睇AV打飛機都要與時並進，一步步教你點樣買片睇VR AV。

大家好

間唔中都喺成人台見到有人問起關於VR AV既各種問題，咁就不如開個短短地既教學po，同大家講解下最簡單既做法，同埋要準備既器材有啲咩啦
呢個po係學術性質po嚟，希望Admin唔好放入成人台啲敏感相我遮哂點架喇唔該Admin

---

VR AV需要既器材其實豐儉由人，有人用高級電腦+VR頭戴裝置(Oculus Rift/ HTC Vive)，有人用Playstation VR，我自己就用最平同最簡單既手機+VR盒。
因為電腦+VR頭戴裝置呢part我唔熟，所以我就唔班門弄斧喇有咩唔明既都可以喺度問下，睇下有冇其他巴絲打可以幫到手

睇VR AV基本上要準備既野:

1. 一部裝咗DMM VR app既Smart Phone
2. 一個戴得舒服既VR盒
3. 一個買咗想睇既片既FANZA acc，同埋一個俾錢用既Paypal acc
4. 一對清潔既雙手，一個健康適合打丁既身體
5. 一個舒適，唔會俾人騷擾既環境

以下落嚟就逐樣同大家講解啦


(其實VR AV有唔少都好睇過正常AV，有啲陣容仲好勁添。)

1. 一部裝咗DMM VR app既Smart Phone

首先係人人都有既smart phone，基本上只要係正常運作既智能電話就冇問題，size方面只要fit得入你買既VR盒就得。
當然太大部同太重既話，戴得耐都會好快攰既，so far我又未見過人攞IPAD嚟睇VR喇

至於DMM VR app，如果你係IOS用戶既話，就要去日本既app store先至download到；用Android機既朋友就去日本Google Store，search keyword 「DMM VR動画プレイヤーアプリ」，又或者scan下面條link既QR code，應該都可以搵到。

https://www.dmm.com/digital/vr/howto.html?_ga=2.84472217.1879700193.1602050322-1483685980.1549513106


(小心唔好down錯下面動畫嗰個，嗰個係睇普通片用。)

2. 一個戴得舒服既VR盒



一個舒服既VR盒，比起一套好睇既VR AV可能嚟得更重要。我自己用緊既呢個VR盒就喺日本啲雜貨鋪買，當時做緊特價¥1000，大慨$70-80港紙。

香港要買既話都唔難搵，一般既電腦商場都會有鋪頭有賣，都係有平有貴，我見過有啲賣到$200-300都有，有啲仲有埋耳機連住個盒，都係嗰句豐儉由人。
揀既時候，有幾樣野可以分享俾大家留意下。

A. 可唔可以較眼距

每個人對眼既位置都唔同，要做到最舒服最合適距離既話，就要靠VR盒入面嗰塊鏡片較啱個距離同角度，出到嚟既效果先會係最好。
眼距多數可以郁到前後左右，同埋係分開兩塊鏡片郁，小心留意。



B. 戴上頭舒唔舒服，戴眼鏡用唔用得

撞正而家防疫時期，未必間間鋪頭都會俾你試戴，但都建議大家買之前開開個盒摸一摸件實物，睇下條頭帶鬆緊度，質地舒唔舒服，貼住塊面既部份會唔會刮到，諸如此類。

另外，如果你唔戴眼鏡就會好似大雄咁變咗3_3咁樣眼既朋友，最好睇下個VR盒可唔可以戴住眼鏡都用得，費事一陣4K畫質都變到360p。



C. 部電話放唔放得入

咁當然，部電話放唔入個盒既話，你買到幾靚都冇用所以買之前最好都係放部電話入去試下，又或者check下個盒可以最大入到咩尺寸既電話，插住耳機線、戴住個手機殼、又或者拮住條叉電線有冇問題，一陣買完返去先發現原來用唔到就唔好啦

3. 一個注冊好，買咗想睇既片既FANZA acc

買片嗰part我後面會再講，而家同大家示範咗點樣開acc先。

用電腦搞就最方便以下既畫面係電腦介面既操作。

首先去 https://www.dmm.co.jp/digital/ ，一入到去就有得揀英文/日文，揀英文既話會話你海外地區唔俾入，所以要揀返日文。



之後右上角揀「DMMアカウント」，㩒黃色嗰粒「DMMアカウント登錄」



呢度可以揀用email登記(左邊)，又或者用Google Twitter Facebook 登記。
基於安全問題，我建議大家用返email登記就穩陣啲

メールアドレス= mail address
パスワード= password

一陣喺app嗰邊要log in返同一個acc，所以唔好亂set搞到自己唔記得。
untick個格仔，費事收到啲宣傳mail，之後㩒「認証メールを送信」，去返自己個email box，會收到一封FANZA既email，入面有條好長既link。



