［鬥智］ 【獅子山恩仇記】(二) 天地無正氣，有錢有天理

咁去到外國都OK既
要寫返個種掙扎

WELCOME~

每個細節都係諗過

以下放開舊讀者分享舊故進入結局篇後既感想同心理創傷
好似有人睇完透唔到氣又有人睇完要睇返其他故釋懷

幫大家做定心理準備先無事既, 希望
雖然依加個故同當初諗有出入而且唔細
亞娜你做乜鳩我幾時寫過你會咁做，我點收科

睇咗你個故,
有興趣開坑睇"基度山恩仇記"

但為咗唔想自己被劇透,
所以要喺呢個故完咗之後先會開始睇

應該唔會，除左主要架構「逃獄」「復仇」「前情人」「前情人之子女」等等之外，情節細節上都完全唔同

另外原著真係好好睇，我睇完覺得相逢恨晚，真係好好好好睇
你叫我諗邊本小說好睇過佢真係諗唔出

出完主連載再出副連載
依加見到鍵盤想嘔

推，等今晚。

推推推推推

Push

作者是不是每晚發表情符號就開始寫？

一星期五天，這樣集中精神幾個鐘，其實半職工作（甚至某些hea的全職工作）都是差不多。

係, 自推一野再寫

我都受你個故影響睇緊原著
但睇得明哂要有好多唔同歷史文化知識先得
同埋我唔太鍾意佢一個人講野勁長，對方又回勁長
我睇英文書少覺得好難睇

對唔住我係睇中文...
不過原著係法文黎, 中/英都翻譯過

我知原著係法文
最近學習下睇英文書，反而中文唔係好想睇
英文版都成日有呢幾個法文出現Monsieur, Madame同Madamemoiselle

第三十章：鋼鐵的決意

我飛快地換過衣服後，醫生走過來勸我不要這樣自行出院。

「廢話少講。」我道，「走開！」

「咁樣你會死。」醫生也不轉彎抹角了。

「亞娜有咩事既，我寧願死！」

利景遙把電動車駛過來，我聊著電話坐上去：「勝嵐佢依加係邊？」

電話的另一邊是梅黛琪。

「呃…佢行程唔講得你知，泰思…」

「佢會想見我。」

「定係我問下佢？」

「嗯，啊，幫我帶一個口訊俾佢。」

「係？」

「Alud.」

「呃…咩黎?」

「照讀就係，佢會明。」

Alud，在西班牙語中即是「雪崩」的意思。

車子駛出，利景遙說：「真係連解釋都解釋一下…」

「好啦，我遲下會解釋，專心渣車，同埋快少少？」

「已經好快！」她說，「你估個個都渣到亞娜個種速度？」

…亞娜…

電話響起，費勝嵐。

「係邊。」

「遊艇會。」

「即到。」

廢話不少說，費勝嵐以為我要去找他商量雪崩公式的一事吧。

「呃…遊艇會點去?」利景遙問我。

「我點知啊？！」我平時也是她帶路的。

「咁你就唔會講咩即到啦！」利景遙反罵我。

「…我平日太習慣亞娜，等陣，我開導航。」

打開地圖程式，結果太久沒開了，需要更新…過了一會兒更新完成後，通往遊艇會的路才顯示在手機上。

希望趕得上。

不，是一定要趕得上！！

電話再次響起。

「喂?」

「呢度係瑞士銀行…」

「唔需要啊！」沒想到這時候還有電話打來問我要不要借錢？！

「真係唔需要？」電話對面的女聲道，「開路服務。」

「嗚～～～～嗚——嗚～～～嗚———」

警笛響起，三架車子上面放著警笛，亮著警燈爬頭！

「鄧先生，我地會護送你到遊艇會。」

「你係…唐老板個新助理？」

當日在水道橋大堂和亞娜舉盾迎擊徐乞兒那個。

「我叫菁婷。」蜻蜓…不，菁婷說，「依加暫時返返銀行由低做起，係亞娜小姐既後援小組，由今朝開始亞娜小姐既電話就關機，身為助理，係絕對唔可以關機。」

「你點知我去緊邊？」

