我拍拖拍到好似好有壓力咁
我男朋友係好慳既人
慳到可以食少一餐飯
著到對鞋爛晒都唔肯換果種
佢最想買樓同我一齊生活
但我覺得唔一定要買樓
因為香港既樓價已經唔係正常人可以負擔得起
所以我覺得有無樓都唔係咁重要
同埋如果有錢我寧願去多轉旅行
我覺得係香港生活好壓迫好辛苦
所以我每年都去兩次旅行
跟住佢就覺得好似得佢一個人係度努力
其實我都買少左好多野 以前成日亂買化妝品
而家好左 佢咁樣話我 我真係好唔開心
後來佢話佢諗通左(我唔知佢係知我唔開心所以先咁講定點啦)
我唔開心到訓唔著 佢聽日要考試 我都未同佢傾呢個問題住
等佢考埋個試,兩個人坐低傾下
佢想買樓同你住,證明佢將來係有你
所以你都要坦白同佢講出原因
亦要俾佢知道其實你將來都有佢
俾返d信心佢,唔好令佢覺得你淨係活在當下
多謝你 其實之前都傾過買唔買樓呢個問題
最後我地決定左買 我覺得居屋就ok 但佢好想買私樓(我覺得買私樓好唔值)
等過多幾日就會有時間坐低傾
係呢幾日我自己會有d難受
呢幾日心掛掛咁一定係辛苦架喇
但講真你地兩個又唔係唔愛對方, 只係意見上有分歧啫
既然大家都有心, 將來都有對方
就盡量唔好係呢D議題上破壞感情
同埋大家都同意買居屋, 咪著手向呢方面發展
其實我覺得買樓同去旅行冇特別大衝突
旅行嘅嘢, 大有大去細有細去
大家定個標目儲錢, 每年都一齊去個旅行仔
買樓嗰方面可能會因為咁遲幾年
但至少雙方都高興, 你男友安心之餘又唔會咁緊張
可能你覺得我諗得太理想
但有時解決方法就係咁簡單, 就睇你地兩個會唔會互相遷就