如果眼大睇過龍既朋友,留意番個同行者名單係鬼妹J圖前面,請自行觀看。
大家睇左咁多篇,如果有興趣自己寫日記既話都可以一齊參與,個人經驗寫日記有助戒J。
因為你知道,如果第二日唔寫,你會比人屌死。
-----------------------
戒J日記 Day5 陰(好似係)
係Day5,我竟然黎得到Day5。諗番起頭幾頁d留言,好多人話我Day2寫個完字就可以收隊。而家我黎到Day5。
琴晚繼續係通頂,今日三點幾起身,食左個飯,之後做左個大工程。我將一個大紙皮箱變左做書櫃,擺到三十本書左右。然後坐左係床上面睇哂剩番個半本書,約個幾鐘左右。然後我用多兩個鐘做左樣都好痴線既事情,就係點下屋企有幾多本書,我屋企大約有5-6個擺書既地方,最後點完,不計算70幾本漫畫,我總共有294本書。
呢294本書我會係聽日既時間分成兩類,一類係故事類,用黎出街睇。另一類係工具書類,留係屋企睇,同時會一路睇一路抄筆記,務求自己係各個範疇都得到提升。
執哂書之後實在太攰啦,所以我就訓左一個鐘到,落街食個野,之後整理埋呢個post既名單就而家出緊街準備睇最後今晚既lol決賽。
無錯今日過得比較短,但過埋聽日就回復正常生理時鐘,可以令所有實驗更準確。
身體狀況:我覺得身體無咩大改變,手腳無咁易無力,但可能唔夠訓所以都係攰。但腦袋方面就好好多,例如我會想睇哂一本書,同埋我會去做d都幾悶既野例如執書呢d咁樣,暫時感覺都唔錯。
但呢一日我有幾段時間都唔係幾忍得住,係咁係度掙扎,好彩我不斷諗住呢個post先令我堅持落去,多謝你地,亦都證明我開呢個post係無錯,大家都要加油!共勉之!