［鬥智］ 【獅子山恩仇記】(二) 天地無正氣，有錢有天理

暫時唔想寫系列住

請問下大家想要費勝嵐個種呼風喚雨既權力，定泰思個種財可通神既財力？兩樣都好吸引　二選一

財力啦 有錢使得鬼推磨

連飛曱甴暫時也不會出動

權力財富分到家咩不過梗係要財力 依家社會權力有約束 財力無上限 有錢自然有權
專權地方就調返轉有權先有資格有錢 冇權啲錢隨時化為烏有

真係要睇制度
喺共產國家，有權先係王道

共產國家有錢無權只係韭菜

高血壓

連杯咖啡都係伏筆

隔咗段時間重新追到live

pish

今晚精神呀精神

是晚早文

醒後十分鐘，醫生來到我面前，即使是私家醫院他似乎也很緊張我。

很嚴重嗎？

為甚麼亞娜這樣驚慌，一直冷靜的她很少這樣。

「問你少少野黎判斷。」醫生他拿出文件道。

「嗯。」

「成日飲咖啡？好似仲係齋啡？」

「我…」

「係！一日四五杯！」亞娜搶答。

「試過長期食唔清楚既食物，飲唔乾淨既水?」

「我…」

「係！佢係菲律賓個時無正常野食！食左個啲污糟野十幾年！」亞娜好像個想得到老師讚揚的小孩子一樣，除了她正牽著我的手眼角有淚花正在晃啊晃，聲音帶著哭腔。

「飲酒呢?」

「每晚一，兩杯，有時應酬就再多啲，有紅酒同威士忌！！」亞娜超緊張。

「鄧先生你長期精神緊張？好大壓力？」

「…呃…係！佢係！」亞娜避開原因。

「嗯…咁無錯啦。」醫生道，「鄧先生，你知唔知自己暈左之後噁過血？」

我嚇得望向亞娜，這時我才發現她身上有少許血跡。

「…咁我係咩事?」

「首先係胃潰瘍。」醫生解釋，「原因有好多，但最主要既原因係幽門螺旋菌感染，但事實上世界上有超過５０％既人消化系統都帶呢一種細菌。」

「首先」—我心中一沉。

「咁點解泰思會…」

「原因有好多，我相信第一係過多咖啡因攝入，咖啡傷胃你聽過架啦，仲要齋啡……至於第二係酒精，第三係精神壓力。」醫生解釋，「事實上精神壓力對於胃黏膜既影響比你地想像中大，鄧先生已經去到極為嚴重既程度，因為消化道大量出血而休克已經係好嚴重。」

亞娜吞一吞口水:「有…得醫?」

「咁都有，我會開制酸劑同埋抗生素，但係都要靠鄧先生自己。」

「靠我?」我指著自己。

「同頭先講既一樣，精神狀況對於胃黏膜既修復有重大影響，另外亦要靠鄧先生自己戒酒，戒咖啡，防止疲勞，注意休息。」

「……」我沉思，這樣子的話不就代表，復仇計劃要暫停嗎?

「佢會架啦。」亞娜幫我答應。

「除此之外，飲食要定時定量，呢段日子要食易消化既野，唔好食辛辣重口味既野，有氣飲品都唔得。」醫生再補充。

「好。」我無力地點點頭，戒口我沒問題，但是…精神放鬆?

有放鬆地復仇的方法嗎?

「呢個係鄧先生嘔血暈倒既第一個原因。」醫生把手上的文件翻頁。

第一個?

「因為睇到既生活習慣，醫院抽左血做檢查，發現鄧先生你既肝酵素極高。」

肝酵素過高…利教授說過。

簡單來說就是人體肝臟中有肝酵素，當肝臟受損有問題，肝酵素就會釋放到血液中，濃度愈高，受損程度愈嚴重。

「雖然係其他人身上少見，但係鄧先生你既胃潰瘍仲有一個原因。」醫生嘆一口氣說，「肝硬化，肝硬化係會引致胃潰瘍。」

亞娜好像臉色變成鐵青，吞了一下口水。

「鄧先生，你覺得既胃痛事實上係上腹痛，即係食道靜脈曲張，嘔血亦因為呢個原因，除左胃潰瘍之外仲係因為肝硬化引起，你係咪覺得自己食慾愈黎愈低，開始瘦，臉黃？」

亞娜看著我，我點點頭。

「肝硬化係一個症狀，原因係你體內既乙形肝炎病毒，原因可能係你媽媽本身係帶菌者，係你細過六周歲既時候感染，並變成慢性感染。」

亞娜說:「但係唔係打左針既咩？！」

「香港係１９８８年開始引入乙形肝炎疫苗，但睇返鄧先生既歲數…佢應該冇打過針，不過，香港其實有十分一人都係乙形肝炎帶菌者。但係—」醫生望向我，「由帶菌者變成肝硬化既原因，就好明顯。」

