《只有做愛的時候我才聽得見聲音》（2）

樓主，求你快啲俾番晴晴我

P

對p嘔心既感覺
除左港女仲有mk feel

尤其句alex bb
直程想中7佢

睇到好肉緊 晴晴唔好有事

嘔心 ，skip，分手先睇

快啲到聽日

兩日時間追到live
有冇人同我一樣一路流馬尿一路睇

啱啱用三個鐘由頭追到live
樓主你真係寫得好好
唔知點解我覺得同Your Lie In April有啲異曲同工之妙，雖然樓主呢個故事嘅劇情好唔同，但係都做到同一個效果，爭在唔知sad定happy ending
樓主神作

睇左幾日P
晴晴都係突然有病，我想睇P屋企突然破產又比alex飛

留名

P好似一路冇問Alex 晴晴係邊個而家見Alex對佢冇感覺 應該估到Alex心目中有第二個🤥

其實話好聽嗰個真係晴晴

佢已經死左

晴晴呢

見好多人都話唔鍾意P

我反而覺得係因為樓主趕收尾，明明讀者之前都對佢冇乜印象，之前佢出現都係為咗晴晴同男主角之間嘅關係增加曲折同挑戰性，如果最尾一齊到就有種患難與共嘅feel。而家一連幾章喺度瘋狂寫衰佢，而又格硬好似有意無意中又講啲晴晴嘅好處，搞到成件事好怪，好作狀，有做多咗嘅感覺。

點解要寫P同男主角喺埋一齊然後又火速分手？為咗講P有幾港女格？咁不如直接輕輕帶過佢，等佢淡出，直接話喺外國嘅一個月時間裏面男主先發現晴晴好好，冇咗晴晴唔得etc。

就算作用係為咗突顯晴晴嘅好，劇情方面都有改善空間。

當然作文呢家嘢大家睇法都唔同，我隨口我吓我意見啫

我個人都覺得寫得p太差 搞到女主好似冇乜特別好 求其揾個人都會好過p咁
如果係講p都唔差 但係主角都係覺得晴晴好啲 會唔會更加襯托到晴晴
搞到主角鐘意咁多年嘅女就係一個臭西港女

P呢段寫得太刻意，同埋故事節奏的確比之前差左，呢兩點我都承認
而寫P呢段，原意除左做個對比之外，係想加多少少戲俾alex
因為直到解約嗰刻，alex對晴晴既感覺都仲係好模糊，而且佢係一個遲鈍既人，當刻其實鍾意左對方都不自知，亦未坦率表露過對晴晴有任何感情
所以就想搵個位寫alex恍然大悟，發覺內心愛意嗰一下，不過可能太想要個效果，啲嘢越加越多，就變到咁作狀

可能alex以為大家都係有錢人 好多野都好相似 例如修養 處事 無諗過差咁遠
話曬之前對佢既印象都係來自夾band(好似係

一齊左發現性格不合 所以先咁寫

成個故事又完整咗

我都同樓上有同感，寫得太簡單啦，老實講如果P一直都咁港女，咁以前Alex做咩會鍾意佢？如果想講P係港女，幾個字咪講完，而且如果佢自己都大把錢，其實就唔會咁港女格啦，起碼法國野佢幾時食都自己俾得起，Alex叫佢食大排檔可能佢都會照食，但周身唔自然⋯⋯因為港女分手真係太表面太簡單，覺得樓主有少少趕。

如果想Alex諗清楚，有好多方法，P可以感受到佢其實心不在焉，然後決定同Alex分手，然後Alex發現唔想追返佢之類，甚至好似某個巴打講，咪話佢同P做愛的時候聽唔到野囉 都有趣過而家咁⋯⋯

當然我都係隨口講下，樓主自己想點寫就點寫啦，等今晚新文。

唔知點解我覺得八婆P係個種個ex 搵返佢 就飛9 Alex個種賤人，
Alex似係後備，又或者係中學個時得唔到，因為好勝心而想溝Alex，唔係愛佢。

反而晴晴唔係貪慕虛榮，只係要錢生活醫病(唔係唔會儲成100萬)，佢係真心愛Alex...

呢個先係落差 唔係性格問題

推