「因為呢個地圖帳戶係亞娜小姐俾我地支援你用既。」

多重登入嗎？

「所有交通燈將會轉成綠燈，你只要跟住我地既車去就可以。」菁婷說，「亞娜小姐一向都好優秀，佢咁樣熄機一定係有事…今次…請你幫我地保護佢。」

「當然。」我下定了決心，別小看我與她同等堅定如鐵的意志！

「多謝你，另外…早晨，利景遙小姐，定叫你利律師？」

「你點知我係度？」

「車牌查冊。」

我苦笑：「班助理就係咁神通廣大，放心踩油啦，景遙！」

電動車即使加速也是這樣安靜，車外風景往後高速後退，我們沿海岸線到達遊艇會，獅子山在對岸遙望這邊。

「好…快…」停車後利景遙好像驚魂未定似的。

「我地唔方便入去。」菁婷把車子停到我旁邊，拿著電話在駕駛座的玻璃後向我揮手，「我地隨時會支援你。」

「嗯。」

下車。

「泰思，手杖！」

我接過景遙扔給我的手杖，和她走向遊艇會。

和她？

「喂你留係度，有危險。」

「我知。」她與我刷肩而過，話說她根本沒會員資格吧。

我反一反白眼，這女人和利教授口中年輕的自己一樣就是個混蛋。

亞娜接受過的訓練之中包括不少軍事項目，如果她要成為一個傭兵也是毫無難度，畢竟不少老板都是中東那邊比較亂的地區。這樣的亞娜，即使權力不如費勝嵐萬份之一，但是只要是費勝嵐是血肉之軀，她要殺掉也不是甚麼難事。

當然，後果將會毀掉她。

「歡迎你，伯爵，呢位係你朋友？」侍者躬身道。

法老號也停在這兒，亞娜要進來是輕而易舉的。

「呃算係，亞娜有冇黎過？」

「…呂雅娜小姐…今日無黎過。」櫃台小姐操作電腦查詢系統。

潛入嗎。

「嗯，我約左費先生。」

「係，有交代過，佢已經開好在ＶＩＰ房等緊你，呢邊請，伯爵。」

遊艇會其實說是以遊艇為主題的會所會較為貼切，會員會在這兒吃飯聊天，據說不少官員和商界之間的摸底會面也在這兒進行，當然還有桃色飯局，不見得光的約會之類。

才不只是一個碼頭。

「鄧先生，我地可以警告遊艇會提升警戒。」菁婷說，「咁樣亞娜應該唔會有事。」

「絕對唔可以。」

「但咁做係最好。」

「唔可以就係唔可以。」

「…明白。」

這個菁婷是甚麼機械人嗎？

唉，我好想亞娜。

我好掛著她的那種乖巧和人性。

但正因為這種人性…可能會害到她。

我也知道我一通電話警告費勝嵐，馬上幾隊飛虎隊也會出現保護他，但是這等於告訴他我的惡意和亞娜的意圖，即使她沒有出手這也會毀了她。所以，我需要的是在費勝嵐沒發現的情況下，把亞娜制服，瓦解她的意圖。

真的能嗎？我可以連１２％計劃也沒有。

由侍者帶路，走過富麗堂皇的大堂，大理石鋪成的旋轉樓梯和水晶燈，費勝嵐在三樓。

「仲有冇咩人知道佢係度？」我試探地問，「我地既見面…要低調。」

「請放心。」侍者道，「遊艇會既保密功夫係得到大家既認可。」

「…你咪知道。」利景遙說。

「因為我係當值者之一。」侍者說，「客人所在位置要登入先睇到，可以登入既人只有當值緊既人，亦只可以用接待處既終端機。」

「咁客人要咩…例如外賣之類既話點算。」利景遙問。

「只可以送到黎接待處，然後再由當值既人送上去。」侍者繼續說，「例如我今晚１０點放工，我就唔知１０點後咩房有咩人係度。」

聽起來還不錯。

但是知道這機制的人，也包括亞娜。

可唔可以乞多2個正皮

聽日可能有選擇點, 如果去唔切就星期六

想撳多幾個俾你

btw艇會其實幾公廁阿豬阿狗都入得

期待結局篇。

睇嚟唔受控嘅角色又出現