有冇驚恐症過來人入黎傾下計（2）

[member]頭痛啲焦慮嘅感覺的確係幾煩厭[/mem

唔知有冇其他ching試過好似我嘅經歷

幾年前曾經試過一次考試期間溫書，溫溫下覺得周圍環境好唔真實，而且個心跳得好快，快到自己覺得好似就快死咁

個陣心諗要我咁樣死就好；最後攤左個係張床合埋眼等死

點知幾個鐘後擘大眼發覺自己死唔去，只係瞓左一覺，但到宜家情緒不斷惡性循環

呢點都係

介意其他人目光

出黎做緊嘢 個人變得愈來愈細膽同諗好太多

嘗試中了

舉高隻手 洗咩怕羞

終於同驚恐症講拜拜
係呢度想分享一下我自己面對嘅方法
希望可以幫到大家 （長文）


講講我經歷先：
我係上年年中突然呼吸困難 心跳勁快 勁暈
以為自己中風
即刻call 人生第一次嘅白車
醫生就話我係過度喚氣左
暈足幾日 驗過哂所有野都無事 就被踢出院啦

然後之後幾個月，每次出街行行下就會暈
又會突然間心跳好快 ，覺得自己有心臟病
成日都覺得就快要暈
結果睇左心臟科，腦科，連身體檢查都做埋
咩事都無 ...一度懷疑人生

結果有一日我同我朋友傾談之間
佢覺得我病徵應該係驚恐症 上網睇左啲資料真係100%match

然後我開始做大量資料搜集，亦都有係呢度睇過post
呢度好多巴絲都幫左我認識呢個症狀
同時我開始掙扎究竟係睇心理學家定精神科醫生先
我最後決定左睇精神科醫生先聽聽意見

結果醫生診斷我係有驚恐症
但佢同我講食藥要至少3，4個月
同時會有適應期 亦安慰我驚恐症係好易醫

最後考慮左一日，決定唔食藥
因為我知道食藥就算好返 ，最終要面對嘅都係自己心理關口，
如果最終搞唔掂，我先會揀食藥。

於是我決定睇心理學家，用上認知治療療法
其實佢講嘅野係有幫助，但真正實行嘅係要靠你自己！
以下係佢教過我嘅野 ，希望都可以幫到你：
但記著係要堅持，堅持，同堅持！



1. 轉移視線
當你覺得開始想發作，
第一件事：「轉移視線」
驚恐症嘅第一大病徵：你愈留意佢 佢就會發作得更勁

所以我地要轉移視線，要做一啲用腦同手並用嘅野（咁先唔會有時間諗自己咩事）
例如玩數獨，打機，打線上麻雀

*唔好諗住上連登就當分心，記住係手腦並用

我當然揀打機，我就download 左啲模擬經營遊戲，勁好玩
分左心，自然唔再留意自己跳幾快 ，有幾暈

呢個係超work ！

2. 改變心態
當暈嘅時候，你可能諗會唔會心跳快會死
但放心呢個病你心跳快最多係血壓會升
但去到暈其實係血壓低你先會暈
所以當你突然心跳快，唔好擔心自己會死

反而同自己講「又係你呀陳生」「無咁易整得死我」
慢慢練習試練，
你會慢慢變得平和返
嘗試唔好太在意佢

呢樣野心態改變係需要時間，記住唔好心急。

3. 腹式呼吸
當呼吸急促時要試試腹式呼吸
每日練習1-2次
嘗試將呼吸減慢 可以減輕心跳快呼吸困難嘅症狀
點呼吸，我係先吸氣，忍3-5秒再呼氣

但人人唔同，做你覺得最舒服嘅方法

*重點：唔好諗住係度計自己心跳呀！stop !
你愈知就愈快呀



4. 唔好怕出街
我同你地一樣，好怕出街，驚自己會暈。
之前捉實我男友出街 ，唔敢一個人 （戴住口罩仲焗添呀）

最後克服到嘅方法係：
我帶定粒鎮定劑（睇醫生個時拎嘅，當保平安）或者你可以帶止暈丸都得
長期放落袋，有必要時用。 同埋叫身邊嘅人（如果佢知）唔好當你真係有事，好似平時生活咁，自自然然，唔好太緊張

