香港嘅日籍師傅食過以上呢d
排名分先後次序,結合價錢同味道而排列
如果數到味道最深刻嘅
其實係排第四嘅Araki
當中Maguro/花枝蝦/穴子成個香港都食唔翻果種味道
開頭炮四貫中拖大拖
花枝蝦配蝦籽嘅獨特口感
兩重口味嘅酥嫩穴子
不過食到中後段嘅本地食材入饌真係炒曬車
加上係全港最貴,呢個價位我唔太能接受過山車體驗
所以只能排第四
如果你問我綜合價錢同質素,我只會番綽Masataka, Mori Tomoaki, 壽司芳
Masataka 同 Mori Tomoaki, 風格其實幾似,都係着重熟成,口味比較重果種。呢兩間依家得番晚市,圍番都要3k,環境氣氛都幾好唔拘束。
壽司芳前菜係玩日法fusion,不過壽司都係做番江戶前,味道唔錯,勝在有lunch session 可以平平地過口癮。
鮨慎好抵玩,質素不過不失,不會有太大驚喜
鮨琥珀 中本係同集團,唔會再特別去。琥珀d漁料基本上冇乜係熟成過,另外中本嘅飯明顯過熱,淡身同埋痴口,唔太岩個人口味
今村location係食廈,環境一般,飯嘅調校同握功都幾好,不過有d料感覺不太新鮮
植原得個平字,不用太大期望
Saito 夠出名夠貴,醋飯好平淡,食落留唔到深刻印象,唔見太突出,可能真係食個大師傅嘅名,聽聞肺炎之前定期有special day 有Saito坐陣。
志魂個八爪魚同鮑魚肝醬真係正,但係我比較着重壽司,佢個醋飯一般,入口冇化嘅感覺。
Tokami 去果陣係三年前,當時個大將已經過左身。整醋飯調校唔太掂,飯還飯,魚還魚,但係腦天手卷味道好突出
鮨佐瀨當日指名要大師傅本人,不過質素都係未如人意,不論是漁料,醋飯乃至握功。