［鬥智］ 【獅子山恩仇記】(二) 天地無正氣，有錢有天理

郭老師 客家仔 徐乞兒 別離

同為主角報仇的‘助力’（工具）

想知點解待遇差咁遠

特別係徐乞兒同別離寫到好似係佢地疚由自取 罪有應得咁

咁客家仔點解又冇事先

講作惡多端點都客家仔行先啦

唔係一句當意外就算

基度山復仇的中心係‘善惡有報’

所以報完仇會令人覺得佢好型

而家呢個似係一個反複無常 雙重標準的癲佬多d

大家好我係陳立正，多謝大家支持故事黎到尾聲先發現自己未試過好多之前咁隨心打下同大家傾計，簡單黎講就係諗到邊打到邊再唔ＣＨＥＣＫ錯字咁。

獅子山恩仇記算係我組織得比較用心既故黎，出故前我真係已經寫好左去到咩咩位會有選擇點，選A會點選Ｂ會點，但係去到後期角色又係一如以往咁好似有意志地開始自己行動，神聖時間線已面目全非。最經典就係亞娜怒炸遊艇會個度，本身我寫主角會有絕症，令到「唔復仇既平凡日子」變得更寶貴，作用自然係加劇復仇ＶＳ放棄之間既衝突。

然後亞娜就突然行動起黎：既然係咁，唔使咩鬥智，我直接報泰思完成復仇就可以！呢點係我完全無預計過，於是就變成咁樣。

事前有設計過泰思復仇既程度，其中一個極端路線「無差別復仇」就係將全世界當成仇人，連亞娜，景遙都唔放過，當然係一個又一個選擇中呢條世界線已經被刪去。上面有巴打話「特別係徐乞兒同別離寫到好似係佢地疚由自取 罪有應得咁」，我就特別回應下。

無錯，全部係疚由自取。

徐乞兒—佢放唔低昔日既虛榮，改變唔到自己，最後更加被人格謀殺，但係有冇諗過其實佢可以唔介意？就算真係METOO又好，坐監都好，佢都唔會咁大獲變成槍擊事件；別離公子，為左補償自己既不幸童年而出軌，最終被入魔既Fiora殺死，有冇諗過其實佢可以滿足於現況，而去出軌?

人生既不幸，我好多時都覺得真係疚由自取。

泰思係復仇路上，其實都係誘導，說服，而唔係直接陷害，佢令到其他人選擇一條黑路去行，但始終都係其他人自己選擇，好多時係利用已經存在既性格，過去等等，但最終選擇權一直都係角色自己手上—徐乞兒當時係有去外國重新黎過既機會，仲係泰思親自俾既；別離公子係可以唔出軌真心只愛Fiora一人，咁樣無論泰思點灌輸Fiora殺人唔會有後果既錯覺，Fiora都唔會郁手。

搞到依加咁，係咪可以將所有責任推落泰思身上？

呢度亦帶來另一個主題:抉擇。

故事有一個只存在係我構想中，但永遠唔會出現，所有人都唔會死既大團圓結局，但觸發條件只有一個：遇到亞娜後，馬上放棄復仇。如是者，任何人都唔會犧牲，完成報恩後二人就會隱居，完美結局，但咁樣故事就講唔到落去，亦違反泰思係獄中下定既決心，所以直接刪除。

之後Patreon 會詳細講返各種可能性同已經錯過既平行世界，敬請期待。

再回應埋「咁客家仔點解又冇事先／講作惡多端點都客家仔行先啦／唔係一句當意外就算／基度山復仇的中心係‘善惡有報’」，簡單黎講我係分清楚返「伯爵」同「蝙蝠俠」之間既分別，蝙蝠俠就係英雄啦，打擊壞人，保護善人，但伯爵都係WＯＲ，咁之間有咩分別呢?

