Dja_Djedje
2020-08-18 08:07:18
我唔知你點解講到乜嘢合法革命,我只係解釋一個表面上脫序嘅行為會普遍地被接受⋯⋯我梗係知唔會乜嘢示威行動都會有民意「授權」啦,只係指出好多時民眾接受呢啲睇落脫序嘅行為,就係因為民眾完全唔信任政府(或當權者)會依正常政治途徑去解決問題(呢樣嘢事前都唔會做「民調」,但民眾會feel到,數據只係作事後孔明分析用)。
所以到頭來,我只想提出我嘅觀點,就係我那怕幾唔認受臨立會2.0,但我「唔反對」(唔完全係贊成)泛民賴死唔走,係基於我覺得大眾普遍唔認受現時嘅香港政府,亦普遍唔認為政府會循合理政治途徑解決問題(普遍認為政府耍無賴),所以我可以接受對泛民違反政治倫理、脫序嘅行為(延任「非法」議會 )隻眼開隻眼閉,而唔會用道德倫理(所謂endorsement)去反對泛民賴死唔走囉。
我冇話我一定啱(但我覺得有問題我會嘗試辯駁),但普遍本土派討論呢個問題好多時好心浮氣躁(例如張崑陽嘅用字其實非常aggressive),對嚟緊後續嘅行動係咪好呢?