[足球/穿越]重來一次的足球人生（2）

可以寫到去廿幾歲再穿越多一次
無限刷

RE:12 從十二歲開始的足球人生

最後都係畢業出社會做野 後悔多次

清楚了解到自己並沒足球才能 再一次回到12歲 決定努力讀書炒下股炒下幣 最終以25歲之齡坐上 巴塞羅納 首位亞洲人主席 並開始在現實玩起足球經理人

700 tsla 加gme 買隊黎做班主都仲得

今日有冇？

快啲整個女神出嚟迫李生發力

飛時間就可以直接入職業啦
可能先講第一年係青年隊係點咁（？）
跟住樓主可以飛時間 直接用第三人稱望入去主角間房 可能有啲獎牌啊 報紙啊 hat trick嘅波啊咁就可以交代左中間可能一兩年發生咗啲乜嘢事

減低workload 又唔使咁大壓力趕死出文 又唔會太長

不過想睇耐啲

sorry今日實在唔得閒
要聽日

希望樓主可以keep住寫落去，慢慢寫，唔急，但真係求吓你唔好爛尾

巴打係咪睇完巨人139

畀你講晒我唔使寫啦

唔係啦，只係呢幾年喺連登睇過太多爛尾故，或者嗰啲寫到一半又唔寫晒嗰啲故，所以唔希望個故最後變到好似上面講嗰啲咁啫

雖然我有過爛尾經歷
不過呢套應該唔會 我已經諗好結局同尾段係點
反而係中前段唔知點寫好比較多

咁就好啦，聽到樓主咁講小弟都放心啲

寫耐啲
好似風之子咁
好似羊生啲故咁追幾年

其實佢無左廿年命係咪會早死

設定上係

幾年就唔會嘅
拖太長就無意思

幾點有啊 好心急啊

五十九、


「呢個喼好似都係太細……」

蹲坐在地上忙著給蕭智堯收拾行裝的母親運用身體的重量，用雙手狠狠地將一件大衣壓到行李箱中，但體積上還是勉強了一些，讓她不禁搔著頭嘆了口氣。

「唔使拎呢件啦，薄少少咪算囉。」

「唉識咩啊你，你住喺香港人成世人未凍過，我上網查話群馬冬天都會去到零下會落雪架！」母親沒好氣地反駁道，一副連看他也懶得看的樣子，同時用上了膝頭竭力地壓著那件大衣嘗試把拉鏈拉上。「到時你凍嗰陣又要嘥錢搵地方買厚衫，日本買褸好貴架！不如一開始就拎過去唔使煩啦。」

「……唉仲當我細路仔咩。」蕭智堯不太耐煩地應道。

「吓？」母親忍不住看了他一眼。「你十三歲都未夠啊，咁快以為自己大個仔啦？」

「唉算啦，嚟啦你撳住，我拉。」

窗外高聳的數十年巨樹被風吹得搖曳作響，蕭智堯朝電腦桌上的時鐘看去，預訂的航班時間是明天早上八點半左右，距離上床睡覺的時候也沒有多少了，母親在眼前氣喘吁吁地幫忙的樣子有點滑稽，但也讓他突然覺得有點不捨。

想起那時候他大學畢業後出來工作了幾年，算是有了一些積蓄，加上想要點私人空間，便搬出去住了兩年。

不過香港租金高昂，加上蕭智堯本身也還沒結婚生子，算不上真正需要太多的空間，倒不如省下這筆租金待日後再用，於是再三考慮後他便再搬回去家裡住。

當時將行李收拾好，即將要離開家裡與母親告別時，明明只是很普通的一天，也不是什麼生離死別，但想到以往每天日夜都能見到，心裡還覺得有點煩厭的父母，以後再見面的次數將會大幅減少時，蕭智堯心裡突然一陣感慨，差點就在她面前哭了出來。

「好，搞掂，應該無漏嘢啦下話？唔好同我講又要打開佢拎啲咩之類啊。」母親跪在行李箱上，如釋重負般嘆了口氣。

「無啦，Check過晒。」蕭智堯笑道。