幻愛個part
我係唔覺得個病人會同個牌都未有既心理學學生講咁多內心野
我自己都睇左三四次cp先講到啲有用野
不過個個人唔同既 可能人地真係冇咁收收埋埋
我都想搵pt啊 不過屋企人話高危不如抖多抖
多謝屋企人同男友咁錫我
我就打定輸數 新年後可能都係經濟蕭條
因為廿歲出頭成日用屋企/男友錢
好唔安樂 而且最近開始變得自卑
覺得自己好似好多餘咁又增加其他人既負擔
前排覺得自己好翻好多
覺得係時候裝備自己
決定學好英文 考個ielts
因為細個覺得難 唔識就逃避唔溫溫
依家啲英文都麻麻地
不過面對自己弱點真係唔容易既事
我從小就唔中意講未成事既野比人地聽
溫成點唔想答 考成點唔想答 做成點唔想答.etc
所以一比男友見到我做既練習 我就好易自卑
問我有冇信心考試個啲 溫成點
我都會忍唔住喊 然後好想轉移話題
有時會忍唔住發脾氣 掟埋一邊 唔比佢睇
成日懷疑 我啲壓力又升翻哂
我可唔可以繼續挑戰呢個目標
(打打下字又流馬尿
)
希望大家唔好恥笑我考ielts 都驚成咁
英文真係我一個弱點
啲人講到幾易 我就更加焦慮
“咁易考都驚” “其實唔難”
男友有時咁講 我都焦到大喊