其實乜野叫「靚」可以係一個哲學/美學問題,當然我就唔會在連登討論埋啲咁嘅嘢。
恤衫其實主要就分開布料同造工,「靚布」在質量上就比較容易客觀(科學)討論,而恤衫布主要材料通常就只有「棉、麻、絲」,當然仲有其他,如人造纖維同羊毛,但因為最常用(九成以上)的布料都是棉同麻,而亦以棉為主流,所以基本討論主要都是圍繞著棉去討論。需要掌握的概念其實都好簡單,就正如利工民個廣告話齋「紗線最幼,質地最滑」為之好。
說紗線的問題,可能找shirtingfantasy來講比我更在行。我只簡單說幾句。棉紗當然就由棉花經處理後扭(撚?)成,用乜野棉花當然就影響到成品,當然你作為消費者係可以唔理的。就如你食一碗白飯,用乜米煮,你可以唔理,只要好味就得啦!但如要考究,都有好多嘢可以討論。香港主流係食泰國茉莉香米的,但近年泰國米貴,也有米行搆啲平啲的越南米。台灣米同泰國米可以話係完全唔同口味的,正常人都會食到兩者的分別。但日本米同台灣米就較近似,但雖然似,食慣的人,仍可食出分別。買台灣米係最清楚的,因為大部份都標明米種,例如「台梗九號、台梗五號」等。我明明講棉花造乜講咗米
高級棉花市場上最主要係埃及棉、海島棉、Pima棉(美國產就Supima),埃及棉有幾個品種比較出名,例如Giza 45, Giza 87, Giza 93. 紗線追求的主要就是「幼、長、強(韌)」,所以見各大牌子主要都係標榜佢地係用呢幾種棉花。你可以食飯咁,唔理乜種,只要好食;又或者考究啲,研究下係乜野棉。不過絕大部份人都係同買米一樣,揀牌子就算