《只有做愛的時候我才聽得見聲音》(2)

1001 回覆
309 Like 6 Dislike
2020-08-13 23:55:36
幾點出貨???
2020-08-13 23:57:55
推呀
2020-08-14 00:21:54
2020-08-14 00:37:30
一口氣睇曬全部 追左幾個鐘
中間戈段得肉體關係嘅感情 睇到好心痛
2020-08-14 01:02:51
等左兩晚唔係無貨呀
2020-08-14 01:18:17
慢慢啦樓豬慢工出細活
btw最近發現Cigarettes After Sex啲歌都好適合呢個故!
2020-08-14 01:38:15
晴晴點呀
2020-08-14 01:52:27
樓主,晴晴點?
2020-08-14 01:52:47
2020-08-14 02:27:09
就嚟1001喇
2020-08-14 02:34:38
樓主我到了
2020-08-14 02:35:39
好眼瞓 但都想睇埋先
2020-08-14 02:43:26
樓豬,加油呀
2020-08-14 02:44:06
2020-08-14 02:56:49
樓主
2020-08-14 02:59:33
晴晴醒左無幾耐,精神狀態仲有啲迷糊,見到Alex攬住自己喊,開頭以為自己發緊夢。

慢慢感覺到對方越攬越實,幾乎令佢抖唔過氣,因而先知原來呢個係現實,並唔係夢。

Alex嘅身軀同流出眼淚都係溫暖嘅,令晴晴個心亦瞬間變暖。

佢諗唔到呢個男人竟然會為自己而流淚。

「哎呀~」突然間,晴晴嗌左一聲。

Alex以為對方又病發,立即鬆開個人, 並好緊張咁問:「點呀?你係咪又痛呀?」

晴晴搖搖頭答話:「唔係呀,係你攬得太用力,我個背脊被你『銀』左一下。」

「原來係咁,對唔住。」Alex鬆一口氣話。

晴晴微微一笑,然後用手輕輕抹走對方眼角嘅淚水,眼定定咁望住對方,心裡面有種講唔出嘅感動。

之後佢地兩個都無出聲,氣氛顯得有啲安靜。

而呢一刻,二人相貼得好近,互相對望住,Alex眼裡只有晴晴,而晴晴眼裡亦只有Alex。

大家個心都跳得好快,塊面都係紅卜卜,喺佢地身邊嘅空氣,飄散著愛嘅感覺。

兩秒之後,Alex用嘴唇主動貼上晴晴嘅嘴唇,錫左對方一啖。

呢次唔係佢地第一次嘴對嘴錫,但同對上兩次唔同嘅係,今次係Alex主動錫埋嚟。

從呢一下親吻之中,晴晴感受到之前兩次未感受過嘅嘢,呢樣嘢就係愛意。

佢合埋眼攬住對方,用親吻回應對方嘅親吻。

「叩叩—」

姑娘敲門行入病房,每日差唔多呢個時候,佢都會幫晴晴探熱。

錫得投入嘅二人聽到敲門聲,知道有人入嚟,就拿拿臨分返開。

「咦?晴晴,你終於醒返啦,但你塊面點解咁紅嘅,唔會係發燒掛?」

姑娘幫晴晴量一下體溫,發現對方體溫正常,跟住佢望到Alex:「你兩個搞咩做一大早塊咁紅嘅,係咪冷氣唔夠呀?」

Alex同晴晴不約而同互望一眼,怕怕醜醜咁相視而笑。

然而,雖然晴晴醒返,但唔代表佢好返。

經過醫生嘅檢查,發現佢嘅情況反而有惡化嘅跡象,需要進一步提升治療嘅密度同強度。

咁亦意味住晴晴將承受更多痛苦同折磨。

喺之後嗰段治療嘅時間,Alex一直都陪伴左右,見住晴晴一日比一日瘦,頭髮一日比一日甩得多,而且仲成日嘔又無胃口食嘢,佢心入面相當相當難受。

儘管如此,但Alex都仍然無時無刻鼓勵同安慰對方,而且每日都坐喺床邊陪晴晴傾計。

佢地咩都傾,傾二人經歷過嘅往事,傾Alex喺英國嘅逸事,又傾晴晴以前打工揾錢嘅苦與樂。

每晚都傾到好夜,其實佢地並唔係想傾到咁夜,只係唔願意合埋眼訓教,因為佢地心入面都好驚,驚合埋眼之後,第二日自己/對方就唔喺度,無得再見。

無人知道上天會出咩牌,所以佢地只可心懷希望作最壞打算。

呢一日,傍晚時分,晴晴喺病房屈到悶,想食嘢又食唔落,突然諗到醫院花園行下,散下步。

西邊嘅夕陽散發柔和嘅餘暉,映照花園裡嘅一草一木。

喺橙黃色嘅晚霞照耀下,晴晴慘白憔悴嘅臉上仿佛多返少少生氣。

「你睇下,個鹹蛋黃好靚呀。」晴晴拖住Alex,看著黃昏景色,發出讚歎。

「係呀,好靚呀。」Alex望向遠方夕陽話。

「不過我都係鐘意睇日出多啲,揾日我地不如去返上次嗰沙灘,睇多次日出?」晴晴問。

「嗯,好呀,等你好返我地一齊去睇。」

「如果我好唔返,你會唔會揾第二個去睇呀?」

「唔好講呢啲衰嘢啦,你一定會好得返架。」

「哈哈,我隨口講下啫。」

「呢啲嘢點可以隨口講架?」Alex問。

「哈哈,咁當我無講過啦。不過,我發現嗰啲絕症片都唔算呃人,原來有病嗰陣,真係會有人肯一直陪住你。」

「係呀,而你都會好似嗰啲片入面嘅女主角咁,最後一定會好返。」

「其實都唔係個個女主角都好返架,有啲最後都瓜左架。」

聽見晴晴又講啲唔吉利嘅說話,Alex心裡不禁沉左一沉。

佢捉住晴晴雙手,好認真咁講:「唔會架,我知你一定會好返,我地一定可以再去沙灘睇日出。」

晴晴望見對方一個咁肯定嘅表情,笑一笑點點頭話:「嗯,我信我一定會好...」

說話仲未講完,晴晴個肚又忽然作痛…
2020-08-14 03:00:56
一f5就有
2020-08-14 03:02:05
晴晴要好返
2020-08-14 03:02:34
晴晴唔好有事
2020-08-14 03:02:54
啱啱好撳入嚟就有文睇,正
2020-08-14 03:08:05
More more
2020-08-14 03:08:18
今日暫時出住一篇先,發覺寫返生比寫死難,要諗下點happy ending先得
2020-08-14 03:12:56
樓豬一定要給晴晴一個幸福的結局
2020-08-14 03:13:55
即係原本係sad ending ?
2020-08-14 03:17:13
本來都係happy ending,最後幾個bbq scene我都諗埋,但中間未諗到情節過渡過去
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