［鬥智］ 【獅子山恩仇記】(二) 天地無正氣，有錢有天理

請想像成魔戒個種

唔好啦驚你見到真人棄故

有心無力

主角食左佢
一齊plz

主席，我要求點人數

1人

2

3

4

5

6（我功能組別，有兩票，謝謝）

7

8

當利景遙走出客廳看到的是別離公子正好離去的一幕。

大門關上。

「你又有咩計劃？」利景遙道。

「唔知呢。」我拿起狗零食，「阿布！」

「胡汪！嗄嗄嗄嗄嗄～」阿布搖著尾巴跑過來，剛好擋在我與她之間。

「你已經記得返晒？」我望向利景遙。

「…係…」她低頭一臉紅暈地說，大概是想起自己當日在車上和遊艇會上的說話吧。

「唔知。」她直接放棄思考，「咁你係咪唔想我幫呀，係咪你有你個亞娜小姐就咩都夠晒呀！」

＊＊＊
「泰思。」出發前兩秒。

「其實…」出發前一秒。

「我唔小心鐘意左…」起跑！

「但係你已經唔會只係回到個時既你，因為失憶後再回復都係記憶一部分…原來就係咁解。」

她說：「我真係覺得你唔應該咁樣執著過去…唔講都講左。」

相比起亞娜，其實利景遙是更率直的人。

「我知，你已經講左好多次，亞娜都係。」

「唔止因為你身體，亦因為咁樣做無意義。」

「……嗯，我咪話你地已經講左好多次…」

「你之前係咪話過只要係你能力內你都會滿足我，因為我係利教授個女？」

「係。」

她的意圖是…抱歉，我已經猜到了。

「咁我要你放棄復…」

「做唔到。」我搶答。

「嗄？點解…」

「因為你既思路太單純…」我以為她問為何我猜到。

她搖搖頭：「唔係啦，我係問點解你做唔到，取消所有計劃就得啦！」

「你可唔可以放棄做律師？取消你個牌就得啊。」

「無可能，做唔到…噢。」好像明白了。

我聳聳肩不再多說。

利景遙這種轉數真的可能當上一個好律師嗎?如果我不是這樣一路上為她鋪路我還真有點擔心，她可是連我也不能說服的人。

「唉。」利景遙走向雪櫃拿出沙士汽水，話說她還是有點怕阿布，故意繞遠了一點，但其實阿布只是倒在地上把肚子露向上任由我揉來揉去。

「亞娜呢？」她問。

「佢今日放假，去左探佢細佬。」

「哦…」

但是多半不會這樣晚還未回來呢。

才剛這樣想，電話就響起了。

「亞娜？」

「泰思…」

我心中一沉。

「咩事？做咩咁既聲。」

「可唔可以…黎我細佬醫院一次？」

最近好似出入醫院太多了吧?

