朴信惠 《西西弗斯神話》

有冇人可以答我結局係想點？
好confused

咪無戰爭
導彈消失哂

佢咁鋪排係唔可以服眾
佢套劇有好多都可以改變到
同已經實質改變到既野
當西格瑪死左 成個未來消失左
都已經唔係咩宿命 無止境循環
佢已經開展左個新既未來

之前個時間線好多野亦都唔係命定
只係西格瑪同管制局control到按劇本發展
只要係佢地控制範圍外既野 都係可以改變

所以問題就係乜野改變得 同乜野改變唔到
而當中改變到/改變唔到既發生過程又合唔合理

我自己覺得好多都係唔合理
既然都開創左一個未知既未來
點解新既未來一定要係佢地死？
好似無乜必然性
老實講 只要佢兩個安全踏得出教堂
以韓泰術既財力 第時都唔會再有人逼到佢發明上傳者
咁已經可以係一個合理既happy ending


我覺得睇劇咩ending 係講劇情既合理推進
只要安排合理 我覺得咩ending都得
盲目追求sad ending亦無乜咁有型

一齊咪一齊，分開咪分開囉

依家又重新嚟過做咩我要happy ending呀

做咩都係徒勞無功
以為未來會改變其實都係無限loop
時間線會自己修正 結局都係一樣
冇西格瑪=男主基友發癲
冇男主基友就可能保安咁

咁到底一直睇緊個個時空嘅泰術同瑞海係上面個pair定下面個pair?

時光機只能夠回到過去，咁其實上面個pair係幾時番番去SUN死之前？

真

其實泰術點都會死
因為佢未死點解唔坐上傳者返來？
諗極唔明佢既然之前做左上傳者
咁佢個人又去左邊？
佢做得出又點解比左Signma做第一個
係咪要拍返個前傳先

我明啊
我係唔明最後西格瑪佢再做嗰啲嘢
係咪即係會出第二集

其實都預咗係咁先係個戲名，再加佢都講到明係穿越，睇緊嘅16集只不過係咁多loop裡面其中一段

時空穿越依啲劇情實有人睇唔明之後屌
巨人已經係咁

做咩都係徒勞無功

呼應返戲名姐，其實都係預計到嘅結局

又要再推過石頭

最終上面嗰pair去咗邊？
定係成個故事都係泰術精神病嘅幻覺？

最後中槍嘅咪係教堂上面嘅瑞海
即係俾SIGMA捏完頸之後去救自己

我地一直睇緊個係樓上果pair
因為距有講「我看到就是這麼多」姐係掂到自己骨粉後睇到嘅
樓下果對去左uploader果度做翻樓上果對做果嘅野

其實睇到成套戲係「有雞先，定有蛋先」嘅概念
唔會有所謂嘅第一次loop

去到飛機過度我覺得只係主角FF 因為見到道光

我自己都預佢改變唔到架 個戲名講到咁白
但結果又唔係喎
佢原本成個未來時間線都消失左 西格瑪都消失埋
打破左原本個循環 已經無所謂既循環

依家係純粹係要個新未來都寫死佢咁解
而唔係循環中既必然死亡
而依家韓泰術死左 未來無人發明上傳者
之後無人返黎 亦都無所謂既循環

所以依家套劇根本唔係講緊循環
純粹係講緊韓泰術總之就要死
一定要sad ending 賺人熱淚多啲

其實去到跟班射瑞海嗰度都痴線
泰術都唔知入CODE嚟做乜
瑞海根本都係要消失 死咗咁消失

同埋有啲人話咩時間線點都會修正
所以泰術既死係必然
如果係純修正就係點都會世界末日啦
但依家無末日喎 純粹係泰術一定要死咁解

冇打仗 即係9歲瑞海唔洗同老豆去地堡
就算18歲瑞海搵到自己本筆記
要老豆教佢武術, 太平盛世點都唔會咁易有軍火練
咁咪保護唔到泰術

諗諗下又好似明明地。

教堂呢日係2020年10月31日。
本身個故事就係2020年嘅Sigma因戰爭爆發而自殺唔成，頂到去戰後再搭uploader返之前去賺錢去操控唔同人搞事。

但今次個結局係2020年10月30號戰爭未爆Sigma未買繩前已經俾2020年瑞海嘅爸爸救咗。仲有我哋睇到10月31號個陣，Sigma因為uploader停止運作而消失，（正常瑞海都要消失，因為佢都係未來人，但攬攬下又實色返係因為垃圾勝福個威脅，係有可能令uploader開返），但泰術都係選擇自殺唔妥協，所以瑞海最後都係帶神光消失咗。

但其實現代被救起嘅Sigma即使被爸爸關心之後一樣都係好憎泰術，一樣想佢輪回咁痛苦。所以我估他之後都可以令勝福幫佢做uploader（記唔記得成班老高層開party個陣sigma係介紹勝福為uploader嘅發明人），而成件事又可以再loop過。

至於飛機上嘅泰術會記得瑞海嘅惟一可能性係佢穿越咗返去飛機失事個日，至於點解同係唔係幻覺就似係open question

希望唔好有第二季，
Btw 覺得老sigma同小sigma做得好好

一日之內睇咗兩套爛尾
心情好差

我理解依啲只係之前既因 會造成今次循環既果
例如佢之前已經循環左15次 今次係第16次
依個瑞海都係第15次未來走過黎既
而唔係第16次既未來走返黎

每次循環可能都會有少少野改變
但唯一打破循環既關鍵 就只有唔寫上傳者
一啲細既改變 大致都走唔出依個循環
所以管制局係需要管制關鍵事件既發生
如果唔控制 就可能會隨機生成其他未知未來
而唔會發生歷史循環

但今次第16次 終於發生左改變既關鍵性事件
開展左一個新既未來出黎
依個未來終於係直線發展 唔會再轉圈回頭
所以佢一早就打破左宿命同循環
純粹係點都要寫死泰術咁解

咁只能夠講飛機上面嘅泰術係死咗嘅泰術自己FF嘅畫面
而最後嘅西格瑪即使係新嘅未來世界係直線發展，但Sisyphus最終都會令世界番番去另一個循環？

睇完真係得個吉 無棄已經好叻
以為臨尾個2集可以破解到所有迷團
點知睇完仲頭痛 真係玩9自己
劇情亂 打戲尷 好多角色又唔鮮明
睇到最尾見到男女主角搭飛機真係呆左
唯一可以讚既真係得呢套劇既演員 真心想知其實佢地明唔明個劇本....
有無大師可以解釋下

我估最尾未必係FF
只係未必 如果泰術喺嗰班機度本身係唔識瑞海咖嘛
但佢地有拍咗拖嘅感覺 咁應該係呢個瑞海已經同泰術有一段經歷

而且泰術係因為泰山而俾書真搞到要食藥嘅
即係已經發生咗啲事而泰山又俾人虐待緊
咁瑞海可能會返早啲嚟同泰術作戰