當你知道有事都有back up ,就算有事你都唔使驚。

而我，一粒都無食過，真的。


5. 暴露療法

每個人都可能因為一件事或一個場合令到驚恐症發生，
例如係隧道入面，係屋企，係lift ，甚至係一件事
而面對恐懼嘅本身。就係要「克服恐懼」。

所以你要係學習1-4嘅野之後，開始要面對心目中最大嘅心魔
當你面對佢嘅時候，過程會好折磨，因為你要面對佢

例如你搭巴士會暈，你就嘗試搭一陣巴士，當你驚嘅時候，分心又好，腹式呼吸，或者試下個腦諗下其他野，可以望下出面車嘅風景，慢慢將焦點轉移去其他野。


呢樣野並非一次可以
你可能要循步漸進咁試多幾次，你會慢慢發現自己努力克服有成效
會開始覺得自己原本都幾叻
慢慢成功感就會蓋過恐懼

記得都係個句，慢慢黎。



6. 最後就係，唔好諗斷尾

我知，呢個係好難接受嘅
但呢個係現實
就好似傷風感冒咁 ，你唔會期望你病完呢世都唔會病一樣；
所以佢會有時黎搵你
當佢又黎搵你個陣，試下做下分心，唔理佢

你當佢係林奠個仆街又出黎，食蕉走開啦

自自然然佢搵你嘅次數會減少架啦！




我學左4堂左右，大約用左一個半月時間，每日都努力克服，然後已經無乜再復發呢3個月
最開心係唔使食藥

我嘅建議係
如果你本身唔係太嚴重，我建議係醫左心病先，正所謂心病還需心藥醫，要嘗試克服，如覺得有需要，可以搵心理學家或坊間嘅心理治療。
另外食藥可能會令你無左驚恐症嘅症狀，但當唔食藥後結果都係要克服，所以我個人會比較建議唔好食藥住，因為你會唔知自己有無克服到。
除非係比較嚴重，或太影響生活，或先天性嘅問題要食藥。

最後最後，就係要堅持，要實行，意志力要堅定，一定會努力克服到。
希望呢個千字文幫到同路人的你

我今年都試過差唔多情況
屋企人驗到有病
起初第一次係突然訓醒，個人即刻好驚，抖唔到氣，個心跳得勁快 快到好似會死咁，點抖氣都覺得唔夠，個人仲會暈暈地
一晚嚟兩次，真係幾恐怖
之後連續2晚都係咁 但會再辛苦啲 會係咁反胃..

嚟個星期就無出場過，訓得都幾好
唔知算唔算係驚恐症

恭喜晒

成功例子出現了

見到你成功斷尾，直頭打左支強心針

我地在座咁多位都得架

我唔quote 上面我寫嘅野啦 太長啦

上面幾位加油
我都得 你地都得

最緊要知道有事後就積極解決
呢個病好衰
愈拖延 愈容易因累積過去嘅經歷而變得嚴重

記住呢個病係所有情緒病當中最易解決架
心態決定境界

有冇心理輔導推薦下比大家？

我諗好多人都唔想食藥

我個人建議搵NGO 機構入面嘅臨床心理學家

例如中文大學，香港大學賽馬會，明愛 ，浸信會etc
我自己揀左中大

要揀一個有經驗嘅註冊臨床心理學家 ，而且必須係「香港心埋學會」嘅會員

我係呢方面做過比較多嘅research (因驚被人呃）
坊間有啲自稱係心理學家，但其實可能無心理學碩士，並無專業資格 （一search google 出哂黎，慎揀！！）
所以巴絲們揀個陣要留意呢點


我貼條link 比大家參考，有各大NGO 嘅心理學家（都係心理學會會員）

https://hkps-dcp.org.hk/images/downloads/CNGO%20List%20-%202020.pdf


最後就各大NGO都有分私人/計入息收費/免費，自己可以衡量下再決定呀


有疑問隨時問啦！