[足球/穿越]重來一次的足球人生（2）

希望樓主比賽有好成績

終於

祝你好運

多謝

多謝多謝

Push下

Push

8點左右更新

四十三、


將球隊在上半場的大大小小問題說了一遍，但眾人心裡面都清楚明白，球隊在正中央區域的爭奪戰是明顯處於下風的，這還是在中場四對三的情況下所得出的結果。

箇中最大原因，就是司徒俊緯被某程度上對位的岡部彰徹底打爆了。

這便使得港隊事先安排的戰術連發揮的前置空間都沒有。

「最後就係中後場嘅受壓……目前為止對位最大劣勢嘅係我，我難辭其咎，但我會諗辦法彌補呢個差距。」司徒俊緯輕輕地點頭致意，慢慢地站了起來。「然後我想問大家一個問題……」

「……」一旁的梁博豪瞪著他。「我呢？」

「嗯？」

「對位俾人打爆嘅唔係得你，唔講我？」

「……」司徒俊緯回過頭來。「前鋒嘅職責係入波，至少你上半場無失去幾多控球權，只要下半場你有入波就係你對位上嘅勝利……入唔到嘅，到時先講都未遲。」

「你而家係唔係睇唔起我？覺得連講我嘅口水都慳返？」梁博豪站起來走近一把捉住他的衣領，怒氣沖沖地喝道，連日本那邊也聽得聲音看過來。「而家你係我哋嘅隊長啊！隊友踢得差就大大聲屌啦！扮撚晒高尚咁將責任攬晒上身做乜鳩啫！」

「我唔覺得你踢得差。」司徒俊緯淡淡應道。

「你……！」

「都係嗰句，你無失到控球權。你擅長正面進攻，但唔代表你只係擅長正面進攻，而家只係因為中場完全失去控制權，無畀到足夠嘅供應你……我相信你肯定會有其他辦法擊敗上見仁。」

「……」蕭智堯只覺得奇怪，雖然一直有聽說梁博豪不服司徒俊緯，經常在練習甚至是在比賽時用言語奚落他，多次逼使他交出隊長身份，但這一次看來卻完全不是這麼一回事。

他更像是惱羞成怒地發洩自己心中的不忿。

「夠啦，唔好嘈住，啱先俊緯仲有嘢想問。」蕭智堯走近，很乾脆地分開了兩人。「不如等佢講埋先。」

「我只係想知，各位對呢個戰術方針，有無任何異議先？」司徒俊緯輕輕推開梁博豪，語氣平和地朝大家問道。「會唔會有人係覺得，即使我哋踢出陳Sir安排嘅呢個戰術，依然無辦法喺日本隊身上拎到甜頭？」

眾人馬上靜了下來，這時他們才發現，自己好像沒有思考過這個問題。

「你哋連中場都未控制好咁講條春咩！你想燒味，你都要有刀先得架。」梁博豪搖著頭怒氣沖沖地應道。

「日本人重視基本功，佢哋對落點嘅判斷力一啲都唔差，陳Sir想我哋踢高空戰術，純粹係因為我哋身高同佢哋比有少少優勢。」孫敬學答道。「地面戰我哋唔係對手，所以我都覺得打多啲高空戰係目前最有效嘅方法，更何況對面兩個中堅都唔算高。」

