［鬥智］ 【獅子山恩仇記】(二) 天地無正氣，有錢有天理

問得好

入戲肉了

一直都係戲肉

都話一早揀B
費佬死咗未一齊BBQ 3P
肯定費佬查到係亞娜郁手殺佢
但因為背後有伯爵而唔可以明刀明槍
所以先喺背後出招搞亞娜
扮唔關自己事

咪撚on9啦
阿娜真係殺咗費佬,
即係摧毀咗佢嘅人生目標,
兩個嘅關係都一定返唔到轉頭.
相反佢老婆如果用費佬影響力,
知道泰思同佢老公嘅死有關,
分分鐘會幫佢老公(同佢仔女)復仇,
到時泰思無咗阿娜,
都唔知頂唔頂得順...

等今晚

今晚夜返，我盡力

有道理

由於今晚太夜返屋企我宣佈停文

而聽日原定既停文會取消, 所以聽日係有文的

推

推

結局篇之二：以摯愛之名

利教授曾說過，推理有三大方向。

Whodunit—找出相關人物。
Howdunit—找出犯法手法。
Whydunit—找出犯案動機。

但是我眼前的問題卻不屬三者任何其中，人物是費勝嵐，手法是他的權力網，動機當然是我的敵意。

問題重點在於犯罪時機：Whendunit.

