【持續更新】經典男裝（皮鞋、西裝、皮件）討論區（44）

咁可能是大家接觸既群體唔同

香港主要因為熱, 唔係個個都係返office 工
恤衫加件linen jacket 已經可以熱到仆街
除非真係好中意著衫襯衫
香港人遲D可能進化到玻仔咁著短袖恤衫返工

秋冬十幾度嗰陣咪又係咁

近幾年, 秋冬香港後生男仔好似著得四正好多
起碼無咁多人著波鞋出街

覺得赤腳著loafer 仲c服過著波鞋，又方便唔洗綁鞋帶

銅鑼灣一街都係運動鞋喎

唔係指自己d fd, 我大毒撚冇女仔fd, 點同牛巴比…

赤唔赤腳都係loafer 屌打波鞋啦

當然天氣係個好重要既因素，但我覺得主因並非如此。

冬天香港普遍15－20度，真係凍過15度既日子應該一個月都唔夠，但你睇下d人買moncler同canada goose咪又係咁買；唔打波的照著波鞋，唔跑步的照著跑鞋，比比皆是。天氣、實用與否從來都唔係一個人著衫既唯一原因。

如果你講天氣熱，大家怕熱會出汗，咁不如連頭都唔好gel，牛仔褲都唔好著吧啦，牛仔褲不見得比較平，亦不見得比較涼，一樣一街都係唔係咩？買一條桃太郎既錢，都夠你去DB做條chino啦。

Classmenswear其中一個得意之處，就係佢去到每一個不同國家，都會因應當地既天氣、民情而產生出新既變體，每一種唔同既style，當初其實都係來自於實用性既考量。點解polo要翻個領上去？因為打馬球時要防曬傷條頸；點解獵裝咁多袋？因為到打獵要裝彈藥；點解country style成日用tweed？因為野外活動時要保護身體不被有刺植物刺傷，同時保暖；點解safari係做無結構同淺色為主？因為熱帶打獵時好熱，但又同時要有野遮擋去防曬。政府麻告都有教，去到野外應該著淺色長袖衫褲預防中暑。

番番黎香港人既生活日常，去行山怕曬親條頸，點解唔著條薄既polo？出街同女仔約會帶多件褸，點解唔可以係西裝褸而係運動褸？人地女仔都要顧形象，你拎件啊伯褸出黎，人地就算凍都未必肯著，但換個情況，我同我一啲其他會著blazer既男仔朋友，基本上入親戲院／冷氣大既商場，如果隔離係女仔，都會問我地可唔可以著我地件褸；又或者當你一枝公出街，點解唔著件多袋shirt jacket（3pb／safari／field jacket大把選擇），唔洗帶袋之餘又有袋放野，點都好過你塞晒鎖匙、車匙、銀包、手機落褲袋成個大屎忽咁，仲要唔舒服。

例子要幾多有幾多，classic menswear係咪真係咁落融入生活？我唔覺。係咪著左一定會俾人問你係咪去飲？好肯定唔係，呢個純粹睇你點著，無人叫你下下都要full suit。其實只要花少少時間去睇多d ig，睇下人地點著點襯，就會發現呢d刻板印象其實都係笑話，，至於點樣先可以套落自己度，都係靠睇多d、著多d，實踐中學習，無人一出位就係大師，每個人都係咁一路慢慢學習番黎。
我每日出街換衫既時間加埋沖涼都唔會超過15分鍾，要well dressed其實真係唔係咁難的。

講到尾都係想與唔想既問題，就女似女仔化妝set頭襯衫咁，唔同佢地又真係好得閒咩？佢地想睇落靚d，吸引d，自祭就會花多d心機時間落去。男人都係一樣，你想睇落去好睇d吸引d，就要花心機同時間去慢慢學架啦。我唔知係咪d傳統痴撚線觀念教人話男仔唔洗咁姿整，搵到錢就會有女blablabla搞到今時今日咁，但事實上好明顯唔係，如果唔係點解成日有人呻搵到錢但係無女？又點會有人呻俾d女俾d mk食晒？

即使件事本身幾好都好，只要你懶、唔想做，你就會搵一百萬個藉口俾自己話唔需要、唔適合；叫你做運動係岩既，做完個人精神d身形又會好睇d，最少唔會突個大肚腩出黎，但又有幾多人真係會聽，日日做運動？

唔洗搵咁多藉口的，你想做既野幾困難都會去做，更何況件事本身就唔係真係咁難，純粹睇你想唔想。

好少行銅鑼灣

Classic menswear 唔淨止得西裝。你出海船P都可以著麻恤、草鞋、seersucker短褲架，不知幾好睇，香港都見有人咁著，意大利就直頭成堆，無話無場合的。

定你prefer好似d大陸佬咁背心短褲人字拖一疊銀紙掉落地叫啲拜金人士腿張開？

好有心機，正皮先
其實而家連登 ig 既資訊咁發達，都慢慢多左人留意同嘗試

"麻恤、草鞋、seersucker短褲"同意近年多人著啊
我話天氣熱係回返上面講blazer, sport coat
我上星期著knit tee, 牛仔褲加件blazer去食飯
件外套已經熱到頂唔順用手揸住, 去到都俾人問咁熱仲著外套

牛仔褲熱就梗架喇，你件blazer係點架？其實食飯都要睇去邊，你去五星級酒店食飯，人地都一定要求長褲（有時要埋褸），鞋不能露趾；咁你落大排檔食飯唔會咁著架嘛。

自己因應番自己生活環境、習慣囉，如果只係casual食個飯，麻質過頭笠加條linen褲同loafers得啦，入冷氣地方食飯咪帶件shirt jacket囉，唔係一套著到老架嘛，會因應環境去揀唔同衫著架嘛。

都要睇自己忍受程度去揀著咩，唔著外套，齋係恤同chino 都已經好好睇

日日翻工都係Shirt 同Chino
由第一日翻工被人問係咪去飲著到依家見慣不怪

到底你番咩工啲人可以咁長氣呢個問題我好似無俾人問好幾年了

去普通居酒屋之嘛, 個日都係著件普通barena blazer
求其過求其

不過我同意你講就係貪靚就唔怕熱
但香港夏天真係太熱, 令到唔貪靚既男仔抗拒打扮
外套佢地寧願outdoor 風褸, 又擋雨又好收埋
宜家雨季我都諗著harrington jacket 擋下雨會唔會都太熱

普通Office工
岩岩翻個陣比唔同同事問左成星期，依家睇慣左就冇問了
但係加件Sport coat 都仲係會問收工去邊玩

利申公司做細，冬天照著sport jacket，大老細們都唔會著
btw 你同事衣著都講，咁隻1159仲多議論？

都要睇material，其實我又唔覺香港夏天太辛苦，周圍都有冷氣，就算無冷氣，著件safari由置地行到一樂甚至soho都不見得好辛苦(我成日做）

Outdoor風褸十有九樣衰，不了，又唔係去行山，已經唔係貪唔貪靚問題，係太撚核突

抗拒打扮，或者對形象無要求既，都唔會入到來呢個post

Tissot 多人識過AP
戴咩翻工都冇問題
唔係撈就得

你公司都無人
突破盲腸

我出街，去港島都會著得正式啲，但好難搵到一個袋岩classic menswear。唔想番工皮袋，想casual 啲而又挺身啲

再唔係t shirt chino loafers都好睇