就係伯爵既核心並唔係「善惡有報」，善惡有報係蝙蝠俠，伯爵只係同自己有關既人先善惡有報，即係復仇，同報恩，係比較自私既，我寫之前既考慮是咁的。

所以客家仔係大耳窿，對於世人黎講係公害，如果係蝙蝠俠，就真係會落手，但係佢係伯爵，客家仔不但有份逼害仇人，亦將仇人既事業（鐵哥）吞左，更加提供打手等等支援，所以係友軍，即使佢係公害，亦視為友軍，因為主角係伯爵而唔係蝙蝠俠。

最後講下中心思想啦，第一當然係執著於過去既空虛，已經透過角色講左好多次唔重覆啦，我懶。第二就係唔同人既面向，對於伯爵黎講唐老板係仇人，但對亞娜黎講佢係恩人；對伯爵黎講費勝嵐係仇人，對費柏榮黎講係＿＿，每個人對每個人都獨立一個面向，故事中既掙扎就由此而來；最後係「波及」，正如骨牌效應，蝴蝶效應等等，一個選擇往往會係因果時空中留下餘波，影響到之後既大大小小事件，大家可以睇到愈近結局，唔同既伏筆都開始匯聚，一件又一件小事，一個又一個選擇，最後匯流而成既就係「命運」，亦即係頭先所講既「疚由自取」。

我相信命定論；但同樣相信所謂命運係自己種下既因果。

無法逃離既唔係命運既安排，而係過去自己無形中對未來既安排。

臨近結局，所有角色都會更加「極端化」，如美國隊長１血清既作用一樣:Good,become great; Bad, become worse. 故事既出現在於角色價值觀既衝突同矛盾，結局時故事張力要更加繃緊，角色特質就會更強烈，敬請期待。

我可唔可以當出左文? 唉去做野先。

回553
唔可以
今晩見

泰思好大機會rip咁

唔可以+1

我覺得佢最後分分鐘會俾死更慘...

無咗亞娜

呢個作者，比起死更慘既下場實在太多

都大機會

想問之後仲有無選項

完故少唏噓

等溫主任個故

我甚至連亞娜為梅黛琪她遞上紙巾也阻止，我直接叫亞娜坐到我身邊，然後我再牽起她的手和摟住她，當然是為了在梅黛琪面前示威。

哭哭啼啼的，煩死了。

「事先聲明，我咩都做唔到。」我道，「人係Fiora殺既，所有證據都係鐵證如山，我有咩做到？」

「泰思，唔好咁啦…」亞娜道。

「嘁。」我嗤之以鼻，「所以呢，你頭先唔係要話當年。」

怒火升起，憤怒重燃。

「我本來同你幸福過一世，你睇下你同費勝嵐做左咩黎？阿布，過黎。」

「汪嗚？」

兩邊的沙發，兩邊的命運。

我，亞娜，阿布。

梅黛琪…就只有她一人。

「當年…的而始確，唐老板一直利用公司既人去公幹，然後幫鐵哥帶貨。」

我知道。

「…但係建議佢咁做既人，係勝嵐。」

「……」這有點出乎意料，但也只是一點點罷了，人渣還始終是人渣。

現在他已經被捕，不理他說的動機也不重要。因為不論他給出的解釋是甚麼也會引證他有做過，加上別離公子的供證，唐老板斷無翻身機會。

「我…」

他欲言又止，失敗了嗎?

「我無晒辦法，佢講既做法，就係我唯一可以做既事。」

那時唐老板中的「佢」，正是費勝嵐。

「點解要咁做。」我說，「除左我，其他同事都有可能一去不返！」

「因為佢想立功，證明自己。」梅黛琪說。

「立功？」

「你知唔知道當年除夕，你同佢都分到股份…但係，你分到既多過佢？」梅黛琪說。

利教授分析過，這就是他對我起殺意的原因。

我舉起五隻手指，旁過酒杯看著勝嵐與黛琪吃驚的表情。

「點解…」我呆了。

「whydunit？」他說出代表尋找動機的名詞。

「點解佢會吃驚？」我抱頭思考，「我地分到既股份應該係一樣！」

梅黛琪掩著臉說：「佢一直都好耿耿於懷，明明佢加入唐老板先過你，明明一直以黎佢成績都好過你，但係…我不但同左你一齊，連唐老板都分多啲股份俾你，所以勝嵐個時好想證明自己。」

