1. 世界觀混亂
四聖獸系統、皇家騎士系統、世界樹系統、十鬥士
每代動畫都有自己獨立歷史傳說同埋世界觀
暴龍卡、漫畫同設定集都有自己一套設定
完全統一唔到一種講法,亂七八糟連編劇都搞到亂晒
只有深度fans分析到編劇矛盾之處,同埋分得開唔同世界觀嘅設定
新入門睇完資料都唔知個世界觀係想搞啲咩
以xros war為例得漫畫先清楚解釋到點解冇咗進化系統
2. 執著正統進化路線
本身作品係以唔同嘅培育方式發展出唔同嘅進化型態
結果搞咗堆錯誤進化同失敗嘅進化出嚟
例如薯仔獸、怪蛙獸依啲喺套作品完全冇人權
永遠都係二線雜卒獸,唔係冇戰鬥力垃圾村民就係敵方雜兵,連戰鬥力都差過人
又或者出啲失控嘅錯誤進化
成套作品始終都係要吹奏返正統進化路線
隔離pokemon故事係照顧到唔同嘅寵
目的係表達出冇一隻寵係冇用
3. 剋屬系統係on9
如果喺暴龍忠實fans應該都知
疫苗、病毒、資料
依三種屬性係包剪揼相剋系統
但喺套作品入面完全表達唔到依種關係
甚至遊戲作品上都係裝飾嚟
如果配合埋上面所講進化路線嘅問題
可以喺作品上自由進化做疫苗、病毒、資料嚟對應唔同狀況
戰術上已經多咗唔少變化
4. 出異色數碼暴龍湊數
異色數碼暴龍往往係渣過本身嗰隻嘅路人甲
好啲待遇嘅係得黑戰暴有獨立好睇嘅故事
連原設定嘅藍色機械暴龍都降咗落去做異色獸
成個設計缺乏思考,啲嘢出完擺咗喺度變晒二三線
隔離pokemon起碼都仲係同一隻寵先
仲會用珍貴度嚟吸引人收集
有咩諗到再補充,歡迎暴龍fans參與討論