其實做前線醫護
對住唔同人有唔同語境嘅
有次有個醉酒佬Hum穿頭
瞓著左咁樣
有個左青龍右白虎陪佢嚟
咁我就睇完佢,好平靜咁話:「好啦,一陣照下個頭有冇血,醒返,聯左針就可以返去喇。」
「佢而加醉左,麻醉都慳返,直接聯咪得囉?」
「的確酒係可以做麻醉,但佢未清醒嘅情況下,又唔係有即時生命危險,同埋佢醉酒醒得返嫁嘛,要得佢同意先聯到。除非一陣佢照到有血塊,咁就兩個醫生簽名做。」
「丫屌⋯醫生你,而加啲乜撚嘢態度?」
我:
其實我真係心平氣和,又唔係閪面咁
自問平時對個個病人都係咁
我冇特別應佢,微笑行開左
啲姑娘就開始屌鳩個陪人啦
隔左10分鐘,都未有阿姐推佢去照腦
我話:「喂靚仔,冇阿姐得閒呀,我同你兩個推你個friend去照腦OK?」
佢又真係肯落手推喎
照完出嚟冇野
佢話:「對唔住醫生,我唔應該咁話你,我都飲左酒,對唔住。我緊張我個Friend啫。」
我拍拍佢膊頭:「屌,講呢啲。」
佢即刻笑晒:「多謝你原諒我。」