為亞娜弟弟尋找骨髓是我第一次見他後，那是亞娜成為我私人助理後初期的事，但是第一個匹配者出現是我把即將唐老板收拾掉那時間。

我記得在唐老板崩潰的前夕，費勝嵐來找過我。

一開始是化驗結果被吹毛求疵地反覆確認，次數多得離奇，而當時下達要求的高層已去了英國。

把事情搞砸再一走了次，手法還是很官僚的。

從那時開始費勝嵐就知道我的真正身份嗎？

......那時，不就是我為了梅黛琪不自殺而坦白身份？

「八婆...!」

那麼可以確認她是仇人了吧！！

不論是當年對我就手旁觀，還是這樣害亞娜，更別說她有重大嫌疑，可能是直接害我入獄的人之一！

好一對狗男女！畜生！！

但是...現在不是尋仇的時候。

亞娜的弟弟已經是彌留狀態，長期昏迷，臉上的氧氣罩被白霧覆蓋又褪去，發出「呼......嘶......呼......嘶......」的聲音。

「細佬...」亞娜近日也以淚洗臉。

本身可以把他送到外國，但是已經太晚了，他捱不住舟車勞動，也不會撐至配對到骨髓。

錢不能解決的問題實在太多了。

「亞娜，你地冇其他親戚？」

「...無。」她黯然說，「醫藥費...太高。」

假如有關係，就代表要分擔責任和支出吧。

亞娜竟然一個人撐過來。

可能我真的沒有亞娜堅強。

「...我同我細佬，彼此都係得對方。」

「傻女，你仲有我。」

她把臉靠到我胸膛，我感覺到她每一下強而有力的脈動。

突然。

「好肉麻啊你兩個！？」弟弟突然坐起來說。

甚麼情況！？

「細...佬？」亞娜眼角的淚痕還沒乾，只是看著目瞪口呆。

「睇黎你兩個終於唔扮啦，家姐...伯爵。」他把氧氣罩扯下來深呼吸說。

「你見點？！ 你，你，你點解會...」

我心頭卻是一沉。

「我ok， 暫時，不過…」他幽幽道，看樣子似乎也知道自己是怎麼一回事。

「我...我叫醫生黎！」

「唔使啦，佢地都做唔到啲咩。」弟弟說，「呢班人講就天下無敵！」

「咁...」

「家姐，我想食梳乎厘，你今晚會唔會買返黎？」弟弟說。

「今晚…？啊！我即刻去買！」

「咪傻，陪住佢。」我放下手機道，「菁婷黎緊。」

「好...」

「家姐我想出去花園睇下。」

「但係你唔可以離開呢間隔離房，你既抵抗力...」

「家姐，仲有分別咩，事到如今。」

亞娜為之一呆後點點頭，並推來了一張輪椅。

這麼多年來，亞娜與弟弟第一次離開那病房，外頭的北風今晚也識趣，只是柔和地吹撫大地，月亮在雲層後若隱若現。

「細佬你凍唔凍？」

「凍啦，不過呢種風始終同冷氣好唔同...好舒服。」

亞娜含著一泡淚水說：「第...第時你好返，帶你去四圍吹風...仲舒服架...」

「...加拿大湖畔牧場啊，聽落都覺得正。」

亞娜告訴了他呢。

「嗯，到時你可以同阿布一齊玩...」

「我仲未見過佢…一定好好攬。」

不知道是我說過他，還是他到了其言也善的時刻，他不再口出惡言。

亞娜說過...在他確診前，他本身的性格就是這樣。

「之前...對唔住，伯爵，家姐。」他在月色下回首道。

「我地，我地無放係心架，泰思可？」

我點點頭：「嗯，我唔係咁記仇既人。」

亞娜是特例。

醫生和護士在旁，似乎隨時過來搶救，大家也明白亞娜的弟弟正是在迴光返照。

「咁就好～既然無俾人記恨，我放心唔落既事就只有一件。」

「係咩？只要係泰思既話...即使係咩都好，一定都有方法...」

「就係你啊，家姐。」

「嗄？」

「阿爸阿媽之後，又到我...我驚家姐你頂唔順。」他很有自覺。

其實他自己也知道吧，自己在迴光返照的這事。

「我！！我頂唔順架！」亞娜崩潰，「咁你唔好走好唔好？留係度陪家姐好唔好！？」

淚水崩堤瀉下，亞娜捉住弟弟道。

「我...我都想，但係我已經綁住左你差唔多十年......對唔住，家姐。」他說，「我仲害到阿爸阿媽...」

亞娜的父母因為把這病遺傳給兒子而受他怪罪，最後自責而跳樓身亡。

在亞娜面前。

「我無怪過你...我無怪過你...」

「但我有。」他說，「我最缺既係時間，但係呢度最唔缺既亦係時間，我諗左好多...自從個次見到伯爵。」

他望向我：「我個時唔應該咁話阿爸阿媽...佢地都唔想俾呢個病我，我等陣就同佢地道歉。」

等陣嗎。

「佢地一定唔會怪你...」亞娜抱著弟弟說，但是他卻是咚一聲摔倒在草地上。

「嗄...嗄...」他在氣喘。

多啦菁婷…不，菁婷出現，交了一個外賣飯盒給我，身上還穿著騎電單車的皮衣。

「細佬！」亞娜連忙扶住他。

「啊…我聞到香味。」他望向我。

「……黎，你口味同你家姐一樣呀。」我拿著梳芙厘走過去。

「細個家姐買返黎俾我食。」弟弟說，「所以就開始變得期待……呀～今晚家姐會唔會買返黎食呢～漸漸就鐘意左食。」

「我見到細佬鐘意食，我都開始左鐘意食，其實唔係味道…係因為我食既時候總諗起我細佬細個個時個開心樣。」亞娜又哭又笑地說。

二人坐在草地上，看到天上一輪晈月，好像回到小時候似的。

姊弟之間再無怨恨，對命運的哀嘆也被晚風吹散，甜意在草尖之間瀰漫。

「伯爵。」他看著我道。

「嗯？」

「呢十年以黎…我害到我家姐好辛苦。」他說，「之後既日子就靠你。」

「……」我無言以對。

「佢話你身體都唔好，我唔理你，伯…鄧泰思，你唔準死。」

「我都想啊。」我苦笑。

「我唔係同你講笑，正如頭先你係病房講…我家姐真係得返你一個，你唔準死。」弟弟道。

「你唔會有事架細佬…」亞娜抱住他道。

「我知道自己點解突然落到床…我已經睇唔到野啦。」

「下？！」

的確，亞娜弟弟雙眼正看著一片虛空，根本不是對焦任何物件。

「所以…你要應承我，伯爵，唔好死，唔好死，唔好死…」

我握緊拳頭，強忍淚水：「我應承你。」

反正我還沒打算與費勝嵐同歸於盡。

「你既復仇或者就係你既餘生。」他氣若遊絲地說，「但係我家姐既餘生…就只有你。」

亞娜看看我，又看看弟弟，手忙腳亂。

我蹲到二人身邊：「交你家姐俾我，放心。」

「對唔住…我之前咁…對唔住…我依加咁…阿爸…阿媽…你地黎左啦…家姐佢識左個有錢人…哈哈…佢今晚都買左梳乎厘返黎呀…」

他連坐著也沒力，倒在亞娜懷中。

「一路好走啦…細佬…我救唔到你…同阿爸阿媽一樣…我又救唔到…係我對你地唔住…嗚嗚…」

不，錯的不是亞娜。

也不是她弟弟。

大概是我。

還有姓費的。

…三個姓費的。

和一個姓梅的。

「家姐…伯…姐夫…家姐…姐夫…」

在最後，他叫了我姐夫。

我終於又多了一個家人。

醫生護士們想沖過來，但是被菁婷擋住，因為他需要的不是甚麼強心針，心胸復甦，而是安息…只是安息罷了。

活著是很累的。

亞娜和她弟弟特別累。

不要緊，他和亞娜也能休息了。

沐浴在月光下，亞娜好像小時候照顧年幼弟弟似的哄她入睡，也許有點頑皮，說話不分輕重，但是即使怎樣也好，亞娜也會背負著這份重量到盡頭。

—————————————————————————

當日抱著的殘軀，現在是今日亞娜手上的一個小瓶子。

「呂雅鈞」，這名字將會伴著我與亞娜直到最後。

「多謝你地今日出席…」

話雖這樣，但出席者其實不多，始終亞娜和我也沒太多朋友，弟弟生前也長期住院，也是沒有朋友會出席他的告別儀式。

列席者有賈姑娘，林牧師，文俊，郭老師，Jesscia，菁婷，還有幾個亞娜的朋友和同事，後援班的人們，連方主任也來了場面還是這樣冷清……除了仇人外我們原來這樣寂寞嗎？

「節哀順便，亞娜。」

「多謝。」

這樣的對答在重覆，我帶著墨鏡站在亞娜旁邊，牽著她的手。

有一家人出現。

「黎遲左，唔好意思。」

四個人，統一穿著黑色西裝和禮服。

「亞娜，節哀順變。」梅黛琪說。

「有咩幫到手既同我講，亞娜。」費勝嵐說。

「Edmond叔叔，好好照顧亞娜。」Fiora說。

「節哀。」徐柏榮道。

亞娜沒有說話，然後把手探向了袋中。

出完呢個故都係抖一排先

文

呢篇有洋蔥

景瑤都冇去？

佢應該仲係休養緊啦....