我接下去：「於是佢就自把自為，去建議唐老板用呢種方法還錢。」

當年世界上的交通不發達，外訪公幹的人多多少少是有點身份的，海關決想不到有人會利用公幹來運毒，再說我們出國時身上有不少現金，面對貪贓枉法的菲律賓警察，也能買通換取通行，這就是費勝嵐的如意算盤。

「係…然後…佢決定一不做，二不休，利用呢一點向當局告發。」梅黛琪說，「結果…你都知道。」

當然知道。

十多年了。

結果我永不忘記，也永不原諒。

亞娜忍不住說話了：「事到如今你先講呢Ｄ有咩用？你唔好扮到好似企係泰思個邊咁！」

當日我向梅黛琪坦白後，亞娜也很激動，為我而生著氣。

「我係！我真係！」

我怒道：「係咩，咁你當晚應承左唔同勝嵐講我既身份，你又講？！」

「…你講咩？」梅黛琪說，「唔係我…我無講過。」

「你覺得我會信你？」我傻眼，明明已事到如今。

「我連當年勝嵐既陰謀都同你講埋，我仲有咩好暪你？」

我一時語窒，竟然想不到甚麼理由去反駁。

那麼為甚麼他在那時就開始干涉亞娜弟弟？！

在那時間點，知道我真正身份的人有…

亞娜，賈姑娘，徐乞兒我想他大概猜到了，利景遙，還有嗎？

我把這問題藏在心中：「咁樣，你今日黎想點，一開始我已經講過我幫唔到咩手。」

「我只想你收手。」

作夢。

「由頭到尾都係勝嵐佢自己搞出黎…我同Fiora, 柏榮係無辜架！」

「咁你既冷眼旁觀點解釋？」

「咩冷眼…」

「我係菲律賓坐左咁耐，政府有冇幫過我？你連一封信都無寄過黎！我係利教授監房睇過呀，佢有收到信架！」

「都話左…因為鄧威龍件事搞到好大，勝嵐即使係呢個官位都唔方便出手！唔係就變成外交衝突！點解你係要咁睇我？！」

「你仲未做夠戲！？梅黛琪！」我大罵，「我根本分唔到你邊句真邊句假！」

「只係因為你諗得好複雜！」

「咁你當年咁樣咁快同費勝嵐係咪一齊，肚都大埋又點解釋？！」我窮追猛打。

「除左佢，我一個女人仔仲可以投靠邊個？！」

「所以全部唔關你事，全部唔係你既錯，你無得揀！你好撚慘！千錯萬錯都係費勝嵐，唔好搞鳩你同你對寶貝仔女係咪？！」我說，「費勝嵐同你坦白個時，你點反應？哦，好呀，ＯＫ明白無問題！？」