夜裡。

才一下車，已經看到亞娜站在北風中呆著，雙目呆滯，連我走近也混然不覺。

「亞娜。」

「啊…泰思…」她看看我，似乎還沒反應過來。

要來的終究還是要來嗎？這一天。

「做咩係度吹風？」我說，「你病左點算？」

「嗯…對唔住…」眼角通紅，似乎哭過。

「傻女，道咩歉，入去再講。」

這醫院是亞娜弟弟所住的醫院，當然是香港最頂尖的，那些大房二房，乜超人，物大王也是在這的看病，所以這兒的大堂也是別格風格，用料高檔，富設計感。

「好啦，講我知咩事？」

我雙手捉住亞娜冰凍的手心輕揉，看到她這樣子我心也在隱隱抽痛。

「唔知…等陣見個醫生。」

「咩醫生?」

「普通醫生唔肯講，好似有咩難言之隱咁…等見個個係高級啲既，好似係成個科既負責人，主任黎。」

我心中又是一沉。

「點都好，我陪你。」我說。

「今日你見別離公子見成點？」亞娜問。

「唔好理呢啲先啦。」我說，「食左野未？」

「未…」

我飛快地著菁婷送外賣來，不用十分鐘醫院外響起刺耳的跑車引擎聲。

「唔該…」亞娜道謝。

「…亞娜你有冇問題？」菁婷道。

「我？冇…」

「如果冇，聽日既當值就會繼續由你…」

不不不，這明顯很大問題吧！

我沉聲道：「菁婷。」

「係，有咩吩咐？伯爵先生。」

「亞娜咁樣叫無問題？佢答你無問題你就真係無問題？！」我生氣了。

「個人助理訓練中，唔容許個人情緒影響到自己既工作表現。」菁婷解釋，「亞娜身為一個專業既個人助理…」

「直到我通知為止，亞娜唔係個人助理，而係女主人，地位同我一樣。」我輕輕擁住亞娜。

菁婷一呆，然後點點頭躬身：「剛才失禮，伯爵先生，亞娜小姐。」

她的這句突然就從「亞娜」變成了「亞娜小姐」了，專業至一種極端也是相當叫人不自在的，我看到菁婷的樣子很慶幸當初亞娜在銀行忍不住笑，很慶幸我遇到了她。

但馬上我就知道這是不幸。

「就係咁，辛苦晒你，你放工先。」

「係，有需要請聯絡後援組。晚安，伯爵先生，亞娜小姐。」菁婷點點頭離去。

如果當日我遇上的是她她也是一直這種態度我會瘋掉吧，還好亞娜只是裝裝樣子。

「咩…咩女主人喎…」亞娜紅著臉道。

「快啲食野，等陣你都胃病點算。」

我們在大堂呆了大約一小時，一個護士才走過來：「係咪呂雅娜小姐？」

「係！」亞娜直接跳起來。

「呢邊請，呢位係…」

「男朋友。」我一手拿起手杖，一手牽起亞娜說。

「泰思…！」

我幾乎就要被說服了，至少也在那當下。

對過去的執著是何等愚昧，對過去的憎恨是何等浪費時間，我被亞娜和利景遙二人日夜疲勞轟炸下真的幾乎要折服了。

再者，我應該活不長吧，即使怎樣說身體已經弄壞了。

所以…我其實還是很想給亞娜一個答案的，即使我還是實行著我的復仇，但執著程度明顯沒有以前的狂熱，即使會利用到費柏榮和Fiora，我也比較像是任由事態發展。

可能我真的老了。

那時我還是這樣想的。

眼前的是整個血液腫瘤科的最高負責人。

「晚安，獅子山伯爵，呂小姐。」

「叫我亞娜。」

「嗯…亞娜，伯爵，我…」

連這樣級別的人也要支吾其詞嗎。

「你有野就直接講。」

「………好啦，亞娜既細佬患上既係慢性骨髓性白血病，呢種病分成三個階段，慢性期，加速期，急性期」主任道，「佢已經過左慢性期，而加速期…亦只會維持三至六個月，亦已經到尾…之後就會係…急性期。」

