香港月入10萬及月入2萬既分別

信用卡唔係，係銀行會主動寄黎，有時貪佢贈品之後又唔記得cut.

的士有需要時會搭多少少。
其他同2萬一樣，因為你會習慣有錢剩，唔係諗緊仲有幾多可以洗，而係諗緊應唔應該洗。

撘車：我最後買左架車

信用卡： 狂煲AE 希望有一日升黑卡

超市：自己唔會去，叫工人買。去既話係一個節目，係Citysuper 買𡃁羊架，睇片玩廚飯仔

利申：年收入過100萬

AE黑卡要幾多先升到？
同埋有咩用

以前啲人話一年無洗一百萬以上唔洗諗。但我有朋友乜都用佢，用左好耐，之後都升到。

神卡就係想擁有下，但年費好貴，如果有得升，可能都係曾經擁有就算。

十萬同兩萬真係可以無分別 無乜特別想要 想要嘅都唔係錢可以俾嘅 例如香港重光

香港唔係講人工
係講資產
屋企20層樓 0蚊收入都贏你10萬收入啦

似係有原則既傻仔

只係唔覺得賺得多就需要亂花費

月入幾多，都只係一個退休前的暫時數字。如果將經常性支出跟月入掛勾，退休後會好快生不如死。

月入十萬的人比月入二萬的人，人生規劃會長線些少，我係講普遍而言，當然有個別反例。

月入由二萬升到十萬，日常支出絕對不會上升五倍。用多咗都主要係供樓支出，不過當中有儲蓄成份。

如果成日幻想月入升五倍就可以豪五倍地生活，咁既性格，職場上都幾難更上一層樓

對之極矣
利申月入60-70k
著Uniqlo 最舒服
不過鞋會講究少少

其實我舉既好多例都係講搵得多既人會用時間換金錢
上面都好粗略咁計左，當你搵10萬，你既時間成本每個鐘係百4蚊。如果exclude埋有無錢都要訓覺既8個鐘，每個鐘係200蚊。

的士／uber 貴幾十蚊但快半個鐘，再加埋舒適d，絕對係超值
食野一樣，兩間餐廳，一間抵食200蚊排半個鐘，另一間當一樣質素300蚊直入唔駛排，都應該係去300蚊果間

咁你就錯啦
例如月入10萬，返工時間fix死，咁慳返嗰半個鐘有鬼用咩，除非慳返嗰半個鐘用埋來做嘢啦
尤其係打工嗰啲
老闆自己開業就唔同，如果肯捱嘅可以做耐啲博更加高收入
不過俾我揀咗半個鐘巴士定做多半個鐘野，我寧願喺巴士Hea多半個鐘

um..........你咁既觀點........
ching我諗除非你貼糧單／稅單，如果唔係都好難相信然後同你討論落去架啦

哈哈，信就信唔信就唔好信
我不斷拉攏緊大家減低物慾提早退休，加入我嘅大家庭
（外國叫fire運動）

搭車
有司機可以用，但又會揸車，又會坐的士、地鐵、巴士。

Netflix/spotify/任何訂閱制既野
用Apple Music家庭Plan，但真係俾家人用。

超市見到兩pack檸檬茶有特價平10蚊
會買一送一，反正有司機，或者揸車。

信用卡
又真係用死一張，唔想記咁多嘢。

食飯
好食嘅話，貴啲都OK，最緊要係令我覺得值得俾咁多。

利申：兩公婆收入6位數

再利申：信用咭用HSBC Premier，有Jade

利申一定要最頂層先得？

佢自己upgrade我
你估我好想要咩

BTW
唔係一百個USD先有咩
雖然好common，但我keep住8位數所以唔清楚

上得半山咁月入幾多唔係重點啦

10萬：租客有冇交租無即check，隔兩三個月先睇一睇銀行紀錄