她不回應。

「你只係黎割蓆，想自保，想唔好燒落自己身上，梅黛琪，你同你個仔一樣，你同費勝嵐一樣，你地全家都一樣！」

「唔好咁激動，泰思，小心身體…」亞娜輕輕拉住我道。

「嗯，亞娜。」

她不是站在費勝嵐的一邊。

她不是站在我的一邊。

她，梅黛琪，只是站在自己的一邊，只是單純的地自私罷了。

當費勝嵐用計害我後，她就投靠向佔了上風的費勝嵐。

即使費勝嵐坦白自己害我，因為她的人生已建基於費勝嵐之上，想必她也沒太大反應，為了不使費勝嵐反感，當然也不理會郭老師和我母親。

現在我向她全家發動復仇，費勝嵐無力招架，她又重施故技，站在自己的一邊。

噁心的女人。

「你就唔可以放過我同我對仔女？」梅黛琪說，「我明你嬲我…都合理…就我對仔女，求你放過佢地兩個…佢地個時仲未出世架！！」

「母性大發呀，梅黛琪，我係咪要好撚感動？」我不為所動，「Fiora係自己攞黎，咁樣搞一搞費勝嵐一定會將柏榮送去外國之類？我仲可以做啲咩？」

「…佢就係唔會。」

「唔會？」

「佢話左…一定要同你鬥到底，當年收你一次皮，今日就可以收多你一次，柏榮唔會因為你既小動作而要去外國做二等公民，等風聲無咁緊佢都會幫Fiora…我唔想見到你地咁…」

「所以你就想我放過你地三個，然後解決費勝嵐，再幫Fiora出黎，咁你地三母子就可以大團圓啦？哈哈！哈哈哈哈哈哈！嘿哈哈哈哈哈！！！」

我仰天狂笑不止，實在太可笑！太可悲了！

費勝嵐，你娶的就是一個這樣自私的女人！！

但是他還能怎樣和我「鬥到底」？

大門被叩響。

「果然係度啊，黛琪。」門外的人，是費勝嵐。

「…你黎做咩。」

「搵我老婆。」費勝嵐自己走進來，然後身後出現更多人。

「喂，呢度係我屋企…」

「鄧先生，我係警察，呢幾位係海關既同事，呢幾位係入境處既同事，你涉嫌於２０１８年係菲律賓殺人逃獄，並潛逃返港。」他道，「換句話說，你係菲律賓政府既逃犯。」

「根據香港１９９７年同菲律賓簽署既協議：逃犯(菲律賓)令:香港法例第503章，我地有需要將你引渡返菲律賓。」

「之前局方只係根據第六條，１Ｄ項之中，在該案的情況下，包括考慮及被要求移交者的年齡、健康或其他個人狀況，把該人移交是不公正、壓迫、不合人道或懲罰過重的，而行使酌情拒絕移交。」

「但係我地依加既判斷係你唔會有呢個問題，所以依加將你拘留，準備啟動引渡程序。」

手銬鎖到我手上。

「一路好走啦，泰思。」費勝嵐牽起梅黛琪看著我道。

補充資料：逃犯條例

香港政府與世界上不同地方也簽有移交逃獄的條例，當中包括但不限於印度尼西亞，馬來西亞，菲律賓等東南亞國家，而當中的部分民主國家已於那兩年的事件後與香港中止了協議。

這些協議內文大同小異，是為了確保外國逃犯來到香港後也難逃法網，香港政府可以把他們拘捕並移交回簽署國，而與菲律賓簽署的是１９９７年６月２０日的逃犯(菲律賓)令:香港法例第503章。

當中第六條為：酌情拒絕移交

被要求方如認為有以下情況出現，可拒絕移交︰
(a)在考慮所有情況後，有關罪行的嚴重性不足以支持該項移交；
(b)要求移交所根據的罪行，是在被要求方的法院管轄範圍內犯的而被要求方將以該罪行檢控該人；
(c)該項移交可使被要求方不履行根據國際協定須履行的義務；或
(d)在該案的情況下，包括考慮及被要求移交者的年齡、健康或其他個人狀況，把該人移交是不公正、壓迫、不合人道或懲罰過重的。

至於如何判斷？

這就是政府的權力了。

呢個故唔好睇咩

計劃中有１～２個
至少有一個既「最終選擇」

有咩，無呀

個人口味鐘意科幻魔法野多啲～

放心
呢個故暫時到結尾都清晰
所以我已經一直度緊下個故既橋
好撚正

呢招出得好
直接用公權力繞過埋法院
咁樣出招真係諗唔到點拆

唔好呀咁就要返去菲律賓嘅話就真係萬劫不復