㩒入去，會link返去頭先FANZA個主頁，去返右上角「DMMアカウント」，今次㩒「DMMアカウント情報」，會見到自己個email，呢度可以check到啲購買紀錄同積分，信用卡嗰part佢地唔收海外，所以可以唔駛理。

之後去呢度download條試睇片，㩒「購入済み一覧に¥0で追加」，係一條阿部乃みく既試片。

https://www.dmm.co.jp/digital/-/guide/=/view=spec/#area-vr



去返電話app嗰邊，log in返頭先個acc，㩒下面既「購入濟」，一切順利既話你會見到頭先嗰條試片。
係咁意開嚟睇下，一切正常就OK架喇

呢度同大家大慨講一講個app係點樣操作

當你放咗部電話入去個VR盒之後，就做唔到好似平時睇片咁用手指拉住條bar飛片呢啲動作，而家呢個VR app好好，可以追蹤你既視點嚟做呢啲動作，跟住落嚟我就示範俾大家睇。

首先有請我地今日既嘉賓，小弟好鐘意既坂道みる，今次用既係佢既一套痴女VR作品

喺畫質方面，可以喺HQ版嗰度揀HQ/標準，對自己network有信心既朋友可以放心有咁清揀咁清，唔係既話就睇標準算啦

另外，都可以揀下面寫哂file size既option，download落定部電話，咁就唔駛次次都等佢load
download完既片會喺下面中間嗰格「ダウンロード」入面。



除褲打丁喇不過點解畫面咁既
首先喺你每次揀好片㩒入去之後，個app都會有幾秒時間等你放個電話入個VR盒，你會見到中間行字倒數住54321，之後條片先開始。



另外喺右上角，有一個轉換觀看模式既logo，呢度就係用嚟較操作模式。

如果你見到呢個版面，呢個係用手touch操作既模式。



如果你見到呢個版面，呢個係用視點追蹤操作既模式。



當你係用緊視點追蹤操作，你睇片既時候只要輕輕郁一郁個頭，上面畫面嗰堆野就會走出嚟。
然後你只要控制你個頭，唔係下面嗰個將中間白色嗰一點郁到去你想要既位置，hold住唔好郁，等半秒左右會有個圓圈開始轉，轉完就表示㩒咗嗰個地方架喇係咪好正呢
之後再輕輕郁一郁個頭，個操作介面就會消失返，又可以繼續打丁喇

Play/Pause，飛片，快慢10秒60秒，重新設定視點中間位，都係可以靠呢個動作進行。
用視點追蹤操作模式，就可以解決VR片操作控制既問題喇

之後同大家講講其他掣大慨係點用。



右下角第一粒，成個箭咀咁既符號，就係用嚟較水平位置，只要一㩒，就會以你電話既當前水平嚟做中心。
喺視點追蹤操作模式，你㩒完佢會要求你hold住個頭望前面一兩秒，嚟確認水平既位置。


(會有個咁既畫面叫你唔好郁，嗚呀坂道真係好鬼正)

基本上呢粒掣係幾常用，特別你當你開完片放手機入VR盒，多數個水平位置都係錯，要喺呢度較一較。
有時見到個畫面歪咗，又或者想訓喺度都想睇到坐喺度既視點，就要靠呢粒掣喇

---

另外右下角仲有粒好似一座山咁既掣，呢個係用嚟轉換VR box mode，同VR mode既分別。

VR Box mode，會見到畫面左一個右一個，當我地戴住個VR盒睇片既時候，我地既大腦就會將兩個畫面合返埋一齊，變成一個畫面。



而VR mode，就係好似我地平時睇片咁，一個畫面睇哂，但當你放入VR盒既時候，睇出嚟既畫面就會少咗中間嗰忽，所以除非你唔用VR盒而係攞隻手hold住部電話，否則基本上係唔會用呢個模式。



最後個齒輪就係啲敏感度setting，唔係條丁既敏感度係你喺視點追蹤操作模式既敏感度，我都好少較，大家有時間可以研究下。

大致上就係咁，冇咩事我繼續寓工作於娛樂，睇埋套坂道先

4. 一對清潔既雙手，一個健康適合打丁既身體
5. 一個舒適，唔會俾人騷擾既環境

畢竟睇片嗰陣個電話咁近對眼，平時電話又周圍放周圍摸，所以都建議大家睇之前抹一抹部電話先，洗乾淨對手，準備返個relax既心情打返個靚飛機，第二朝起身先精神爽利

其次，帶住耳機睇VR AV，係最好臨場感既setting，所以為免一陣俾阿媽踢門而自己掛住睇VR AV打丁之後出事既意外發生，都係奉勸大家一句，小心駛得萬年船


(小弟可以大膽預言，VR AV將會喺不久既將來成為AV業界既一個大方向同主流，所以大家不妨提早感受下VR AV既威力)

