討論下香港嘅高級omakase

食個飯又要鞠躬又講一大輪野, 佢唔煩我都聽到厭! 絕對唔會再翻兜!!!

搞到我心痕痕想佢走之前快d試

Amber 我覺得除左caviar 個dish 其他真係麻麻地 調味無層次

食過一次灣仔鮨生賢 覺得都唔錯

其實lunch 同dinner 既分別大唔大？

其實都好睇個人口味同手神

就係咁先搵日籍師傅黎食
因為日本人重視嘅係一期一會
要視當下嘅客係一生一次機會咁去serve
如果第一次就fail，好難再俾多次機會
特別係呢d大師傅都係做左10年以上嘅老行尊
經驗夠曬，差距就係天份/技術/食材選用(同漁農嘅背後關係)
綜合以上，我淨係番綽過頭三間

係咪 Royal 級先

佢想加d儀式感， 呢套外國人好受。
如果想簡簡單單食餐飯， 去saito個d好過。

笑左

留名學野

我又入黎吹兩嘴先，一間間講，樓主印象最深刻既araki so far都係我係香港覺得印象最深既壽司鋪之一（另一間係daigo)，今個月中去食過一次，當晚無滿席，只有七人。

食物有：
鮑魚粥，用既係大連鮑、壽司米、花膠、燕窩、山椒葉 （6）有少少胡椒粉，花膠比較黏口，胡椒重味，作為第一道有點too much

炭燒鰹魚，上面灑左芝麻 紫菜 昆布醬油 ，呢個係好食既，同當晚帶去枝飛露喜幾襯

清湯
用左，本地𩶘魚，上面有加柚皮，其實味道幾好，不過有條幼骨有少少扣分。

赤身
係佢地十四貫既第一貫，有一樣野我覺得佢地好貼心，就係佢地會用第一貫作參考，如果你覺得份量太細，佢之後既十三舊都會加大，反之覺得太大，亦可以幫你做迷你版。

其實呢樣野真係好睇得出師傅心思，同時都俾到客人唔同既體驗，有啲人係想要去食飽飲飽開心咁走，就會加大；但同時亦有一班人係專門試味，個人一飽味覺就變遲鈍，就可以叫細份，份量細左但成個菜單既鋪排係完整既。

中拖x2
佢地係分兩件上，香港好似得佢地咁做，除左用料最講究同浪費（佢地真係掉好多野），分開兩件，一件肉味更濃，而另一件脂肪肥美，先食濃再食肥，味道層次會更加明顯。

大拖x2
同中拖，佢地用既大拖切斷晒啲筋，應該係就在香港人習慣，我prefer有筋，btw佢地用既壽司米係自己磨，而Araki San個老婆是種米的。

黑喉魚
係當日最佳其中一道，短暫炭燒釋放油份，油香香到不得了。

本地𩶘魚
雖然Araki係倫敦係用當地食材而聞名，但總覺得香港店啲本地野比起日本野相對失色，BTW佢地用黎清口既薑都係用本地子薑，不過真係好撚辣，頂唔撚緊

日本池魚
加左芝麻同蝦粉，都好食同香口既不過比起前面既有啲失色。

本地賴尿蝦
唔夠甜，fail

醬油漬赤身
好食，味道偏單薄但加左醬油之後好鮮甜，無乜負擔。

野生馬糞
So far香港食過最好食既馬糞膽，很溫柔的甜，透花香，北海道東南岸產，風味同其他鋪頭有好大分別。

三文魚子
另一個全場最佳，全香港最好食既三文魚子，師傅話先人手洗掉2-3層外殼，所似做到一掂條脷就化，無一絲腥味只有鮮甜，好撚好食

清酒蒸帶子
壽司黎，麻麻地呢個真係，雖然好花功夫

燒大拖
落左兩種醬油、味琳、清酒，同黑喉一樣輕輕炭燒過，有少少炭香，非常好吃

海鰻
軟、綿、香，其實好出色，不過海鰻daigo做得更好食

漬物及蛋卷
蛋卷用左本地蜜糖，其實係好食既，作為收皮都恰到好處，不過蛋卷真係so far最好食志魂無得比較

講到尾其實Araki係真係好好食但佢個價錢都真係好撚貴，唔試本身餐飯貴，開瓶費都好貴，開左枝1.8L飛露喜收一千蚊，但個人覺得係值得一戰，一年食番一兩次可以，常去真係頂唔緊。

其實都係八步半好食啲認真⋯⋯

就我番綽過嘅Mori同壽司芳嘅lunch同dinner
醋飯其實一樣
dinner 部份選用嘅漁料會再特別d
course 數大d
主要係要大師傅係度，質素就有保證

食呢啲好麻煩，一定要同個師傅熟先有好嘢食，食之前記得俾封$500利是，唔係要預冇啖好食

各位食 omakase 會唔會開 sake 請埋個廚飲？

其實呢我覺得香港人師傅都唔一定差既，Daigo既師傅係香港大既日本裔，但佢處理食物既方式都好令人印象深刻，餐飯好撚好食；平少少kolorozashi既文師傅都幾好，當然kokorozashi係食性價比，味道方面比唔上一線，但350撚廚1200蚊癲拿，有咁既味道同食材仲要開酒好撚平，完全可以當平民版Masataka咁食

其實omakase 場啲㗎佬都係咁上下痴線，
唔痴線都係冇乜料，
佢地好鐘意搞到個氣氛係一層層壓落去，
除左㗎佬自己，我見佢地個個人返工都唔開心咁，
啲香港人師傅，人工唔係特別高，仲要出賣埋尊嚴，其實都幾慘

我工作關係都同唔少㗎佬師傅，omakase 餐廳有聯繫，
其實生面口香港客座㗎佬前面一定會比舊貨的魚你食，但大部分客即使件魚就黎臭，只要係㗎佬整的，都會食到好似海狗咁拍哂手
樓主其實算識食，都食得出

冇法啦，好多人有錢，食好多好野，真係唔代表會識食左，
正如你有錢買好多靚車成日揸，你都唔會變賽車手

我聽唔少香港人師傅，㗎佬放假幫佢做㗎佬啲熟客，比哂最新最靚嘅部位，
仲要比個客屌話㗎佬一唔喺度，樣樣野都唔新鮮

最平係lunch啦wor 800-1000 晚市最低肯定2000 up 仲要你唔叫啲清酒飲佢地會覺得你唔消費

之前我打電話去book枱
話原本我想book個日話無位
然後俾第二日佢 就話有位book左
點知有一日佢打黎話原來個日full booking
要cancel我個booking
但佢地都無主動俾其他日子我book
我以後都唔會再幫襯佢

我有次同個客食飯佢帶埋枝 14 代去預埋個廚一份，個廚飲左幾杯開始黎料，私人醒左幾道罕有食材或部位。

唔知係咪個次我去食咁唔好彩，ovtavium我同我個fd都覺得好一般，只少唔會想再返去食...個晚 bombana係到黎問我地點，我地都有如實答佢有d失望（無印象講左咩，因為成餐飯都無咩深刻點）

lm

即係樓主評價統一用lunch/ dinner/兩者都有？

因為Lunch同dinner 用料差好遠，好難劃一討論

食過幾次main dish 都係羊都唔錯
魚好似sea bass 就一般
印象最深刻反而係佢地上年情人節tasting menu 入面嘅scampi 同caviar 整嘅pasta
真係好鮮味
佢哋啲食物好平實但係present 出嚟係有驚喜
啱啱開門唔受街客book 位嗰陣我估佢會拎兩星點知最後得一星
Anyway 抵食值得一試
我本身都book 咗1/1 dinner 而家要轉lunch