[足球/穿越]重來一次的足球人生（2）

其實係有用意 但睇返個timing可能同想像中個效果有啲出入

我個下一隊香港入球成個星期仲未開到，個頭gel 咗好耐呀

開咗日本啦已經 你輸咗錢啦

可能早d講會更好，或者輸緊再講
而家全世界都知佢勁到仆街，而且想睇老蕭點彈返起，多個回憶其實唔會幫日本仔加分

遲啲擺上penana嗰陣應該會改一改個位

我覺得回憶下無問題
不過劇情推進要多一點
即係更新得密啲就ok喇

其實係節奏問題 我自己都大概感覺到

啱 呢場對阿簫嘅成長太重要

d 回憶... 以為睇緊足球小將

幾時再繼續

finally

推

我嘗試下今晚更

Push

push

要晏少少 應該凌晨一兩點左右

等你！

Push

四十七、


有些人經常會問到：在足球的世界裡，一對一是攻方佔優勢，還是守方佔優勢呢？

「咁講啦，美斯嘅生涯過人成功率，大概係57%、夏薩特係58%、尼馬係58%、恩尼斯達係60%、麥巴比係58%……當然你要搵仲可以搵一大堆技術出眾嘅球員嚟睇，但其實佢哋嘅過人數據都大概係咁上下。」陳召禧答道。「換句話講，即使係呢班足球史上享負盛名嘅過人王，甚至係美斯呢種幾乎係獨一無二嘅球王級人馬－實際上佢哋嘅1on1成功率拉長嚟計，都只係60%左右。」

蕭智堯雙眼快速地左右掃視，余仁海跟梁博豪都沒有明顯的空位，當然他依然可以嘗試與他們來一次簡單的撞牆，但最理想的狀況，還是在這裡把岡部彰過掉。

作為十號位球員，在禁區頂的一對一機會理應不能逃避。

「所以當個戲碼無咁懸殊嗰陣，嚴格嚟講，1on1實際上係守方佔優－當然呢個只係數據上嘅描述，點解現今足球戰術不斷強調組織同配合，不論係進攻定防守都會盡量避免單挑嘅情況，就係因為呢個舉動比較冒險，」陳召禧續說道。「當你不斷放任你嘅防守球員喺核心地帶同人單挑，從數據上睇你就會有至少三四成嘅機率俾對手直接突破，呢個問題所導致嘅後果係可以好嚴重。」

岡部彰的防守姿勢十分標準，先以中等速度貼近以增加防守面積，並漸漸減慢速度讓自己進入到單防的狀態當中，全神貫注，蕭智堯觀其渾身上下幾乎找不到任何破綻的氣息。

但在上半場的幾次直接面對面交手中，他實際上發現了這名日本隊長並不是單人防守的能手。

「單人防守嘅原理係要喺對方突破將個波推出去嗰陣，比佢先一步搶到個位，而唔係出腳篤走個波，亦即係話自己兩側至前方嘅呢一百八十度之內，」陳召禧張開雙手，向前比劃了一遍。「就係防守球員嘅致勝區域。」

攻擊球員突破時必定會將皮球推離腳邊，這個時候由於自己處於先行正面加速的狀態，自然會先擁有一定的優勢，但同樣地，防守球員的位置會比攻擊球員更接近皮球，只要沒有被晃掉重心或失位，大多情況下都會是防守球員的勝利。

蕭智堯清楚記得，當自己背身控球時，岡部彰的施壓能力相當出色，同時他非常擅長於指揮對手包位收縮持球者的空間，但當側身或是正面面對他時，切身感覺到的壓力卻沒有那麼大。

這表示他相對地沒那麼擅長正面防守，而且單對單的對決，某程度上經驗便佔了很大的比重。

蕭智堯突然加速，以急促的腳步往岡部彰跟前推去，並不時伴以左右假身以迷惑對方，在這種距離下若他貿然出腳便會被直接推過。

在禁區頂三打三被過掉，後果是什麼他自然心裡清楚。

“中場中，岡部彰。”

在岡部彰的眼中，蕭智堯的腳步並不頻密，但節奏暢順獨特，非常難以捉摸，而且他不像大部分球員那樣妄想能以拙劣演技般的眼神和表情動搖對手，只是單純地以最適當的速度往自己跑來，並一直在無形中給予隨時能夠突破的威脅。

“踢呢個位要做嘅嘢好多，你有心理準備接受呢個挑戰未？”

即使是在練習中面對小栗修平時，他也不曾有如此大壓力及感到迷茫，那像是突然墮進他節奏當中的感覺，就像是在草原上被慢慢逼進死角的獵物一樣。

但如果能在這裡再多拖一兩秒等隊友包夾，又或是直接將皮球斷下，比賽的走勢將會直接改變。

“係，我已經準備好，我將會犧牲我嘅一切，全心全意為球隊奉獻。”