最後，同大家講解下點樣買VR AV片

首先都係返去 https://www.dmm.co.jp/digital/ ，碓認log in咗自己既acc之後，上面既欄位分別係ビデオ (Video，即係普通AV)、VR動画(VR片)、素人(唔駛解釋啦)、アニメ(Anime)、成人映画(成人電影，少少咸少少趣嗰啲)
平時想買其他片就可以去其他category入面睇，今次我地揀上面「VR動画」嗰欄。



入到嚟就可以用上面search嗰一欄搵你想睇既女優，記得要打日文。
如果冇咩心水既，可以喺左手邊人氣商品嗰邊， 睇下呢排多人買同多人俾好review既片有啲咩，再喺入面睇下有冇心頭好。

睇啱㩒入去，就會有條片既簡介，有啲仲會有埋預告片俾你睇，等你唔駛驚照騙
右手邊有三個價錢option，分別係:

HQ版 Download + Streaming (無限時)
普通畫質版 Download + Streaming (無限時)
HQ版 Download + Streaming (7日)

基本上我買親都係會買HQ版冇限時既option，但如果預算有限又或者諗住開嚟睇一兩次就算，買7日嗰個都係一個唔錯既選擇因為嗰個價錢最平，不過只可以睇7日。

然後下面可以揀:

今すぐ購入 (即刻去俾錢)
バスケットに入れる (放入購物車)

同你平時online shopping一樣既流程，都係可以放哂落購物車，睇啱揀好哂先一次過俾錢。
驚買錯非VR片既話，其實每一套VR片個名前面都有寫明係(VR)，俾錢之前可以留意返。


(VR片一般都平過普通AV，幾十蚊就有交易，所以希望大家多多支持正版啦)

揀好哂之後去返右上角架購物車，揀返「動画」嗰格，如果揀咗其他就會去咗其他category，因為佢個購物車係獨立分開計。



購物車會show哂你啱啱揀過既片，tick返你真係要既片，㩒黃色嗰格「レジヘ進む」。



嚟到俾錢呢part，因為我曾經試過哂我手頭上既香港信用卡，FANZA係冇一張收，但我亦都有朋友係試過有啲銀行信用卡係用到。喺唔知咩準則既情況下，我今次示範用最穩陣既Paypal俾錢。
因為信用卡唔可以做到直接交易，所以我地要喺FANZA用信用卡經Paypal做交易買點數，¥1=1 pt，套片¥1280就即係1280pt，如此類推。
如果你試過你手上既信用卡係OK既，可以無視，直接去用信用卡俾就得。

揀「ポイントをチヤージする」



揀「PayPalでのお支払い」，揀你要俾既金額。
之後untick返「FANZA動画配信版メールマガジンを受信する」，費事又收到啲推廣email，然後揀「Paypalで購入手続きに進む」。
Log in返你既Paypal acc，俾錢。

一切順利既話，你就可以喺DMM アカウント，「動画購入済み商品一覽」，見到你已經買好咗既片。
同時，喺手機app嗰邊，都會即時update返個list，可以即時見到買咗既片。




大致上成個操作流程就係咁樣喇有咩唔明都可以喺度提出，除咗錢銀問題同幫唔到你打飛機之外，其他我儘量幫

巴打 我都係用手機+DMM vr 睇親片條女一近過黎 左右畫面就極度唔對稱or同步 你有冇呢個問題

我有時會有少少少少左右唔同步，但多數都唔影響睇嗰陣時既感覺。

依你咁樣講有可能係手機問題，可以試下用其他手機睇下會唔會冇事。

無知一問
其實你睇AV你都係望住條女㗎啦
個頭擰嚟擰去周圍望做乜鳩？

VR AV sell既就係嗰個臨場感同第一身視覺，當你戴咗上去，個女優哄埋嚟嘴落你度，除哂衫同你做波推，幫你口交，同你平時睇普通AV既感覺差好遠架

你唔好吹到咁大喎
同嗰啲第一視角AV真係咁大分別？

類似咁嘅例子
個腦根本就唔會將個畫面合埋

咁當然人人感覺唔同啦但VR既臨場感的而且確係比普通AV好

或者巴打有冇試過戴住VR睇Youtube嗰啲過山車VR片? 同你就咁睇普通過山車第一視角片既感覺都好唔同。

用緊Oculus Quest

算啦，唔係想像中咁好feel