［RDR2］呢隻game個通緝系統......

下？即係我攞完粒石走甩埋D 狗之後就掛機30分鐘？
但咁好笑係時間越耐獎勵越多？

由你可以操控角色開始計有30分鐘就得，死咗會重計。
至於時間越耐獎勵越多，rd online一直都係咁架喎。陌生人任務又係，賞金又係、傳奇賞金都係……根本同一個系統。今次個搶寶石仲要連收益都一樣，都係掛滿30分鐘，0.48金條、1500exp同225美金，所以咪畀人diu佢冇誠意囉。gta online又大更新啦

Thx , 咁我都係主刷普通算，我都係第一次知時間越耐獎勵越多衣個系統

但想問下應該點樣走甩D狗最好？佢地spawn 得勁快

你去到差唔多交貨地點，堆狗就會消失。
不過如果係普通，狗唔係無限出現，殘酷難度就係無限
我會建議，夠15條金條開賞金就掛伊塔好過

Ok thx !
伊塔都係好似咁掛30分鐘先交任？

係。一樣。由你可以活動開始計30分鐘。
但伊塔容易好多，你賞金夠10lv就可以買馬車，掟佢入馬車就唔使煩，打開目錄掛機就得。
搶寶石冇得開目錄掛機。

不過其實每5lv會送一張藏寶圖，通常都會有1.幾條金條，儲儲下都唔少架

最近先得閒玩
好enjoy個節奏
慢慢玩好似去緊旅行咁 代入咗個世界 成個人放鬆
去緊做主線又有npc side quest
好似現實世界咁 自己去緊一個地方中途會可能有人要幫手
營火又好撚正
唔會為爆機而飛劇情

恭喜你，有呢種感覺就一定可以慢慢玩到爆機。

想一次過睇哂rdr劇情，之前重玩左2，而家玩緊1
Rdr最勁既地方係由細節開始令你感受到西部世界個真實
不知不覺就玩左1，2個鐘

劇情更加唔使講，rockstar既遊戲劇本一直都好優秀

有Xbox先玩到1

見有折，買咗亞瑟套裝唔係講笑，線上角色著亞瑟套衫好睇過著i have a plan果套好多

I have a plan真係carry唔到

最近ps4 有折諗住買黎玩下，可以打劫殺人釣魚好似幾正
想問隻game會唔會好難玩？
聽講啲嘢做得好真實，要自己打獵捉馬？

以爆機為目標嘅話，唔會難玩。
至於打獵，難嘅唔係打獵，係捕獵到特定嘅完美皮毛去做四次元儲物袋。
捉馬其實都唔難，見到之後同佢打聲招呼之後慢慢靠近，佢情緒激動就停低安撫下佢，近身之後直接騎上去，唔畀佢掟你落馬就得。
不過馬嘅話，同品種野生馬屬性唔夠由馬商手上買嘅好。

btw，唔好諗住係西部gta，隻game節奏慢過gta好多。

想問下RDO D treasure map 係唔係每日有開箱既次數？同埋插在樹上既Treasure map 係唔係都有CD時間同每次只攞一張？

開箱冇限次數，但你唔會拎到同一位置嘅兩張藏寶圖，我果陣係一次過拎晒升到50lv為止嘅所有藏寶圖。

樹上藏寶圖唔太知係咩黎，我淨係聽過有人用斷網大法黎不斷刷樹上嘅藏寶圖，然後畀人封ac

google咗一下。樹上藏寶圖一個戰局只可以拎到一次。係所有玩家一次。所以基本上唔會點搶到，除非你私人戰局啦。

Thx , 我㩒Esc 快得濟睇唔切衣段說明
咁我好彩搶到張樹上treasure map

公開戰局嘅話小心外掛搞你……
見過有外掛起藏寶圖指向範圍嘅四個位置都放晒箱想害人畀人del ac……
d外掛狗真係玩到冇嘢好玩

我到衣家都唔識點搞私人戰局⋯⋯
但有時入場做日任Only / 刷資木票都俾人炸到飛起

唔搞私人戰局就唯有遇到外掛即刻轉戰局，但中咗外掛set嘅陷阱都係有機會封ac

thanks
一陣買黎玩，希望啱玩

傳教成功

之前玩到荒島個章棄咗
前排重玩返
玩到聖丹尼 真係絕世神作