一路碎步退後的岡部彰很竭力地想推斷出蕭智堯的突破方向，但當看到眼前的紅色戰袍晃動，回過神來時，他已越過了自己那一百八十度的「致勝區域」。

“要忘記自己攻擊中場嘅身份並唔容易，喺呢個位置上，你所受到嘅壓力亦會係前所未有－終有一日你會感受到。”

眼看隊友在禁區頂被徹底過掉，距離較近的上見仁只能直接放棄身後的梁博豪上前補位，只見蕭智堯推前數步輕輕將球橫傳到遠柱，前者門前輕鬆推射得分。

香港球員在耳邊大肆慶祝的聲音傳來，岡部彰呆站在原地，視線之中只有蕭智堯那飄渺的背影，彷彿眨眼與睜眼之間會看到不同角度的自己一般。

“我，岡部彰，雖然唔係咩天才，但我一定會，一定會，一定會，成為日本史上最出色嘅中場球員！”

憶起過去在訓練場及健身室裡揮擺的汗水，從口中噴湧而出的嘔吐物，被自身重量及鐵塊虐待得得疲勞不堪的肌肉，在此刻好像都失去了意義一般。

回過頭去，正慢跑去參與慶祝的，是與自己對上眼的司徒俊緯。

兩人對視而笑，直至該名港隊隊長越過自己，徐徐地跑至隊友身邊。

點解主角發威個重點好似擺咗喺個蘿蔔頭度

「好波。」梁博豪走到蕭智堯跟前與其擊掌，而余仁海則在一旁靜靜地走回中線。

「仲有三球，唔好鬆懈，快啲開波。」場邊的比分牌改寫為5-2，走近的司徒俊緯激勵了大家幾句，隨即示意大家趕快回到中圈，不要讓這股氣勢冷卻下來。

幾名日本的防守球員對望了一眼，焦點當然很快便落在不發一言的岡部彰身上，擔心他如此清脆俐落地被對手過掉會否有點氣餒。

「唔好意思，呢球我問題。」他閉上雙眼，抬起頭深呼吸了一口氣，花了幾秒讓自己冷靜下來。「繼續按返平時咁踢就得，我哋……」

他話還沒說到一半，鈴木突然跑了過來，手中拿著一張摺成半個巴掌大的紙條，並直接遞給了岡部彰。

「監督你……點解會有咁嘅安排？」場邊的助教朝場上看去，攤開紙條的岡部彰如他所料般露出驚訝的神情。「雖然咁講唔係太好，但我諗起對比利時嘅嗰場……」

「港隊無一個重份量嘅高大中鋒，一個生得比較高但唔擅長頭鎚，一個技術好少少但生得矮，個進攻中場高空戰直頭可以用差嚟形容……」依然手握三球優勢，但那須宏行的表情看上去並不怎麼好看。「而且對家嘅戰術開始成形，你可以見到下半場開始佢哋兩邊嘅疊瓦攻勢愈嚟愈有威脅，而家進攻中場單對單過咗岡部一次，成件事就會變得唔同晒。」

他在賽前有徹底地研究過這名成功從司徒俊緯手中搶到攻擊中場位置的球員，明明名不經傳，但從錄影片段中可清楚看到他的沉穩冷靜及精湛的腳下技術，別說香港了，便是日本跟韓國，在這個年齡段來說也是相當罕見的。

所以他能在這樣的直接交鋒中擊敗岡部彰，倒沒有令他太意外。

「所以保持現有嘅戰術同防守方式，只會令成個防守陣型不斷出現漏洞，」那須宏行續說道。「場上面只係一班十零歲嘅細路，佢哋嘅心理質素遠無我哋諗到咁強大，倒不如收縮空間，令佢哋自食其果。」

烈日之下，眾人看著岡部彰那微瞪的雙眼，緊張地追問那須監督究竟下達了什麼樣的指令。

那邊廂球證哨子聲響，朝場外的後備席看去，只見第四球證雙手高舉黃旗，身邊各站了雙方的兩名球員。

「咦，換走阿強，入高拔？」

被陳召禧派出來準備上場的，是英藉的中一生高拔基蘭斯，年僅十三歲便已身高一米八二，是港隊隊內身高最高的球員。

當然，也自然是場上最高的球員。

「佢哋下半場諗住踢高空戰術但而家先出呢個咁高嘅球員……？」日本隊助教看著高拔，一臉不解。

「應該係因為佢技術唔太合格，所以一直擺喺後備席做秘密武器。」那須宏行看了一眼，一副心中有數的樣子。「一係就場上形勢有望扭轉，一係就最後時刻盡地一搏，呢種時候先會派呢種球員上場，太早出嘅話就等於放棄中場。」

「咁我哋……使唔使轉返本身個踢法？」

「唔需要，」他笑了一聲。「對面個教練性格比較惡劣，我知佢諗緊咩。」