「但陳Sir嘅戰術安排係，首先要喺對方禁區外圍建立……」

「控制中場係條件，但先唔好考慮我哋做唔做到住，而家個重點係：我哋同唔同意一齊去做先。」司徒俊緯掃視著眾人。「如果大家無呢個共識，咁踢咩戰術都無用。」

「你送到個波入嚟，我就有信心頂贏班蘿蔔頭。」旁邊的余仁海抖著腿，一臉輕鬆地答道。

「我認同學仔所講，地面戰我哋唔會夠踢，就算去到三閘線都好難攻到入去，倒不如簡單直接少少……」

「我都認同。」

「啱聽。」

司徒俊緯將目光投向梁博豪，彷彿是在問：身為球隊一直以來的王牌前鋒，你要在這裡退縮嗎？

「做咩，係咁望住我，驚我唔夠佢哋頂？」梁博豪瞪了他一眼。

「我知你一直睇我唔順眼，覺得我襯唔起呢個隊長臂章。」司徒俊緯開口道。「如果你有能力幫球隊擺脫呢個困境嘅話，我會主動將隊長個位讓畀我。」

「……讓畀我？」梁博豪看著他，沉默了兩秒後冷笑一聲。「唔好講到好似施捨畀我咁，我對隊長呢個位無興趣，如果我想要嘅話我自然會靠自己實力去爭取，而唔係要你讓畀我。」

「咁你嘅答案係？」

「我企上球場嘅原因永遠都係得一個，就係贏波。」

「有你呢句就得。」

司徒俊緯點了點頭，扭過頭朝陳召禧看去，但該名領隊並沒有把注意力放在這一邊，而是跟助教看著場上指手畫腳，似是在討論其他事情。

「日本人有個四字成語，叫『十人十色』。」司徒俊緯再次走到眾人跟前，緩緩地蹲了下來。「意思係唔同嘅人，會有唔同嘅思想，唔同嘅做法。」

猛烈的陽光照射在簷篷之外，強烈的光暗反差致使司徒俊緯的五官多少有點昏暗不清，但他銳利的眼神卻依然清晰可見。

「足球係一項團體運動，踢法有千百萬種，用我哋較有優勢嘅做法......去踢贏佢哋！」

「嗬！」

香港隊那似是已重振士氣的吶喊理所當然地傳到了日本隊的耳中，那些隊員們聞聲看去，對他們依然能保持戰意感到十分意外。

「佢哋竟然仲有戰意，真係難得。」倉野尾一志笑道。

「比想像中硬淨喎，以前香港隊好似都唔係咁。」小栗修平點頭和應道。

岡部彰輕瞇雙眼朝香港隊的休息區看去，正好與看過來的司徒俊緯四目相投，空氣之中彷彿擦著電光火石，兩人對視了足有十秒之久，才各自帶著笑容別開眼神。

「下戰書咁喎，對面個隊長。」坐在旁邊將一切都靜靜看在眼內的坂口正宗笑道。

「因為我哋係同一類人啊。」岡部彰笑得豁然。

「一樣？」他朝港隊那掛著隊長臂章的球員看去，觀察了數秒。「邊方面先？」

「每一方面，」岡部彰答道，也再次朝司徒俊緯看了過去，嘴上掛著像是找到知己般的微笑。「佢都犧牲咗唔少嘢。」

法定的中場休息時間完結，雙方陸續重回球場上易邊再戰，但不論是球員們還是旁觀者們，都能明確能感受到，香港隊隊員的眼神不同了。

「仲未放棄？」擦身而過時，岡部彰用英語輕聲問道。「雖然我個人從來都唔會諗咩放棄比賽，但咁懸殊嘅實力同比數，係我就唔會諗追返甚至反超，只求輸得無咁難睇就算。」


「放棄？」司徒俊緯看了他一眼，輕輕一笑。「哦，其實我都有考慮過......」

「但我啱先已經確認完，」

他回頭看了一眼，映入眼簾的是十個意志堅毅的眼神，是匯聚成一的共同目標。

「我哋呢邊呢十一個人，無一個想輸。」
____________________

冇了
比司徒搶哂戲
主角30年經驗都比人屌打

Push

有文！

Pushhhh!!!!

文呀

gel 定頭，收我個下一個入球啦

仲有嗎今日？

無啦sorry
要2號or 3號

突然諗起世界盃比利時打日本
又係日本拎住3球然後被反杯

成30歲人 安慰下d細蚊仔兩句都得掛