「都係飲酒咖啡個D架啦，唔使煩我，醫生。」我無力地說。

亞娜急切地問：「有冇得醫？」

「無。」我和醫生異口同聲地說。

亞娜好像差點昏倒。

肝硬化沒有治本的方法，只能停止繼續惡化。

即使透過藥物消除引發肝炎的病毒，但肝硬化也是不可逆轉的，這是利教授教我的，似乎他也預視到我們在菲律賓那監獄渡過這樣長的日子，身體也不會好得去那兒。

「令鄧先生由慢性肝炎變成肝硬化，除左本身既病毒之外，原因都離唔開飲酒，咖啡因，而最大問題係精神壓力，長期緊張。」醫生說，「所以都係個句，放鬆心情，放下壓力。」

我自知這不易做到。

「醫生，我情況去到點。」

亞娜擔心地看著我，明顯猜到我想在容許的範圍內繼續復仇。

「睇返你情況，鄧先生你已係中度，你如果繼續現時既生活習慣，不出一，兩年就會變成肝癌。」醫生凝重的看著我，「到時，一切都太遲，第三期肝癌五年存活率只有8%。」

「……」亞娜不發一言，只是緊緊牽著我，生怕我隨時消失一樣。

「記得，戒酒戒咖啡，飲食有規律，放鬆心情，，放鬆心情，放鬆心情。重要既野要講三次。」醫生一邊說著，一邊離開我的單人病房。

這個問題，不只思考過一次。

我得到了獅子山寶藏，成為獅子山伯爵後我可以過上衣食無憂，榮華富貴的人生，和亞娜環遊世界，直到玩厭了這世界後找個她喜歡的地方安定下來，生兒育女。

她夢想是加拿大的湖畔牧場。

但同樣地，我也可選擇向昔日的仇人們發動復仇，使他們為當年的惡行付上沉重代價，使他們家破人亡，傾家蕩產，最後在絕望和痛苦中渡過餘生。

道理我是明白的，過去與未來的對立，釋懷與復仇的對立。

我天真地以為可以魚與熊掌並得，在復仇後再與亞娜雙宿雙棲，結果現在命運重重的把我諷刺，我就像橋上看著倒影的小狗一樣，不但得不到眼中的骨頭，還連自己口中的那扔到河中。