「我同亞娜都知呢啲，所以呢。」我說。

「…你地要做好心理準備。」

思考，洞悉，推理。

這傢伙沒有說出所有真相。

「既然係咁，點解要由你黎講？主任。」

簡單一句主任卻好像嚇了一跳：「哦…始終都沉重既，咁伯爵你咁既地方，由其他醫生黎講…」

「遊夠花園未？！」我喝道，「骨髓呢！」

當日我第一次來探望亞娜弟弟時，已經說過會為他尋找骨髓，更開出三百萬的獎金贈予願意捐出的人。

「咁有精神，睇黎仲有時間。」我道，「既然係咁，就懸賞尋找骨髓移植者，適合而又願意既人我會俾三百萬佢，咁樣應該易搵到好多。」

就我所知，我這樣高價買骨髓引發不少話題，來接受測試者更是人山人海。

卻完全沒有人合適……嗎？

如果是這樣，普通醫生宣佈就可以了，醫院這樣出動主任級的醫生更加不自然。

「伯爵…即使係親友，骨髓符合既機率都只有百分之二十五，更加唔好講陌生人…世界上唔係有錢就可以隨心所欲。」主任說，「請你唔好無理取鬧。」

「嗚嗚…」亞娜已經開始抽泣了。

突然我有一個猜想。

…這連推理也算不上吧。

「配對唔到，天命難違既話…我都無話可說。」我說，「但係我唔接受到有醫生係度耍花招，耍手段，用病人條命黎玩權力遊戲！」

「喂，伯…伯爵，你唔好含血噴人，你除左指控仲有提出過咩？！」主任說。

就憑這傢伙的口吃，不安眼神，特意要由主任來宣佈惡耗我已能確定他有隱瞞！

「得，你唔使講！」引蛇出洞！

「你…你想點！？」

「喂？菁婷？幫我聯絡利律師，佢師父，同佢師父個師父！係！劍橋個個！仲有之前個班私家偵探，邊個查到亞娜細佬背後既真相既個三百萬俾左佢地！」

主任臉色刷一下變成鐵青，我更肯定自己沒有猜錯！

「仲有DeepWeb, DeepWorld，發佈懸賞，任何人知道山頂呢間醫院隱瞞既事，全部有錢分！黑客又好，偵探又好，咩人都好！之後聯絡八間大學既校長同醫科既院長，我要組成委員會，索取報告…」

主任慌張起來：「伯伯伯伯伯爵！唔好！唔好咁樣搞！咁樣你同我都會好麻煩！我地得罪唔起佢架！」

「……邊個佢。」我厲眼凝視。

捉到了!

還沒反應，亞娜霍一聲站起來躍過辦公桌，把文件電腦掃了一地，主任還沒反應得及她的右手如閃電一樣快的掐住主任的咽喉：「你對我細佬做過咩黎！」

「咕…嗚…」

不論是我還是她弟弟，只要一涉及她珍重的人，亞娜就完全沒有理智！

「亞娜，放手！」

亞娜才好像驚醒一樣放開手，主任咚一聲摔坐到地上。

「…再暪已經無意義，主任。」

他看看我們，嘆了一口氣。

知道他屈服後，亞娜高速收拾物件，重接電腦，似乎也是受過訓練，不用五分鐘已經打回了原狀，她按著起伏胸口坐下：「頭先…唔好意思，我細佬…我得返呢個親人，我由中學同佢相依為命到大…」

「得啦得啦，明白既。」主任說。

「咁到底係點。」我沉聲說，「一係你自己講，一係我自己查，獅子山伯爵既承諾係絕對，我唔會放過害亞娜或者佢屋企人既人渣。」

「唉…又唔係我，都唔明點解要我做醜人…」

「講啦仆街！」

主任看看我道：「之前你開出三百萬賞金既時候，的確好多人湧黎驗，雖然機率細…但係咁多人黎驗既情況下，最後我地搵到三個人合適。」

「人呢？！」

「但結果…唉，搞到好麻煩。」

「即係點。」

「本身已經可以通知你地，但係化驗個邊突然話實驗室唔合格，結果有錯，所有結果都要推翻。」主任搖頭說，「負責既人又突然被人去外國調職，移民之類，份報告掟黎掟去。」

…似曾相識。

「搞到黎，個三個人既骨髓已經配對到目錄上既人，捐左俾佢地。」主任嘆一口氣說，「可能你地都感覺到…背後有人搞事，有人針對緊你細佬…我唔知係咩人，但佢有咁既手段，咁既勢力，咁既……權力。」

主任搖搖頭：「我都覺得對你細佬唔住，但係…我地一間醫院，真係做唔到啲咩。」

亞娜的手在抖震，語帶咽哽：「泰…泰思…」

我深深地抱住她：「亞娜…」

還能說甚麼呢。

「亞娜…對唔住…」

還能做甚麼呢。

「嗚…嗚…」亞娜哭過不停

是我弄成這局面，是我把他引來……把費勝嵐引來。

那麼我就有責任了：復仇。

結局篇之一：以救贖之名

完

結局篇之二：以摯愛之名

可能要開到POST3

條死費柴

一定要報牛

之後聯絡八間大學既校長同醫科既院長，我要組成委員會，索取報告…

呢段吹大左
不過其實都明顯知係邊個搞鬼

都係大鳩佢

費奸其實係幾時開始插手又阿娜細佬件事？