開始打獵，呢段時間之後人個腦先慢慢變大，消化系統變細，胃愈黎愈酸，開始食肉同時慢慢進化，dna都適應食肉
keto對人類黎講應該唔新，以前冇農業都係食動物多，自然極少carbs

幾多肉先係過量？紐特人/馬賽人呢類飲食大部分都係黎自動物既，一日可以食到1-2kg肉，但都完全冇健康問題
現代關於肉既研究有幾多係低糖環境下做

其實食咁多碳水都只係呢1萬年度既事
人類打獵歷史有成2百萬年
到底邊樣先唔正常

d器官係會用但balanced diet唔係每日果種loading,只係疑問長期會唔會有咩未知問題，keto diet 又冇long term studies support，係咪啱所有人始終擔心uncertainty

美國一high carb 就肥人爆升形容有少少unfair, 現實係high carb with high fat, 將carb 或fat其中一項壓到好低一樣可以改善個情況

紐特人食咁多omega3, 馬賽人消耗大都市人好多但係又短命, 佢地係咪食1-2kg肉真係唔知，但生活模式唔算都市形態難比較

唔係反對keto, 斷食本身都會生酮，我覺得斷食係好
問題係balanced diet 做到, 點解要keto, 用黎sell任食都可以減肥更加係誤導

打獵時代挖根莖植物食都starchy

係呀，唔會係完全唔食
所以我同意食根莖植物，但唔食穀物，穀物比人類改造得太多，人類dna唔適應食

主流營養學 世界級運動員 最長壽地區嘅人都係行緊生酮飲食

第一段已經錯鳩哂

好開心終於有人肯討論
你咁講一講又係，我忽略左d野

你話證據唔夠，的確係只可以話生酮唔健康只係懷疑，但唔好講到一定，當然同樣生酮唔係100%健康，好睇個體反應
keto要試既話冇問題，做n=1既實驗對自己係好事，長遠有問題先再改，要改都係加返少少carbs就夠（一日100g夠哂）
不過講短期臨床研究係健康架特夠係醫病情況下，可能應該本身d病就係因為high carb+high fat食出黎

對普通情況，都有唔少本身支持生酮既專家都轉左支持low carb high protein moderate fat而唔係keto個ratio，pe diet果個發表人就係其中一個

減肥角度係carb fat是但一樣禁到好低都得，都有研究係carb極高fat極低醫到糖尿
但高carbs意味住好易營養缺乏/食夠要量多易高卡，動物營養密度始終高好多，動物蛋白質個生物利用率平均印象中係植物蛋白2倍

能量消耗上其實冇咩分別，人體會適應個運動量去提高肌肉運作效率,vox有條片，exercise isn't the best way to lose weight有提個研究，YouTube有
長壽又要拉埋去另一樣野醫療同衛生，呢樣變到好複雜，純粹想帶出食得多肉未必有問題，食肉會有既慢性病係佢地身上都冇出現，佢地係極端例子
一日幾多肉先叫多就好值得探討，e家果個0.8g/kg只係最低唔會因蛋白質缺乏既病既量，唔係d專家講既人類食超過呢個量就係過多

係呀，生酮其實就係令身體模擬斷食代謝狀態既飲食
我都覺得keto慢慢比marketing令左黎賺錢對呢樣好反感
但就咁講balanced diet，每個人對balanced既定義都唔同
到底macro要點分佈，都幾肯定唔係e家咁50-60%carbs加埋食物種類都有影響，就算係蛋白質，精製既蛋白粉都係唔好，脂肪就係精製油唔好（大豆油果類多omega-6既）

我主張控制碳水，優先食蛋白質，剩返再用脂肪填，so far自己一路行緊都好好feel

有還有，量問題
同位素研究指人類飲食內容更加似肉食性動物
當然唔排除冇動物食果陣會食植物
只可以話人類係雜食性得黎偏肉食

睇到份耐力運動員係長期低碳飲食（20個月，10%carbs）同高碳（60%）比較糖原消耗同儲存
2group既糖原濃度，運動時糖原消耗同運動後糖原儲存都一樣，但低碳既消多59%脂肪

https://www.sciencedirect.com/science/article/pii/S0026049515003340

又睇過d研究話當肌肉適應用脂肪後，可以係更高心跳率下繼續用脂肪做能量
但可唔可以完全取代糖仲能量就冇數據，但由上面果份睇，可能糖原存量都夠支持運動表現

生酮聽講好似會導致生腎石 生腎石好似中槍咁痛

腎石同飲水量有關

營養師咁得閒樂意解答問題

控制碳水高蛋白適量脂肪係最易每個人聽得明，最可行


其他全部偏食偏方，都要更高認知水平，又多誤導資訊

唔是營養師，只係營養學有d認識，我係營養師應該就唔會信低碳生酮，只信卡路里理論始終主流營養師只讀呢套

答人同時鞏固左自己知識基礎呢點幾好

其實當睇埋營養學發展史+剩係睇臨床研究，就會發現主流係錯到cls