只剩下失敗可悲的自己。

魚與熊掌，不可兼得。

現在，對立更明顯了，我有的選擇和時間比想像中少。

「泰思…」亞娜擔心地看著我。

「放心，亞娜，我唔會俾自己有事。」我強顏苦笑。

亞娜輕輕把頭靠在我胸前，我擁住她輕撫她的秀髮：「戒咖啡戒酒，再食健康啲啫，無難度啦。」

「…咁復仇呢?」亞娜帶著哭腔說。

「……」我沒法作答。

「泰思…求下你。」亞娜說，「我唔可以無左你，我唔想只係同你過咁少日子。」

「所以我要放棄復仇?」我說，「任由費勝嵐繼續過佢既天倫之樂?咁我個十幾年算係咩？」

「你…你唔好嬲先。」她看到我這樣緊張，馬上著我放鬆。

亞娜真的好怕我會死。

「泰思，就算你報左仇，害到費勝嵐死全家都好，你個十年已經過左去…」亞娜的淚水奪框而出，流過她的臉蛋，再沾濕我的病人服。

「但係未來日子，係我同你一齊過架…」

「……」我沒法反駁，但是心中仇恨的怒火卻還在。

我沒法忘記自己在監獄中只能靠月亮計日子的感覺。

我沒法忘記自己在冰涼的床上渡日如年，費勝嵐卻高床暖枕地抱著我曾經的未婚妻入眠。

而且我身體的毛病，也是因為監獄中拜污染的食物和水源所賜。那些冷飯中有沙粒，水中有尿騷味，水桶的木板上有蟲子，肉和菜是酸的司空見慣。

害我到那兒的人，正是費勝嵐。

我沒法放下這份仇恨。

「亞娜，你返去休息先啦，阿布要你照顧。」

「唔制…」她賴著不走，「我唔知…仲有幾多時間可以同你一齊。」

「咪講到我死硬先得架。」我安撫她，「胃個邊食下抗生素就無事，肝個邊唔飲酒唔飲咖啡就得啦。」

「問題都唔係呢度…係你…你一定唔放棄。」亞娜絕望地說。

「…對唔住，亞娜。」

「你就唔可以為左我放棄？」亞娜仰起頭看著我，「我地可以忘記咩費勝嵐梅黛琪唐老板，去外國從新開始。」

「你唔明點解我忘記唔到，因為你未經歷過我既痛。」

「泰思…俾D時間自己，去到外國你就會慢慢忘記，慢慢釋懷。」她擠出笑容說，「依加係度梗係唔得…你諗下，去到之後我地朝早起身可以同阿布係草原散步，去個湖度釣下魚，牧羊，放牛…你識唔識騎馬?我可以教你騎馬呀。」

「…」

我沒有拒絕，也沒有答應。

「亞娜，我好攰。」我放開懷中的她道，「我唔想應承完你但又做唔到。」

「獅子山伯爵既承諾…係絕對既。」亞娜喃喃自語道。

「係啊，所以我唔可以隨便應承你。」

「你放鬆心情先，泰思。」

我打蛇隨棍上:「咁我想訓教…無咖啡飲好眼訓。你真係唔返去?」

「我係度陪到你訓著先…」

「ＺＺＺＺＺ」

「唔準扮訓。」

「咁都睇得出?」

「梗係。」她輕彈我鼻子說，「我陪到你訓著就返去。」

「嗯。」

這晚的夢境是一個湖畔的牧場，亞娜也在。

第二天開始服藥，開始留院觀察，亞娜每餐也會煲來軟棉棉的粥和可以護胃的牛奶，醫生說在胃潰瘍康復前也盡量吃一些易消化的食物，亞娜也為我找來了營養師，本來她還想找來心理醫生，但只是被我一口拒絕，我們也因為這樣吵過了一架，但她第二天還是準時的帶著暖粥來到病房。

「話說你唔使探你細佬？」我一邊吃一邊問。

「要呀。」

「但你日日黎既?你唔使放假?」

「…我就算放假都會黎睇你。」她裝生氣的樣子也很動人，「你明知我地唔只係老世同助理…咩放工放假…冇分別…」

胃潰瘍的主要起因是幽門螺旋菌和我喝太多咖啡，所以服用抗生素和戒咖啡後進度還不錯。

「玩緊咩？」因為要我放鬆心情，亞娜不準我玩手機，連文俊報平安也改為向她報告。

「數獨。」

戒咖咖啡不如想像中輕鬆，偏頭痛襲來，而且整個人沒精打采的，還有點焦慮的樣子，但亞娜說不行就是不行。

而且我明顯專注力變弱了，這數獨如果是以前我五分鐘內就能解完。

「亞娜，一杯啦。」

「唔！得！吼！咬你架！！」拿著自己喝的亞娜連碰也不給我碰。

亞娜為我帶來了戒煙貼，利用戒煙貼內的尼古丁當是鎮靜劑使用，貼了後的確好過一點，但我的確沒法回到一天幾杯齋啡的集中力和思考速度。

「泰思，你諗成點?」亞娜這天又在套我口風。

「呃…」

「你睇，原來加拿大有三萬幾個湖啊～」亞娜手上多了旅行社小冊子。

「我…」

「其實阿布係阿拉斯加雪橇，加拿大咁凍岩佢多D！」亞娜竟然牽了阿布過來？！

「亞娜，其實我…好啦，既然係咁…」

「原來你住左院啊，唔通知聲?」一把男聲把我打斷，然後費勝嵐走進來，身後的是梅黛琪，費柏榮，Fiora.

真係咁早，Happy Friday

都做到呢一步 費勝嵐都開始alert主角
就算呢刻話唔玩移民佢都有本事搞死你
幾大都要報仇落去 因為唔報唔代表無事

打交

除非主角擁有足以令費柴都需要顧忌嘅力量