低端人口冇錢冇人脈，在美生活工作小分享

見咁多人又話難搵工又話生活好貴點點點
咁我又分享下自己呢幾年係點
如果你要一到步就住豪宅養番狗拎綠卡就請移玉步
如果你話窮到連張機票都買唔起， 你都係留番係香港拎綜援，冇人幫到你

首先搵工， 美國有大量嘅agency, 99% 都係Indian,會提供training 同幫你搵工， 主要係tech, 完全0 要求， 話知你以前係賣生果佢都會收， 好景個陣你入到去兩星期就會有工番， 基本上都係大公司。 有啲Agency 會幫你申請H1B 綠卡等等， 慢慢排下。

我依家係做緊Google, 中間有n 間agency 抽commission, 我扣埋稅實收約4 萬港紙左右， 呢個係起薪點黎， 會慢慢加

洗費方面， 買袋雞脾最平我見過40 cent 1 lb, 平時1$1 lb 左右。 去華人超市買下菜就1-2$ 1lb, 豬肉牛肉都係1~5$ 1lb, 睇下你想食咩喇， in general 貴過香港呢， 就一定架喇， 大約貴30% 左右掛。不過你計番個人工， 以前係香港做低端人口， 我係呢到嘅人工唔止高30%喇

你有心離開香港， 一定離開到， 我識左好多Indian, 佢地借錢都要飛黎美國， 仲要係冇planning, 黎到見步行步， 佢地做左幾年， in general 搵7 萬港紙左右， 你作為一個香港人， 冇理由差得過班indian 掛？

你要俾藉口自己唔走， 你可以搵千百樣理由。 我唔叻， 又冇錢， 只可以慢慢搵條路出黎，要完全唔take risk 咁去第二到， 係冇咩可能， 希望俾到啲idea 俾諗緊走唔走嘅人。

掃左幾眼 似好有料到
留名
遲d睇返

ching本身咩背景
小弟都打算報美帝 cs master 最快下年過去,希望入到faang

巴打
不如你講稅前年薪啦
睇唔慣咩係稅後
你係咪淨係計每月take home 隠藏晒espp rsu？

其實係d中產過去放唔低身段做基層野姐
只要肯做一定生活到

冇料到先會好似我咁行， 純分享一下

本身 ... 垃圾U 乞食科， 我可以講係完全唔關我搵工事

其實我都冇點計， 因為我呢到冇income tax, 所以好少少。 稅前6-7 萬USD 左右， 因為我合約做時薪計

請問係用咩visa過去?

另外CS Master 係幾好， 畢業後可以OPT 3 年做野
我自己係拎緊F1..... 不過未畢業就做緊

F1, 讀緊個Master, ,一個sem 3 萬hkd左右， 一路做野搵錢cover 學費生活費

有冇agent介紹，係LA ROBERT HALF 個啲工好7,全部得十幾蚊一個鍾

美帝CS PhD，就失業

工作環境如何呀

想問下英文唔係好勁，淨係最基本溝通過去會唔會好困難

巴打你咩visa, 我見你用正途搵工者係有身份？

agent 就實有， 依家WFH training 都係搵啲時間係屋企上就得。 不過個job mkt仲未recover，train 完都可以要排三個月先到你有工番bor

咩身份先， 身份最重要

WFH.......

搵工agent有冇推介 成個流程大約係點 由儲錢去果到開始可唔可以分享多啲


英文水準只有普通中學生程度 有冇問題

除左香港人冇人會去話你講得差， 英文好都冇用， 我依家做野99.99% 係indian, 你英文再叻都未必聽得明佢地講咩， 我係要學indian english.....

做緊Google

巴打最初點搵到google份工係咪都係靠agent

f1咋。。出面d agent 全部要對ead卡。。

流程大概係 報名， 佢會開班一group 人上堂， 之後幫你準備interview 同幫你搵interview, in 成功就番工喇 ... 有啲灰色位我唔係咁想係到講， 你真係好有興趣再私底下話你知

咁我本身做左幾年野， 儲左廿萬喇， 我最主要洗費係我一黎到就爆武肺， 成個美國shutdown 想做鴨都冇得做， 唔好話搵工， 所以洗左好多冤枉錢

英文方面真係唔會有咩問題， 我CE 同AL 英文都係拎E

agent 呀， 唔係google 直接請， 佢都係搵agent 請人斷project 計